1 Azwi azwe ambi ten ma, atan kpu eyen-uhwe uji-ita imba bwo. A tsu toe' so utenna ibu'a ara so muma. Atsu'e ifan-ifan. 2 A nyon she'e nyona," ambiji ivo zwen hwe fkire, eba bwen ambi fkia. Ahwe inoma, eni bgu Bami-idi mbe ambi nbwen ka astu eba aten bo nken ambi-nbwen wen. 3 niso mene, ntkun to ene zi'ana iton nken mbe dzonjon. 4 Eni ti konna uhu mbe ashoa, eni ti mbenna uhu zi aken'a, ti konna ikpoka afkan'a,keeni tibenna enye-ugyen ino ufuu'a. 5 Idi na eni ma ka re mu, nyon 'gyenshuna hwe idi hwen!' Ke enyenna ma hwe re gyenshun ma he mu, egyenshun mene ra hwe igigye, ka ama hwa anghanto abo azwi mene. 7 Eni hwe nkenidi mu eni ji eni vuo ambi na ema keene kata fkanzi eni ra yun uten mu, kyen enyen aten don ania ekpo mbe aten mbo. Eni ti tkokyunna idi na re idina wuna'a. 8 Utenna enima kare kata, ke ekpe kpu-ene, eni ji ambi na embe te ene re ikiswen, 9 Ke eni da uma azwikan, eni she, 'idi-uhwe mbe Ukachan Nya re azwi re deene.' 10 Nkenuten na eni ma kare mu ke ekpe'ene,eni biuzi bo etki ufuu mbe ke eni nyona, 11 ' Uvu mbe uten mene na ba chi afkan mi ma ra nyon aken etki na sigyo! eni gyi ambi hwen: 12 Nna she ene ukin kpen ehwan ara si ake eba Sodom etki uten. 13 Ishshi mene, eba Korosin re eba Bateza! ke aten kagi na nvo nken mene ma ke eki vo nken Tayi re sidon, eki che toreambi izwi benben-ine, re ikube zwizwi re inokpi nken ambi vo igyi-iswin. 14 Ukinkpenehwan asiake eba Tayi re Sidonetkimene. 15 Abu, kafarnaum, ura tku nyon etken mbu atko akpo? Ndna, ubi a sisi ikihwe nken idi uffi. 16 enyen na ma fkan aken mene fkan akenmi, enyen na ma se ene se amen ben, enyen na ma se'mbo ame a se enyen na tkun nbo ma." 18 Yesu she nyona, "Nde shetan zi akpo kpu ikihwe zi etki-zun-eningi. 19 De, Nke re ene ekie na eni ra che ufgin, re i-no, re ekie mbe enye ize, ambi ugyen ra vao enea. 20 voa ibure hwenmba, eni ti tenna utsu etki ena nvun sigyo ken etki ke ene te ma, eni ten utsu na tkan ino na eben mene ba hwe akpo ma." 23 Atobighan ka so azwi ebahwan abgu aten ashe re ugyen-ine, " ambi si ke eba de ambi abine eni de ma. Nshe ene, annabawa ifki-ine re ebwehwe don na iki ade ambi na eni de wen ede ka'a, re na ke efkan ambi na eni ra fkan, efkan ka'a." 25 Azwikan era de ma enye hwan ambe udonmbe Yahudwa ugyen yuntkuzi attan ka avgi dea, anyona, "Enyen hwan ambi, ambi na kinkine na nna vo ke ndzu etki na tsutsu ma ekon?" 26 Yesu ka nyona " Ekonba hwe nken udon? Ura kpen iba nkpen-nkpen ine?" 27 Ara nyonfi " ura chon Bami-idi Ukachan mbu re ikube ugyen, re ichu-egyu, re kiefufgyi mbu kata, re utsu mbu kata re naura chon enye idi-atko mbu ze'ana u chon etki-egyu ma." 28 Yesu sha nyona " Unyon uzwen. Vo ambi ten ura hwe re ugyon." 29 Achonna a nyonzi mbe etki-egyo ma, aka Yesu nyona, "enyen idi atko mi mu aban?" 30 Yesu ra nyonfi " A enyenugyen yun Urushelima ka rasi Yeriko. Aka kpu abgu mbe eba uzwi, ekpe-kpuzi amb abgu mbo kata, ekin bebe mba ta-hwe, ze'ana ara fufu. 31 uhwesiugyen kpu ufuu bo, adea azwi adow hwe, avonzi ade ikyun mbo kyun. Nino, imba Lawi bo mbo re ufuu mu adea atan ufuu avonzi. 33 Enyen ugyen eba Samariya ka boibu, ade enye dow hwen ishishi mbo bwun'a. 34 Ashenfen azwi adow hwe muma ade mba re azwi aten ufo te muma, asa mba re ase are enuben reubiu. A mba tko uhyonmbo atkenmba ka so azwi da uma. 35 Azwi kezi ambe asho pam ifan, ke eba da anyona " Eni da enyen-hwen ke ambi na tkanasho wen enivo mene, nkanghan bo re, Nkpa ake ene." 37 Enyen hwan-ambiwennyona " enyenna de ishshi mbo wuna." Yesu sha nyona, " So uka vo ino." 38 Azwi era kyun ra so ma, aka nken uten ugye, imbaro na era tan eben mbo nyona Marta kpe mba nken idi mbo. 39 Ahwe re enani na eben mbo nyona Maryamu, na mbe ichi hwu-hwe ikiswen mbe Bami-idi arafkan ambi aken mbo. 40 Ibu Marta hwe ra tkan mbo aken ambi iji ndgho na ara ndgho eba ken mbo ten. Aten ba ka tkan re ekie mbo aka bo azwi Yesu anyona "Bami-idi, Ude hwa naaki asi enani mi ka vogia-ne aten'a? Nhwe be ra tkan ame re-ugyen re mi." 41 Bami-idi sha nyona, "Marta, Marta,Uhwe be ra tkan etki ambi ifki-ine, 42 Ambi ugyen mba na hwe kin. Maryamu sa mbe re ambi isi, na enyen na mbezi ka azwi mbo hwa."