1 ndi ne hwen, iki so ikiswen nkembe aken-mbe kirisiti. Iti ka zikya iya ngah mbe aken etkie na citito mbe ambi zwi zwia re aten re uzwen azwi ukenchan. 2 Re ngah mbe ambi nhwa mbe batisima, abgu zizen etki re edna nyunyu ummue re ehwa na chuchu. 3 Iravo ednaten ke ukenchan mba kye ufu. 4 EKtkey eba esakye kpue ikibembe, efgide ambikike na akpo eju ambi sisi azwie nvu nakeke. 5 Efka eskambe aken mbe ukechan ne eke na raboma. 6 Eba tore utofin mba ahwe re eka na evkpue bokya ecito ambi zwi zwi re. Ebumbe imba mbe ukenchan hwa ikan re-ufi eka igyibi egyie enye. 7 Ikyu hwe na mbe an'ben etki dna ra fka, ukin, ukin vorazwe ma, re dna aramba uti ba te re efo azwie eba evo kpu (vombu) ra kema. Ukenchan mbe abgu uhwemo ra zembu. 8 Deke amba te izwi ra ava sigyo a hweare efoa a hwe nhwe zena eto mbe udnu ka hwe nhwe mbo edna to tkintken. 9 Ifka aken sisi etki mbi dne, eba echon mbi, ambi dna tkere na fkszizi. A hwe idno ken-nyo aken ma. 10 Ukenchan va enye sigyoa. Ambu jia toa atembidnea re echo dna dni chu nke ebemo ma. Abu uvo aten. Ke enye bateke-ke ma, uta ro rake mbe dne. 11 Ambi abi irachon ke niki vo aten hwen re ikibe ugye ka bu nhwen. ke ide uzwembe ambi ikibe mbi dne te mbu ma. 12 Ahwe idno ke niti scudna uscua. Nite eba vo abgu aten mbe eba tere uswen, ekibe ido, ne ebarara jue ambi sisi na erakemba. 13 Azwie Ukenchan she Ibrahim nyidna avo ambi rakama, ada efu re etkie gyo. Ke enye dna ugye na tka dna adah efura ka hwa. 14 Ashanyi dna ndna vo ambi sisi raku n-ndna ku eswi tku hol dne. 15 Ahwe idno ma Ibrahim ju ambi ba Ukenchan sha mba azwie ambe ikibe do ikmba. 16 Nyen uhwe na da efu re enye dna tka abe. Nkembe akan kata efu dna hwe asi ambi na mbe uzwen ra so azwie aken ma. 17 Azwie Ukenchan chore dna ara chu ngah to ebara du ambi sisi dna ara kemba, re edna bingah hwa mua mba adah efu. 18 Eltkie ambi ifan, dna edne to bingah hwamu ma, dna rachun nyidna Ukencha ra scoa edea, abi eba ichema idu azwie uton, itene eke dna esete etkie ambi ba kpue ikibembi temuma. 19 I so uzwen dna ira du ugyo-ikibe tite dna ka so enyufun labale. /v 20 Azwi dna Yesu dna ka iswembi so ma, hwe mu etkimbi. Angha re uhwesina agahgi dna nhwe nbo hwe zena malki sadak.