1 Eten na uken atko vonzima, Mariya Madagalia re Mariya aya mbe Yakubu, re Solomi ekpen mbe ubu ebun mbe so etki eka mbe se igi mbe Yesu. 2 Nsken nken na ka-iswen mbe atko, eso etki umui eten na uken ra dgere ma. 3 Era ngo re egye nyo na aban ra gammbe re uchen azwi mbe enekengi mbe umui wen?. 4 Azwi eka nigyi etan, ede na egamzire uchen mu, uchen fun hwan re. 5 Eka nken umui ede imba na hwe iso ase udan ambi. Ntti ahwe ikpan sko-uji, affikyen bunwen. 6 A she nyo na, "Ete kyen affikyen. Ni ra ndo Yesu na Nazarati, na mb-wan ikanma. A nyure! A hwe ate.de azwi emba doumma wen. 7 So uka she e ba-uchen mbo re Bitrusu, nyo na aka re iswen mbe sore Galili, na eniademu etana afu nyo m". 8 Ebiuzi azwi mbe umui mbwe ne re etkan ikpu ekpu nyo ka aken regye etki na ehwe re affukyen. 9 Nsken uken kalswen mbe atkomu e nyifuna ashire ma, adu ebwa re Mariya Madagaliya gha-gha eyen na afun dganto nvun sigyo itofan. 10 A so aka nyo she eba fura te, etana era za era kpie. 11 Efkanna ashi adu egiredo, eso-uzwen. 12 Eyenfun mbe ambi ten adu egirede rete-ite re eyen ifan -fan mbe nken mbe ikyun,na biuzi efu-uten. 13 Eka so kpe akenmu ke eba-uchen, ba dan te ma ese mbe eso'uzwen. 14 Yesu bo abdu egi re idi ebwo etkiuyen era swinra kei etebulu se a nde aken etki na eso'a uzwen re ikube keke mbe eba du ebwa-tki redo etana ashi yun azwi mbe na fufumbo. 15 Atkun nyo na "e so nken efu-uten, ke mbe aken mbo you ke ambi na emo kata. 16 Eyen na so uzwen ase-enuben etki ara fkazi, eyen na se aso uzwen evoaswei. 17 Eketen ra kyun re eba so uzwen nken mbe eben mi era dkan ugyo sigyo buzi era yon e den na-ifi. 18 Eba ra ton ufgin re abgu, nke na e ma vo ambi na ekan hwemu ara vo-mba ambi uyen. E ma mbe abgu zen eba uma egi era du gyen-gyen". 19 Azwi na ebar midi yon to akenre de ma, ebumba ka tko akpo aka hwe abgu-uji mbe ukenchan. 20 Eba-uchen dante yon aken mbo anoano ate ebarmidi vora gire na ara de aken mbo re eke bra ra kyun rede.