uchun 2

1 Ba idi mbi na ni tebwu mbe uzwen so zwie imbi idi mbi yesu krisiti imbi idina nvun niti chundna na kukon nken mbi ne'a. 2 Deke enye ugyen hwere ambi abgu,a to mbe itah zinariya re itken ba sisi abon azwi'e ni fwun ten mbu mba, enye ekahn seh mbe itken aji so azi'e ni fwun tembu ma, 3 Deke nima de enyen se itken sisi wen ni sha nyina dke umara kpe idno, umbe ichi hwe azwihwe na sisi wen ni she enye ekahn wen abu ubi senhwe a dna ko ubi mbe ichi hwe ikyu hwe ikiswen mbi, 4 Ahwa idno'a ni ra kpen nda ehwan nken mbi ne'a ? ni ngah re ba kpen ehwa ba kouchu sigyo. 5 Nikpe nyen tkun ba idimbi ba echon,ukenchan sakpua eba ekahn igigyi ete eba asho nkenmbe uzwen ke edju idi uhwe na anyina embera ke eyen uhwe bara chon'a ma. 6 Nide nya kpue eba ekahn, ebara kedne ekahn ekpue ne karaso kpen ehwan ma ebani? eba asho! 7 Ebanyo vora zwi eben sisi na embe ke ne ma 8 Deke ni mara ba udon mbe idi uhwe,nahwe nken mbe ufka mba,''chon enyen idi atko mbu itan ura chon etki mbu mba''uvo sisi. 9 Deke ni mara vo ambire enyen uhwe nima ra de ambina a kpu vote igyi ma,ni ra vo ambi zwizwi,uhwe enye na kpen se udon. 10 Enye nama vo edáh azwie udon,udgyen,a vo edahmbe udon mu kata. 11 Enye nanyo uti banwa uni ntan mba,anyo asi na uti bwan wa enyen'a. deke uma ban wa uni ntan'a uma bwan enyen, uhwe enyen vo edahn. 12 Ni nyo ake, ni vo aten zena eba era kpen ehwan na fkazima. 13 ukenchan ra de'a ani gyi itoshi etki mbe enye na ra de'a udi mbo re anigyi itoshi'a anigyi itoshi tkan ehwan ntan. 14 Ambi na tka ino akon deke enyen egyen ma nye ahwere uzwen suso abgu aten mbo chu ziboa?uzwen mbo fka azia? 15 Deke ufgini re enani ba tina te'a re itken se igyi re ambi iji'a mbe ukin na ibure. 16 Deke enyen ugyen nken mine she nyo na ni so mkembe iki be ido iki ni swen igyi ni ji ben efu akemba ambi ba igyi ra do ma,ena sisi? 17 A hwe ino re uzwen,deke amma hwa re aten'a afure. 18 Enyen ugye ra nyo,u hwere uzwen,ambe nhwere aten.chum uzwen na hwe'a re aten'a, ambe nra chu uzwen mbi re abgu aten mbi. 19 U so uzwen ukenchan ugyen;uvo ambi fun.e swin zwizwi so uzwen era be embe. 20 U chona ura gi abu enyen swi, na uzwen na hwea re aten'a ambi ji abi ma? 21 Ambina ke atta mbi ibrahim hwesisi ikyuswen mbe ukenchan mba ekon?abgu aten mbo;na ambe imba mbo ishaku teh na amba ra kpake ukenchan e bagadi. 22 Udere ke uzwen mbo ra vo aten re abgu aten mbo.uzwen mbo hwa re aji'a. 23 Ufka mbe ukenchan chun re egyo na anyon,''ibrahim so uzwen azwi ukenchan,ukenchan kpemba ahwe enye na keke'' era tan nyo,idgo mbe ukenchan. 24 Nigyi ke abgu aten mbe ena nyo sisi ra bo voa re uzwen mbu nba. 25 Re mbo re ufumbu rahab nara ban uni-asho ma hwe enyen sisi azwie ukenchan azwie abgu aten mbo akpue eba uvgen mbe isra'ila tonkya achue ufwu na eta bwu azi nken uten ma? 26 Ahwere ino igyi hwe ikyo re nvun, ahwe ehwon;uzwen na hwa re aten'a a hwe ehwon.