¹ Uhwesi kagyi ka istifanus aken ten uzwe?'' ² istifanus nyo,befgini re atta ni kpe eyen tkun:Ukenchan na hwere efo chungah egyo azwi atta mbi ibra him etena ahwe mesofotamiya, akaso haran; ³ Asha,nyuto uten mbu re ebedimbu,ka so azwina nra chu ma.' ⁴ A nyu kaldiyawa aka so haran;azwie ata mbo fu mba,ukenchan mba bo utena nitemu ten. ⁵ Ambe ka mba itken efen'a akpu fkia na ara che afkan mua.a gye unu etena ibure ibrahim hware imba na ra ji efen mboá, re eswi na ta ka bo enyufunmboá. ⁶ Ukenchan sha ken eswi mbo na te utn ekye mbe ufon chi ka ine,ebathwan utenmbu kpué ra ngahn uswi era kye eka kabwu enyi uhwu ifan. ⁷ Nra tan ehwa etki mbe uten na ete uswi mbu ma,'imbi idi nyo asi,enyu fun mbe ino nra mbe ra bo a te ke ebi vum.' ⁸ Ukenchan re ibrahim te unu mbe uzwi kikye, ibrahim mba ishaku akye mba re uzwi ukina to itita,ishaku mba yakubu, yakubu mba eswi bwo ima ifan. ⁹ Ebedimbe yusufu ra fo anfo re do ebwu mbe yusufu kpe ji e masar; ukenchan ra hwe igyi gye. ¹⁰ Afkatore abgu mbe ambi sigyo.A ke yusufu ibwatki sisi re e ngah ikiswen mbe firiyona uhwe mbe masar namba ngah etkimbe azwi idi mbo kata ¹¹ Eten bibwu na umgah na umgah bwan masar,re ka a-na.re ekan voa chi ka ine á ebe atta mbi djua ambi jiji'a ¹² Azwie ishaku fkan nyina ina-ambi hwe e masar ma,atkue eba atta mbi eka so. ¹³ Etena to ifan na eso ma, yusufu chun ngah etkie egyo kye ebefgini mbo,firiyona degyi ebedimbe yusufu. ¹⁴ Yusufu she ebefgini mbo na eka she atta mbo abo masarre ebedimbo kata,abe enye uji ita imba bwo. ¹⁵ Ishaku so e masar aka fu ,ibure atta mbi. ¹⁶ Embe eho mbe kaso e shechem embe ngi umue na ibrahim fu kpen abgu mbeimba mbe hamor e shechem ¹⁷ Etena aken unu na ukenchan fu te hwere ibrahim ma nyare ma,aken na ukenchan fu nyo na ara vo ambi sisi ma eyeynuhwe fki etke e masar. ¹⁸ Uhwe na ugyen katko emasar uhwe na de gyia yusufu'a. ¹⁹ Uhwe mbu ngah to ebe atta mbire a vo ambi sigyo re de eke atta mbi kpue imba kyu mbe ra zi igyi ebwra kpu. ²⁰ Ete na ibure efu mbare musa;asi iki swen mbe ukenchan ambo ambe bu uswa ita idi mbe atta mbo, ²¹ Azwie emba ka ton igyi ma,imba indo mbe firiyona ka kyo mba amba ngahn imba mbo. ²² Musa ka ikpi uwa a dju engah mbe masarawa kata. anyo gyi aken avo gyi aten. ²³ Azwi abure enyi uji ifan mba, ako uchu mbo na asi bande ebe di mbo e biski mbe isra'ila. ²⁴ Azwie ade era vorashi imba isra'ila ma musa kpe etki mbo abe imba e masar hwen. ²⁵ Adema na edera gyi na ukencha fkazie abgu mbo ibu musa ma, edegyia ²⁶ Ukin na zen mu, abo azwime isra'ila ade era gyu aken acho na ako ra to ere,anyo de ni te udi, ambina ke nira gyu aken mba ekon? ²⁷ Eyena