Uchun 8

1 Yesu ka azwi nken uten re uten ba chika a ra nyon aken ifi mbe Attah Ukechan, Eyen bwo imba ifan ra hwe. 2 Nken ino imb-ndo na fkazi nken umma ugyo re udgo.Mary ko Magdalene eyen na edgan-to umma ugyo itifan hwen. 3 Yuwana ugo Kuza eyen-aten mbe Hirudus,re Suzanatu re blo ba negyen. Nken mbe ambi ba tonra tswinma evo egyi eyen ba dzu-ta. 4 Eyenka'egyi bobufun,eyen hwe ra bo uten uten, a ra hwan ekpan nfin. 5 Eyen ivo so ivo aka dgo edtu ba ungyen si etki ufu eche bwan mbe,imba icho ton kpe ba ungyen. 6 Ba ungyen si atkun afu'u ke dzu eki hwe 7 Ba ungyen si etzwi ze edgo ma ezwi bum mba. 8 Ba ungyen si eki hwe sisi evan van ka'egyine. Ze Yesu nyon zwe aken nma,eyon eyen na hwere yen tkun afkan ambi nyon. 9 Ebachen mbo ka ekon ekpan nfin. 10 A re nyon,ambi ba teh akpo negyi, amma nna nyon ekpan nfin, ke na nfkan re na ide,e ra de de egyi, e ra fkan,efkan egyi. 11 Ekpan nfin hwe'asi edtu, aken mbe ukechan. 12 Ba etki ufu, ba fkan re aken, amma shidan bo ambe ze aken mu ekube mbe ke ti so-uzwen ke fkazi. 13 Ba si etkun,eyen ba fkan aken ru-utsu nten,edzu akpo-isisi mbe ufun ekpu ufun mbe nmude. 14 Edtu na si etki etzwi, eba fkan aken amma,ze teh ra so ma ambi egyi vekpuzi a van mbe ta zwen. 15 Edtu na si egyi hwe sisi, eyen ba fkan aken re ekube ungyen edgan a van re ekube nzwen. 16 Ubamuwa efitila ubwe cheken mbe wa ko uba mbe teh ichi a'kpan.mbe teh etki ambi ka ke ita-egha. 17 Ambi na mbe titon hwa,ke a ra egyi ko ambi ichu-fu na uvo ka ra zi ita-egha. 18 Fkansisi, eyen na ma hwere-do,a tke ka,amma ke hwere-do ko chika ne na uhwere-do nma ekpe nbezi. 19 Aya-mbo re beh fgini mbo bo azwim-mbo edzu ufu itke eyen-egye. 20 Afkan e ya-mbo re beh fgini-mbo bo hwera bare. 21 Amma,yesu kpe-ndo a ra nyon, aya'mi re beh fginimi a ba ra fkan aken mbe ukechan e re vo. 22 Ukin ungyen aka ugha re bachen-mbo era nyon ikizi ke-nyen udga,e teh etki. 23 Amma, azwi ka ra soma edo-nbezi.Evu ugyo ba etki nuben,ugha mbe chu-nuben eka nken ifa-aken. 24 Bachen mbe Yesu bo etanshi mba eyon mbi-idi,mbi-idi era fu'u,a yun a-nde ugyo aken, nuben swen ahwekye. 25 A ra nyon uzwen mene hwe eno? Amma,afiken re egyi hwo eka egyi nka,eyen hwen aban,ugyo re nuben ra fkan aken-mbo? 26 E teh etki so-uten erasenes,na si so galilee. 