Uchun 22

1 Atene nviu uswi atsum ugyi-etkie, enuben na kyike. A ta beu-zi nken azwi na kyike mbe uken-tchan re Imba iton. 2 Eshi na ukuko ufe mbe uten. Nken ikpan-sko ebou ugyen mbe ugyi ahwe re ute-ambi tki-tsutsu, na ra van-avan itsu ebwo-tki'ifan, re nken mbe uswan-uswan. Ayen-ute ambimu etkina era da ke eswieyen. 3 Ambi-zwi-zwi kya danhwe ekuswenate. Azwi-kyike mbe uke-tchan re na mbe Imba-iton era hwe nken efu'uten, ebe-uswimbo era hwe fenibu. 4 Era de ibwatkimbo, ebenmbo ufi ra hwe ebwa'tki mbe. 5 Uchu-uchu kyahwe; ekyadon iban ufi-mumua fenn iban uken ufie e'ate ebarmbi-idi uken tchan ara mmua iban mbe. Era tebun uten hwere tsu-tsu. 6 Nviun-uswi shen nyo, "uviun aken aten tetore uzwen. Ebarmbi-idi, uken-tchan mbe nviun ebe-uswi-aten, atkun nviun-uswimbo atsun ebe-uswi ambi na kpo ne ara vo ara mbe'a ufoan." 7 "De bo! Nna bo ara mbe'a ufon ufie! Eyen ambi sisi hwe eyen na ra vo aten re aken mbe ufka'a wen." 8 ame, Yohana, nhwe asi eyenna nfkan ufie nde ambi ba ten. Etanmbi nfkan nde'a, ma, nkpu ekuswen afkan mbe nviun-uswi na atsun and ambi baten etkina nbwe efen ke'a. 9 Ashen nyona, "nti vo ma ino! Ame idgo-efeun jireqdu, re ibembanimbu ebeswi-aten, re eyen ba ra vo aten re aken mbe ufkka we. Bwe-efeun ke uken-tchan!" 10 Ashen nyo na "ute chi-kenwa ekpa-aken ufo mbe ufkka wen, de etain ra yanre. Eyen na mara chon ambi-isia, afkan atkun re na atu vo'ambi-isia. Eyen na ma hwe eyen asha'a, afkan atkun na avo sha'a etkigyo. Eyen na ma hwe eyen ambi-isi, afkan atkum mbe ambi-isi na ve-vo. Eyen na hwe eyen kyike, afkan atkun re na keke." 12 De bo! Nna bo ara mbe'a ufo'an. abgu-ehwan mi ahwe re den, nna kpake eyen kata mbe ihwu aten na a vo. 13 Ame nhwe Alphare omega, igigyu re mhwenmbo. 14 Eba dzu ambisisi eba sa-kpu ambi voigi mbe etkie na edzu eke afiugi ejji azwi mbe uteambi-etki ke ufie eka efu'uten ashina enegigyimbo. 15 Egigyi ete itku'u, eba tcha-ekpu, eba ra feun-iki, eba ban-uniusho, eba bwan-eyen, re kata mbe eba ra chon ambi umin. 16 Ame, ukenfgen'emon ntkun uniun-uswimi abo shene ambi ba ten etki mbe eyen ba rqa ba ame. Ame utchuto eswimbe Dauda, itke-itanhwu na mmua-ufi." 17 Nviun req imba-ndo ifi e nyo, "bo!" Ekeq eyen na ma fkan anyo, "bo!" kata mbe eyen bwan uhwanu, re kata mbe eyen na ma ra do'an eke adzu enuben etki re-iswen. 18 Nna kpen rqa ke kate mbe eyen na ma fkan aken ufo'bwan ufkka nawen: Nke na eyen na tke-ambi etkimbe, ukentchan ra tke ke'a unuto ba ebate nken efkka wen. Nke eyen na ten zi uviun-aken mbe ufkka ufo bwan, ukentchan ra ten zi ibwanmbo azwe nken uteambin etki azwi kne uten na kyike, eba ekpu ba te nken azwi nken uten na kyike, eba ekpu ba te nken ufkka wen 20 Ibu eyen na shen ambi ba tenma anyo na, "I! Nna bo ara mbe'a ufon ufie" Inombi! Bo, ebarmbi'idi ukenfgene' emon! 21 Ambisisimbe Ebarmbi'idi ukenfgene'emon a hwe re-udidi eyen ugyen nken mane. Ahwe-ino.