1 Nawen uda'a mbe Yesu Krisiti na Emo mbe tsun uswi mbo ambi nara mbea ufon era de. A mbe tkun malaika mbo azwi mbe uswiq mbo Yohanna. 2 Yohanna nyon aken ntki aken mbe Emo, ufi a nyon aken etki mbe Yesu Krisiti, re ambi ba ibu'a de dju. 3 Ambisisi whe enambe eyen kpen iba na efun ba whe ukpi ma re uvun kagyi, re eyen na fkan akenfun asvo aten re ibafun, fietki na ufon bo nyare Azwi. 4 Yohana, ba so ikpiemo itafan ba te Asiya: ke nigyi itoshi aso azwi mne re gyengyen azwime eyen whefun, afun whefun, ata whefun azikya azwi nvun itofan ba te ikiswen uchen mboma, 5 re azwi Yesu Krisiti na whu ebwa na uzwen, Imba aka iswen azwi me eba fure, eyen tebun mbe ebewhe ba efunten ate. So azwi mbe eyen chon aken mi a mbe eken mbo bwo itki ambi zwizwi mi, 6 a me'i ghan ebewhe re uwhesi me ukechan atta mo- Efo re ekafuegyi ate enambo te chuchu. Amin. 7 Ni de, ara bo re ibwe-akpi aban aban ra de'a, re eba fun Vwean uti se ra de'a. Eswi ba te efu'uten te ma ra chen egyen etki mbo Awhe-ino. Amin. 8 "Nwhe ena ugha re ena uwhen" ukachan von asi. 9 Ame, Yohana-uvgini mbu na fun re n'ne voekan idvuwhe, nfun zwen ikibe nre n're whe etki mbe Yesu-nwhe ebwo na era tan nyon'a Batmusa etki me aken me uken chan re ena nfun nyon nasisi mbe Yesu. 10 Ukin imbi nwhe iken nvun, nfkan uvun ghagyine e nyifun mi whezi ena era vwen mpuu. 11 A nyon "Ba mbe ambi ura de ate ma nken ufka, u mbe tkun so ikpi-emo itofan ba te Afisus, re Simirna, re Birgamas, re Tayatira, re Sardisu, re Filadalfiya, re eba Laudikikiya". 12 Nbinghanzi nyon'a nde eyen ra nyon akenwen, re ena binghan ma n de asho-ba-uffi itofa sante. 13 Ukko mbe asho-ba-uffi wen eyen ugyen senwhe efun ziena imba me eyen a se ambi se-egyi gon sibo ikiwhe bu azwi afkan mbo ambi asho ibamn chiken me ugo mbo whe. 14 Etki mbo re iche-itki mbo te itin zi'ena echunma-itin zi'ena umuu, Imba nigyi te iban ziena eden uffi. 15 Afkan mbo ra chichen ziena ubu eme swin azwi ambi asho, ziena ambi asho na echen mbe uffi zibo ifiene, uvun mbe wheziena enuben ghagyi kyen zi iwhen Sirabo ikiwhe. 16 Itke itofan te abgu ji mbo re adda edi me unu mo ifan te, zi rabo unuswen mbo. Ikiswenmo ra tsun ziena ukin na ta swenbwanre kata. 17 Azwi nde'a ma nzi tafen ikiswen mbo ziena nfure ma. Ambe abgu iji ze'n ane, a nyon'a Ti kenwa afiken, nwhe ugha re uwheni. 18 Nwhere uwuwn nfun fure, edinewen udem, nwhe'a chuchu! Ambi fkun ikpi mbe uwhefu re ichefu te azwi mi. 19 Awhere inowen, mbe ambi na ude wen ba ikiwhe, ambi na ndine wen re ambina ravo ikiswen. 20 Ifke mbe ambi bba tuton whe azwi itke itofan ba ude abgu iji ma re iban uffi itofan ten: Itke itofan ten e malaika mbe ikpiemo itofan, iban uffi itofan ten, ikpiemo itofan.