27 Azwi Yesu zizima a dzu eyen na ra tku umma ugyo.Na mbere ufun a ra seh ambi seh egyi, a ra hwe ikpi seh tke azwe umue teh mu 28 ze de Yesu a kpii-ndo asi etki-hwe ke swen mbo ayon ra uvun ka'egyi, ambi ura vo-reden ma ekon,Yesu,imba mbe Attah Ukechan? Nfgu tiken ma e'kan. 29 Yesu dganto ugyo sugyo abuzi nke egyi mbe eyen hwen. Ufun fkifkine afe mbe ra tah ko ema tera re uji-asho ko saraka, na ra dgan vo'ino afe ko kpe ujii-mu ache ra so nke kpan so ugyo ra sha nma. 30 Yesu ka'e,eben-mu ekon? A yon i fkire.Ke ugyo sugyo ka' hwe egyi. 31 Afgu ka ti dgan to mbe kazi azwi jun-jwan. 32 E fki-ka idi ka egyi ne fun teh e ra jii ambi ugyo afgu a ke ka ka ze e fki ka idi no.Yesu kpe in-do. 33 ugyo sugyo zu bo egyi me eyen hwen e ka e fki ka idi nno.Eche si nuben ka kpu mu. 34 Ba dan hwan e fki ka idi de ambi na vo, a' so nken uten aka nyon ambi na vo ma. 35 Eyen hwe bo ke de ambi na vo ma e bo azwi yesu edzu re eyen ugyo zi egyi. A hwo teh etki swen mbe yesu , a seh etken sisi hwe, a hwe afgu ujii mbo, afiken kpu. 36 E ba fi egyi ama nyon ze ambi mu vo ufun na a dzu umma ugyo ka bi dzu na fkazi. 37 E ba uten Gerasenes nyon re Yesu a yun teh uten mbe .E fiken kpu jire . E ka ugha e yun. 38 Eyen na e fka to nken umma ugyo afgu Yesu a ra bwa re, Yesu ka ka-so ayon re do. 39 Ka so idi ku yon ambi na ukechan vo kuma.Eyen hwen ka nken uten a yon ambi Yesu vo re do. 40 Azwi Yesu bo kya ma,eyen hwe ka'egyi ne kpe mbe kya ke eku hwe ra ba re. 41 De bo eyen hwen Jairus ungyen nken mbe ba ka-egyi ikpi mbe Emon e bo efu si iki ike-swenmbe Yesu. Afgu ka bo idi mbo. 42 Ke imba-edo mbo hwere egyi bwo imba ifan ra fu re.Yesu hwe ufu ra so ma eyen hwe ka'egyi ra fa ufu. 43 Azwe kan edo ungyen na ra zu eken mbe egyi bwo ma ifan a bum swe re ambi na hwere do a dzu na fkaizi zwi eyen ungyen. 44 A bo yun fun a cho afgu etken mbo ra azwi kan eken mu edge. 45 Yesu nyon a ban cho afgu egyi? Ba eyen na kpe ndo, Bitrusu nyon mbi idi eyen hwe fkire ba ra cho'a. 46 Amma Yesu nyon,eyen ungyen cho afgu egyi ke ka fi egyi zi egyin. 47 Imba ndo de a ka ton ka ufiya a zu bo egyi eki swen mbo,eki swen mbe eyen hwe ka'egyi a yon ambi na ka cho afgu egyi,ka dzu na fkazizi ma. 48 a ra yon ,edo uzwen mu fkaziru so isi. 49 Re zwe kan e ra yon aken eyen ungyen bo azwi ikpi mbe Emon a yon imba edo mu fu re, ti ke mbi idi ekan. 50 Amma azwi Yesu fkan ma a ra yon fi'a Jairus,ka ti ku ma e fiken;so uzwen mba.A ra dzu na fkaizi. 51 Za bo idi mu ma, a kpe ido ke eyen hwe ra si ikpi mu,amma Bitrusu,Yohanna,Yakubu, attah re a'yah mbe imba ido mu mba. 52 Kattah mbe eyen hwe ra za amma e re yon nu ti kpi na a fu i fu amma edo. 53 E ji iskan egyi,ke gyire ka fu re. 54 Amma,a vwe mba ra afgu atan a tan indoh a yon na imba yun a tan. 55 Nvun mbo bo kya, a yun a tan nmune.A' ke don mbe ambi ungyen ka jii. 56 Ba idi mbo hwo egyi,amma a re yon ne ti ke eyen hwe ti egyi ambi na vo ma.