Uchun 6

1 Asabari ungyen yesu ka ivo a'kpen abin, bachenmu ton a'kpen ra'ajii. 2 Farisawa ba ungyen yon akon vo'asi nira voambi na hwe tke ufu ukhen asabari?'' 3 Yesu re-yon nukpen-na ambi Dauda vo reba reteh nma ufun na umgha bwan ima? 4 Aka nken ikpi-mbe Emon ambe agma'a ajii ake eba rete-nma, ahwe ambi-ijii-mbe uhwesi. 5 yesu yon,imba-eyen hwe'asi attah-mbe asabari 6 Ukin asabari ungyen yesu ka ikpi-mbe Emon ara hwan-ambi,e eyen ungyen hwemu afgu uji-mbo bumre. 7 ascribes re Farisawa mbe negyi teh-egyi ko afka'azi eyen-hwe ukin asabari. 8 Yesu gyi-ambe ra'tku ekube mbe ayon re-eyen-bmu sen-fen-ana a yun a sen-fen. 9 Yesu re-yon asi-uvo ambi-isi ukin asabari ko uvo ambi sugyo, ufkazi ugyon ko uvo-zwi? 10 Yesu deban katta a'yon imba ndoto afgu mbu a'vo ino, afgu-mbo hwe-ke. 11 Kata-mbe afkan re-uwon a n'yon re'gyi ambi ra-vore yesu ma ekon. 12 ufun wenna a'fura fo-ufo etki-ehwen, a fo-ufo katta mbe uchu. 13 Ze azwi ke -ma, atan ebachen-mbo bo asa-kpue ebwo imba ifan. Ba ara tan eba kpi -utsun. 14 A ben-mbe ba kpi-utsuten simon ko Bitrusu re efgni-mbo Andaraeas, yakubu, yohanna, filibus, Batholomen. 15 Matta, Tomas, Yakubu imba mbe Alphaeus, Simon ko Zaloti. 16 Yahuda imba mbe Yakubu, re Yahuda Iskariyoti eyen jii-eyen. 17 Yesu zi etki ehwen subo re bachen-mbo e sen-teh ita-egha, re bachen kagyine ndo-nmu re eyen-hwe Yahudiya re Urushalima,atkun ugyi Taya re Sidon. 18 Ebo ke bu fkan-an ke dzu nasisi nken uma-mbe eyen-ba juju nken uma ugyo re tku'a,ke dzu nasisi nken uma-mbe. 19 Aban-ban ra tken nken eyen hwe-egye ke cho afgu-egyi etki kafigyi na deh-uma ra zi ibua fkaizi kattah. 20 A'deh bachen-mbo a yon,ambi sike ba-kan nken nvun, abeh idi mbe ukechan. 21 Ambi sike ba hu-umgha ndini-wen, ke ejii-ben.Ambi sike ba ra kpii ndini-wen ke bo iskan. 22 Ambi sike eba era ze era kpen ihu-mbe era kyo re ben sugyo etke imba eyen. 23 Ni ten-utsu ukin na vun-vun etke mbe afgu ihwan hwe ra ba ne akpo.Ke be tiken mbe vo'ino re uswi ba yon aken mbe ukechan. 24 Shi-shi mene abene ba dzu ambi-teh,ne kperi ambisisi mene. 25 Shi-shi mbe ba ra chu-chu ke ta ba dzu iskan,shi-shi mbe ba ra eskan ke ta ba za era kpii. 26 shi-shi mbe ba ra a yon nasisi mbu,ino beh tiken mbe vore ba deh ikpii ba eden. 27 Amma,nna yon a bene ba ra fkan,chon-eyen ize-mbu uvoka ambisi ke ba ra ze'u. 28 To-unusisi ke ba ra to-unu sugyo ku. 29 Eyenna ma ta'ufe tagban ungyen tobinghan na'egyen ka, eyenna ma mbeziru atukpo fken-ushi,ti swen-mba. 30 Ke eyenna ma ka'u ambi.Tikpe mbe ziwa eyenna ma mbezi itken-mbu. 31 Ambina ra chon eyen hwe avoku, uvoke re-ino. 32 Ambi ura dzu nke umma chon eyenna ma ra-chon? Eba vo-ambi zwi-zwi ra vo-ino re-gyi. 33 Umma vo-ambisisi re ba ra vo-ambisisi re-do,ambi uradzu nma ekon? Eba vo-ambi zwi-zwi ra vo-ino re-gyi. 34 Umma kpo ke ba ugyi era kpa,ambi ura dzu nma ekon? Eba vo-ambizwi-zwira vore-gyi ino. 36 De negyi toshi,ke Attah-mbu hwe eyen de negyi toshi. 37 Ti kpen-wa ehwan,abuseh era kpen-mba ehwan,ti yon vozwiwa,abuseh e yon vozwi mba,tokeh abuseh eto-ku 38 Umma ke era ku, ambi ubwo redo-ma ibure ebwo mbe aku ara tken ambi mur ara ngma a ra bwo iki. 39 A yon ke ekpen nfin,eyen bgan negyi ra dgan eyen bgan negyi? Nke avo kattah mbe ra si-ehwa,ko? 40 Ebachen ra tkan ake mbe uhwesi-mbo,amma eyenna e ma hwangyire ara ze mbi-idi-mbo. 41 U de nkyen ambi negyi mbe udi-mbu umuto na hwe negyi mbu ma. 42 Ura nyon yon ine ufgni,ken mbeziru nkyen ambi negyi mbu,abu nkyen ambi hwe negyi? Eyen aten egyi vun mbe nabu uku tkan mbezi na mbe udi mbu. 43 Utisisi ra van van sugyo, uti sugyo ra van van isi'a. 44 Ura gyi uti nken a van mbo.Eyen hwe ra ton acho azwi izwi'a,eken ton ra ka'a avan uti a ze evu nken abin. 45 Edegyi eyen isi nken afgu aten mbo,eyen sugyo nken afgu aten sugyo mbo. Nken aken hwo utsu unu yon ra sibo. 46 Ekon vo-asi ne tan Attah Attah ne vona ambi na nyonma. 47 Eyen na ma bo azwimi afkan akenmi avo-ambi na nna chon,nna nyon eyenna hwe. 48 A hwe ze eyenna ta ikpi,a fu-hwasisine mbe ta mbu etke uchen.Gbangyo re evu nuben ma bo ikpi mbu ara ki egyi ken etasisi. 49 Amma eyenna ma fkan akenmi avoa'ten re-do ahweze na eyen na mbe idi ta hwe eki hwe.Ke evu nuben ma bo ze ikpi mbu, ra zwi tkan ikpi ra kpu.Ko ikpi mbu hwe-hwe ine ara vo'azwe.