1 Yahuza, uswi mbe Yesu Krisiti, ufgini mbe Yakubu, so ze eba etan re ma, eba a chonre-nchon nken Attah Ukachan ekpue te na mbe Yesu Kirisiti. 2 Ke itoshi re gyenshun re echon mbo tkitke nken mene. 3 ba-echon mi, azwi nfu ra chon ma, nki ba ambi ake ene etki na fkazizi mi, nde asi na nba ke ene ke eni sentere ekefugyieni tkantkan nken mbe uzwen na iji-efen mbo re kata mbe eba so uzwenbra. 4 Ken enye bagyen che ton kate nken mene. Aten eba efu kenre-eken na jiji abin. Ete ebavo ambi mumi, eba vo ra zwi ambi sisi mbe ukachan ra nghan ambi-sigyo, eba kpeino re Bami-idi mi Yesu kirisiti. 5 Ndinehwen ncho na nkobun ene re, eni fu gyi aken bami-idi fu fkazi a enyehwe nken Masar, nhwen mbo eba so uzwen ma a ji toie kata. Hwenino, 6 Malaika ba vo ka aten mbe azwihwe mbe, eba to azwi mbe na iki hwe mu ma, Ukachan tekpue te, nken ichefu kagyi, e hwe ba ehwan na ra bo ukin kagyi hwen. 7 Ara hwe zi ana Sodom re Gomorrah re uten ba hosiere ma, ba kpu egye ben ke uni usho ba ra chon ambi sigyo. Efu kpue beyen ka hwan tsun ekan na hwe nken idi-uffi ma. 8 Nino eba ka-uda ten vorazwi igyi mbe. Era ke-etki re bakagyi, ekin ra yonaken ba sigyo etki mbe ebatere efo ma. 9 Azwi ahwe ino, re mbo re Mikailu uhwe eka mbe malaikabra, azwi ara ka utken re shetan ara tken igyi mbe Musa ma, a mbe utsu te na aki yon aken sigyo etki mbo. Ambi vo hwa a sha yonna " Bami-idia dne'u aken!" 10 eba ten ra yon aken sigyo etki mbe ambi na ema kpe gyi'a. Re ambi na ema kpe-gyi, ibi-ambi ba tere tku gyi'a utsu'a, ambi ke era ji abin ma. 11 ishshi mbe! Ekpu egye ka kyun re ufu mbe Kayinu, eka kare nken mbe ikpu mbe Balaam na ra don ara ji etsu. Aka ji re abin nken mbe etki-kike mbe Korah. 12 Eba ten te eba sigyo ba re ne te nken etki nfun ambi iji mbe echon mene. Era ji igyubi hwa mu, era su etki-egye mba. Ete zi ana ambi dno etki nara fka'a, efu be shen ra kpuma. Ete ze-ana uti'ambi na tso hwe isine ba van avan ta'a, akpo mbe te igyi. 13 Ete efvu zwizwi ne nken ugyi, ba tsu ra mbe igyubi mbe. Ete ze ana itke ba shen ra kyun, ba izwin mbe ichefu te hwe ra ba ere tsutsu. 14 Anuhu,ben ena to itufan mbe Adamu, fuyon hwe etki mbe yonna " Debo! Bami-idi ra bo re abgu enye kikye mbo kagyi ine. 15 Ara bo na ara kpen ehwan etki mbe abanban. Ara bo na a te akpu eba voambi izwi etki aten zwi-zwi mbe kata, re etki aken sigyo na eba vo ambi izwi fu yon te etki mbo ma." 16 Aten eba kpenunukpen aken, eba aken ba, ba ra ba utsu sigyo mbe nmba. Eba mbe etki attan, eba, etki na ambi na si ra ke abe, e kpu eba gyen gye bwan ikiswen mbe enyehwe. 17 Abine, eba echon mi bra, eni kobun aken eba ichun mbe Bami-idi mi Yesu Kirisiti efu she ene te ma. 18 Efu she yonna " Nken mbe ukin ba hwenhwen era dzu eba ra skan enyehwe iskan eba ra ba ambi sigyo na ikube mbe." eba imi ten ko gyi kpu enyehwe. 19 Ete eba chon ambi igyi, e kin hware Nvun'a. 20 Azwi mene, eba echon mi bra, ni kya udi mene nken mbe ambi na tke re Uzwen, eni fo ufo nken mbe Nvun. 21 Eni kpu etki-egye ene te nken mbe echon mbe Ukachan, ena tke mu eni hwe ba itoshi mbe Bami-idi mi Yesu Kirisiti na rs ke ene etki na tsutsu. 22 Eni de enigyi ishishi etki mbe eba utsu mbe ta kpesisia ino ma. 23 Eni fkazi bagyen ufu'u na eni fefkan kpue nken egyi uffi. Azwi enye bagyen eni de ishi shi mbe nken afuken. Eni ze aken mbe ayukpo ba igyi vo zwi kpue te. 24 Azwihwahwen so azi enyen na hwe ra ekie na ara dgen ene ke ene ti tenna utite'e, ara ke ene ekie na eni vogyi ana eni sen hwe ikiswen mbo, voa re edan, ara hwe utsu tenten, 25 so azwi Emo nken mbe Yesu Kirisiti e Bami-idi mi, efo, re ewe, re etki-idi,re ekie, na hwe kaiswen mbe ufon kata, ndine hwen, re na tsutsu. Ahwe ino.