1 Nken gyigyu mbe ambi kata e hwe- re Aken, Aken wenhwe igigye re Ukachan, 2 Aken wen Ukachan, nghagha a hwe igigye re Ukachan. 3 Ambi kata emo re do, ka iki hwa eki emo ra mbe ambi ugyenine nken ambi ba emo. 4 Nken mbo fu hwere ugyon, ugyon fum hwe ugha mbe eyenhwe. 5 Azwi ugha ra ke ugha e ichefu, ichefu cikenka mba. 6 Ukachan fu tkun eyen ugyen aten, eyen mbi eben mbo e Yohanna. 7 A bo eke yon aken etki mbe ugha, yonna kata mbe eyenhwe e so uzwen azwi mbo. 8 Yohanna vo'a ugha, abo ka yon na sisi mbe ugha. 9 Ugha na uzwen nara ke eyenhwe eghafu bo igingyi. 10 Afu hwe igingye efu mo azwi igingyi nken mbo,azwi igigyi de gyi mba. 11 A fu bo azwi ena mbo, ena mbo kpea mba. 12 Kata mbe eyen ba kpe'a, eyen ba so uzwen azwi eben mbo, a ke ufu na e hwe imba Ukachan. 13 imba bae mba voa nke e ken, voa nken echon mbe igyia, voa re echon mbe eyenhwe, nken echon mbe Ukachan mba. 14 Aken wen nghan igyi, ari hwe igigye. I de efo mbo, efo nazi azwi mbe ugyen re ibu mba nazi azwi Atta, reambi sisi re uzwen. 15 Yohanna yon aken etki mbo uvun kagi " eyen hwe asi eyen fuyon aken mbo ma, yonna eyen ra bo nyifun ma tkan ame, afu kaiswenmi ate." 16 Ekti mbe ena hwehwe mbo ikpe ambisisi re ambisi mbo. Udon embe ka e Musa. 17 Ambisisi re uzwen bo ire azwi Yesu Krisiti. 18 Eyenna defkan re Emo nken ufon ugyen hwa. Emo naibumba, na fuhwe re Ukachan ma, vo ke e gyira. 19 Aken mbe Yonna yon ufon na yahudawa tkun uhwesi mbe re lawiyawa yun Urushelima boka eri bi ka " u hwe aban?" 20 A she uzwen mbe aken, a ton emba ambi ugyen ine " "nvo ma Krisiti'a." 21 Eba ka " U hwe ma ekon? U hwe Iliya?" A yonna, "Nvoma ibu'a." E ka kya "U hwe annabi?" A yon "ndha." 22 E ka kya yon,"uhwe aban, ke igyi ambi ika she eba tkun ibo ma, ambi ura tan egyu ma ekon?" 23 A yon "Nhwe asi uvun na yon aken nken abin; "dnoto ufu'u mbebarmi-idi, etanmi annabi Ishaya fu yon ." 24 E farisiyawa bra tkun eyen ba ugyen nken mbe 25 Eka ka yonna " ken ekon ura vo batisima nke u-ma vo wa Krisiti, U ken vowa annabi Iliya?" 26 Yohanna she yonna "Nna vo batisima re nuben. Nke mene eyenugyen hwe fun na eni ta gyi mene. 27 A hwe eyen na ra bo enyifu mi, nfkima na nna fkun uji ikpo ka afkan-mbo. 28 "Ambi ten era vo nken Betani atkun nuben azwi Yohana fu ra vo batisima fun ma. 29 Azwi kyezi Yohanna de Yesu rabo naazwi mbo a yon na , " De, awuna hwe asi imba itonmbe Ukachanna mbe azi ambi-izwi mbe azwi igingyi! 30 A wen eyen nfu yon aken mbo yonna 'eyen ra bo enyifun mi ma tkan a me, kena fu hwe ikiswen' 31 ngyi mba, ambi ken bora vo batisima ma etki na e mba a tsun Israila." 32 Yohanna yon aken etki mbo "Nde nvun zi akpo sibo pe etki mbo. 33 N de si'a mba, eyen tkun nvo batisima nken nuben shen yonna' eyen ura de sibo etki mba ma a hwe asi eyenna ra vobatisima re Nuvun na kikye.' 34 Nde re, ibu imi nna yon ma, A wen imba mbe Ukachan." 35 Re ufi azwi kye mbo, azwi Yohanna senhwe re ebahwan ambi abgu mbo ma, 36 a de Yesu kyun von ra zi, Yohanna ghanuchi yon kya "de, imba iton mbe Ukachan!" 37 eba hwan ambi abgu azwi mbo ten fkan ambi a yon ma ebwe Yesu re. 38 Yesu bighan ade'e era bwe re, a ka'i " ambi eni don ma ekon?" era yonfi, "Rabbi {na ema tobighan ra inimbo yon eyenhwan ambi}, azwiu hwe fum ma athon.?" 39 A she yonna "enebo ke ene de." e bwe are eka de azwi hwe fu ra hwe; era hwe ukin-ise ke ahwe nken ufonna to bwo. 40 Ugyen nken mbe ebafkan Yohanna yon aken e bwe Yesu re ma hwe Andrew ufgini mbe Bitrus. 41 A kaiswen ka dome ufgini mbo Bitrus a sha yonna " I dzu re Messiah[ ema tobigha ini mbo e krisiti]. 42 A mbe boazwi Yesu, Yesu de'a a yonna uhwe Sima imba mbe Yohanna era tan u yon Kefas" [ematobighan ra ahwe Bitrus -uchen]. 43 Azwi kye mbo Yesu chon yon aka so e Galili, a dzu Filibus a sha " bwe ane" 44 filibus imba Betesaida, uten ugyen re Andrew re Bitrus. 45 filibus ka dzu Nataniyel a sha " I dzu re eyen Musa fu ba ambi etkimbo nken udon ma, re na annabawa bra fu yon ma; Yesu imba mbe Yusufu azyi a nazaret." 46 Nataniye sha yonna " ambi isi ugyen zibo e Nazaret?" Filibus sha yon "bo e ku de." 47 Yesu de Nataniyel ra bo a yonna " de Israila na uzwen ra bo wen, eyen hwa re umi'a!" 48 Natiniyel shayonna, " nvene ke ugyin ino?' Yesu ra yonfi a yonna, " azwi uki hwe usuto uti nki de-u.' 49 Nataniyel ikpe ino yen hwanambi, u hwe imba mbe Ukachan! U hwe uhwembe Israila! 50 "Yesu sha ake nshe'u yonna nde usuto uti; u so re uzwen? ura de ambi ba tkan ino. 51 Aken yonna "Nna she ene uzwenazwi akpo fkoto eni ra de malaika mbe Ukachan rasi era etko etki mbe imba mbe eyenhwe."