Uchun 23

1 Bingye kyame nyitsen ambe Yesu so abyi a-hwe pilate. 2 Eyuse na nyon aken nyon "idu igyen we a'ah bingye le hwose a-we semo nyon ekale ke kasaer efe'nwa,anyon ume hwe krisiti uhwe.bilatu ka'a nyon,u'be uhwe na yahudawa'u? Yesu byido anyon "anyo-ane" 3 Bilatu ka'a nyon,u'be uhwe na yahudawa'u? Yesu pyido anyon "anyo-ane" 4 Bilatu che ikyi-bate'eswen de bingye nyon "m'de du'a de iyina byita wa. 5 Hin, e'we ba a'we nyon, awe a'ah bingye, a'we hwen-we iyi ke Yahudiya kyame, yase ke Galili bo-bo ke abyini. 6 Ena Bilatu afken aneni aka'we ke a'we ba' Galili. 7 Ena ayiya nyen,e'Hirudus hwe de e'kye ke ikyimoni, ama tsume Yesu so abyi Hirudus na a'hwe ke Urushelima ke itana. 8 Ena Hirudus a'de Yesu ni,aten-kiben iki-inyo achona de'a me-itan zanbgun.Afken aken ke ikyi-mo, achon de'a ke abyimo. 9 Hirudus ka' Yesu ekpanken hwose aneni Yesu le che'a aken dunye-wa. 10 Ikyi bate'eswe de ba ba-udon vo-byime kiben, awe ye'aken hwe ba'ale. 11 Hirudus de soja-mo kyo-Yesu akyus asken-isken. Embe le atu-ubgu na byita se'ale, atsume gare so abyi Bilatu. 12 Hirudus de Bilatu gare hwe i'nta ke-ukena, ke nu-ufun e'hwe igye ize de iskun-we. 13 Aneni, Bilatu nyon bate'eswe de ba'ehwe de bingye kyame. 14 A che-we nyon, mini mbe igyeni bo abyin,nyon a we a'ah bingye, mini'ede, mka'aken ke eswen mini e'te du'a de iyina mini e'we nyon ke ikyi-mo na wa. 15 Le te'ane-wa, Hirudus hin,tsu me gare bo aki'i,mini e'de, Ale vo iyi na ate na bgwan me-wa. 16 A neni,nla fge'atku ato'ase. 17 Kpu'te ne Bilatu ala mbe igye dunyen ke'efu-iga ke-ba Yahudawa ke itan'na ji uken e'hwo-we. 18 Hin, e;nyen ido de'ekye de ivun-dunye anyon,Embe igye ni so,ke eto-se Barabas ki. 19 Barabas hwe igyena embe le to-efu iga ke iyi na vo ke efu'uk de igye na abgan. 20 Bilatu mbe'we kuse ufi'i,a we chon nyon e'tose Yesu. 21 Hin,etken de uvun de ekye anyon,embele bekan aswi'uti. 22 Anyon de'we na to-ita, inyo ke igyeni vo'u? Nde du'a de iyi na byita,na e'la bgan me wa.Aneni, akenna efge atku, e'la to'ase. 23 Hin,ebunte kye-embgo nyon, embe bekan. Ido'ewe ke Bilatu byi'ido de'ewe. 24 Aneni, Bilatu mbele'a ke'we tete'enyon echon'na. 25 A tose ne eka'na,u'me na avo iyi na byita de igye na bgan-bgan, hin,A mbele Yesu ki-we. 26 Ena efge-me butse ni, ama bume Simon na Syreni,hwe bo ke efuka, embele aswi-uti tken-le, ama bge'e Yesu le. 27 Mingye hwose de bon-udo be ehwe chinye ahwe vo shishi ke ikyi hwe kpe'a le. 28 Yesu bin'yan anyon, imba bo-udo ba Urushelima, mini kale tan-uto ke ikyi'ima wa hin, mini, e'tan-uto ke ikyi-mini de e'we imba mini. 29 mini ede, itan hwe bo ela nyon,a'avun teke ikyi ba ela mba ukeniye wa, de amen'na ale ke imba aken'niye wa. 30 Aneni,ale yusa na we che ihwen nyon.Swuntsu ba ta'ile; Akyen ba bgemii. 31 Akina e'vo iyi batu'ni ke itana uti ate de nyishun, inyon la vo'a itanna uti abonre'e 32 E'mbume bo-uswi-ifan hwe so na abgan-me we de'a du-udi. 33 Ena ebo abyi na eli nyon skull ke na'ana,embele bekan de bo-uswi ata'a, dunye ke abgu iji, niyen ke abgu eswe. 34 Yesu-nyon "Ato to-bgo we le,ele yiya ina ehwe vo wa. Ke'na ni, amma koto atu-ubgomo, amma we be-nyon ke hwomo. 35 Bingye bunte abyi-ise hwe de te'enyon ba'ehwo hin enyonyonn, uvonme babye. Avonme iskunmo, akena ehwe krisiti me'e ukentsen, dunyen na kyekye. 36 Soja hin, ske-isken, e'bo abyimo eke'a limbenn na'aga. 37 Enyon, e'na ube uhwe na Yahudawa,von'me iskun. 38 E'ba iyi ba'ate abyi akyi mo "Nanini uhwe ba yahudawa. 39 Dunyen ke efu baswi atu'a che nyon, ule hwe krisiti wa? Von-me iskun-di. 40 Hin,niyen na ma se ihwan de'a anyon, ule hwe de afikyen ukentsen wa,ena o-uhin uhwe ke abgu efu de udi? 41 lihwe ni ke ikyi-ina ivo,hin,igye ni le da-uda wa 42 Aneni anyon"Yesu, kobume-din akena uka uten-uhwe na". 43 Yesu che nyon,egankya mbe -cho nu-nu ni ula hwe din ke'etsen. 44 Itana de asho etinyen, abyi na no-ubgo tsukume ko ne abyi, bo-bo asho etini. 45 Ena uken abinyan de-ibyinini, atu'bgo na efu emo koto ifan. 46 Yesu nyi-ido de uvun na kyebgo nyon, Ato,eke abgu'u mbe ingun mbe ku. Ena anyon aneni,A-fure. 47 Ena senturion ade'aneni, acho emben-Ato ukentsen,anyon,Nanini igye na vo iyi'isi. 48 Ena bingye hwose ba ebo we de'e iyi na avoni gare we so ahwe be abgu ke kiben. 49 Hin,ba eya'aya de bo-udo ba ete'e we bge'ale ke Galili na ma bunte abyi niyen a we de ina a we voni. 50 Aneni, igye ne ele nyon emben nyon Yusufu dunyen ke efu ba ahwe de.A we igye ni'isi de gankya. 51 Igye ni de-byi'ido de ufen, de vovo na evona wa. A hwe igye na Arimatas efuka ke Yahudawa aneni, a we gafun uten-uhwe imbe ukentsen. 52 Igye ni so abyi Bilatu,a ka ehwen Yesu. 53 A su-me bo ise,a'fken'me de atu'bgo ni'iten, ambele tose efu-ubmgen na a kya de akyen abyi na ele mbe igye dni-ukenyen wa. 54 Ukena ekyame teh,uken ehwo te nya-abyi. 55 Bo-ude be abge ale ke itana, bge mo so ikyi-ubmgen, ase'ade abyina embe ehwomo do'ena. 56 Egare,aso, kyame itken na nu-uhwen ni'si de ubu'u. Aneni, uken-ehwo ema binyon tenyon u-udo anyona.