Uchun 21

1 Yesus kputkizi eningyi a de eba dzu ambi ra toito nken azwi dgen asho. 2 A de ugho egen ugyen ra dzudzu ben bo a ku anmi ifan to nken. 3 Yesu yonna "una she ene uzwen nken mbe eba to ito ate ma ena mbe ugho efen whe tkan a bi kata. 4 Eba cuto to ambe nk-en ambi kagyi mbe ete re do ma ugho efen wen mbe ambi na danhwe abgu mbo na aki ji ara vokma to." 5 Azwi eyen dno ra yon aken etki ikpi mbe ukachan uswi ena eta ikpi fun re uchen ba efo de na e fka to'a hwe ma, 6 "tkere ambi eni de ten kata ufon ra bo na eni kya denna uchen ugye zen hwe etki udi mbo na e be bwo mbe a se iki'a. 7 E ka aken "eyen hwan ambi ukini ambi tun ra vo? ambi na ra hwe eken na tsun e yan re azwi na era vo ma ekon? 8 Yesu she " eni kpe ugyo ke eti ghanere ken ifki ne ra bo nken ebenmi era yonna nhwe ibu ekin she ene ufon yan eni ti ba'e mba. 9 Ke eni ra fkan aken eka re adzi eni ti ken afuken hwe kin ambi ten ra vo, nhwen ta bo ndindin ne wen." 10 A ken she kya "Eswi na ugyen ra za e na ugyen idihwe na ugyen ra za na ugye. 11 iKi hwe ra kilgyi kagyi ene, uhwanu ra bwan azwi re ikyo-ikyo de uman azwi ifki ne, e ra vo ambi afuken ifki ne akpo. 12 Eni ta bi a biu na ufon wen e bun kpu ene era e evo'ashu ene, ekpu ene ake ikpi mbe ukechan, re ikpi chupu eyen, ekpu ene so i ikiswen mbe e be hwe re bakagi e gonati etki eben mi. 13 Ara hwe ene re ufu'u na ene ra yon aken ekti mi. 14 Hwe ino hwen eni mbe'a nken ekube mene, 15 Niti kyan nna aken na eni ra yo'an, Ambe nna ke ene aken re egha, na eba eze mene vo a ka re de ene. 16 Ino ne atta re udi re eswi re bi idgo kpu ene kpen aji era bwan kpu ba gyen nken mbe ene. 17 a'u a ra se ene etki eben mi. 18 Itche etki mene ugyen ine raji a. 19 Nken ikube nswen mene ene fka'azi ugyon mene. 20 Ke ene made eba eka toho mbe re urushelima, e ni gyi yon e na kpukpu mbo bere ma. 21 Ke eba te nken yahodiya ma eche ka tko etki etken, eba te ukuko uten ma eka so, eti to eba te uten cika eti ka bo'a. 22 Ken a hwe ukin kpa'e kpo etki ene kata ambi ba efu ba te ufka ma e bo uzwen. 23 Ishishi mbe ebro ba te igyi ifan re eba re mon Imba nken mbe ihu ukin ten ma era vo ekan kagyi ne efu uten fun ken ufon mbe uwuon etki eba uten wen. 24 Era kpu azwi ekhan mbe ehwan, ebun kpu ka so uswin uten ba ufi i, eswi ba ufi be bo'a mbe urushelima, fkan azwi ufon na mbe kpu mbo. 25 Era de nken bagyen nken ukin re uswan, re itke e igigye a eswi ba ufi ten ra ekan era hwo igyi etki mbe ikake mbe ugyi re ugyo etki enuben. 26 Eyenhwe ra fu-ase etki afiken re utsu kutku etki ambi afiken ba ra vo igigyi. ken azwi akpo ra kiegyi. 27 Eken a de Imba mbe eyenhwe nke umbu si ra bo, re kafi-gyi ra efo kagyi. 28 Ke eni ma de ambi ten ra vo re eni yun ekizi eni mbe etki attan ken ena fkazizi mene yan re azwi. 29 Yesu ke e ken yonna eni de ichuchu de uti ambi ba tso to. 30 Ke e ma ra bgu re ayen ene gyi aken uswen ra si re ma, nino ke eni de eken ten ra vo ra bore. 31 Re ino ke ni ma de ambi ten ra vo re, negyi ke idi akpo mbe Ukechan ra yan re azwi. 32 Uzwen, n nyon, ufun na i te fun ten von'a zi, se ambi ten ma vore. 33 Akpo re azwi igyi ra zwe, aken mi hwe tsutsu. 34 Ene kpe ugyo re etki egyi, re azihwe niti mbe ikube ke nna ambi igingyi, re ambi sigyo na vuvo, re ewaiwe ambi na ura don nvoaino ukin wen bun ene nbumn zeana ututu ra bun ibi ma. 35 Ke a hwe kin yonna ukin wen ra bo etki mbe abanban na hwe igingyi. 36 A hwe ino wen ni sente re ekiefugyi nken ufon kata, ke eni fouto ke reni dzu eketugyi na eni hwe re kefugyi nken mbe ambi ten ba ra vo ma, re na eni vo gyi ana eni senhwe ikiswen mbe Imba mbe eyenhwe." 37 Ukin a ra hwan ambi nken ikpi mbe ukachan, kata mbe azwi utchu a ka ra tku etki ihwen zaitun. 38 Unkim eyenhwe bira fun ikpi mbe ukachan era fkan ambi nwhan mbo