cha aken mba chu ven to a re.a sha, eyen na mbu hwe wnyen tan ehwa etki mbi mba aban? ²⁸ Ura cho na ubwa mben zena ubwa mbe imba masarawa ma?' ²⁹ Musa che nyu azwi afkan re ino mba;a ka so uten midinawa aka mba imba idju ifan azwi kan. ³⁰ Azwie enyi ujifan vozire ma, malaika ngah djua azwi nbwumbe ihwen sinai zena ufi nken abin. ³¹ Azwi musa de ufin hwen mba, afuke bwu mba;azwi aso nya mu ma uvun nyon, ³² N hwe ukenchan mbe atta mbu,ukenchan mbe ibrahim re ishaku re yakubu.'musa kyen afuken ade ka ani gyi mua. ³³ Imbi idi sha nyo te kpu zi ikpuka afkan mbu azwi na u sehwe mu ma azwi keke. ³⁴ Ndere ekan mbe biski mbi ba te masar mba;nfkare indoh kpi mbe,n si bore na n fka azie;bo na tku aten ka so e masar.' ³⁵ Musa na efu se'a ,efu nyo ,enyena mbu hwe uhwe re enye kpen ehwama aban? a hwe asi enye na uken chan mba hwe uhwe re eyen na fkazié.Ukencha tkua azwie abgu mbe malaika na ngah djua nken abin mba. ³⁶ Musa kpue bwu zi nke masar,enyufuna avo ambi kya nigyi ugyi kagyi re nken abin enyi uji ifan. ³⁷ Musa nyo asi ke biski mbe isra'ila na ukencha ra kedne anebi nken mbine,anebi zena ambe.' ³⁸ Enye wen eyen na dju e malaika ara nyo aken nken abi mbe ihwe sinai.eyen wen ena fu hwer atta mbi mba;eyen wen ena kpe aken na hwere ugyon na ambe bo ki ma. ³⁹ Eyen wen enye attambe fu kye etki re do mba;e dga toa nkembe nken ikyu be mbe eka so kya masar. ⁴⁰ Etena ibure eshe haruna akya mbe ukenchan na ra dgen.ndine hwen musa na kpui zi bo masar ma igyi ya ambi na vo chua mba.' ⁴¹ Ekyo mbe iki embe ufi tken ra ka era ten ikyube re aten abgu mbe. ⁴² Ukencha tobingah mbe ke era vun itke akpo,azwie embe ba hwe ufka mbe anebi mba, 'ni kpakem ibibwu ba ni bwan mba bu enyi uji ifan nke abin abine idimbe isra'ila? ⁴³ Ni kpe afku mbe molech re itke mbeukenchan mbe rephan,re abgen ba ni kyombe nira vua:ambe nke babylon kpua zidne.' ⁴⁴ Eba atta mbi fu hwere afku na era nyo ena sisi mbo nken abin,azwi ukencha fu she musa na akya mbe na era de. ⁴⁵ Afkuna atta mbi mbe re bo ate abe re yeshua.ikiswen mbe atta mbi,itken uten na ukenchan fu dgan to eba temu ma ba ngah fi ena mbe.Afku mbu hwe bi bu etenmbe dauda, ⁴⁶ A dju ena sisi iki swen mbe ukenchan aka na akyambe ukencha mbe yakubu azwi na. ⁴⁷ Solomo bi ta asi idi kye ukencha. ⁴⁸ Ukenchan ra doa ikpina abgu ta asia azwi anebi nyo ma, ⁴⁹ Azwi akpo uchenmbi azwi igigi azwi che afkan mbi.ichu ikpinani uta ra kem? imbi idi nyo asi,azwi tke ugyo mbi hwe ano? ⁵⁰ Abgu bmi moá asi ambi ten kata? ⁵¹ Abine eba te ezwen, nita ken na uzwia ikibe re enyentkun nira chon na nvun na kekeá;abgu aten mbine re ambe eba atta mbi ne ambi uyen. ⁵² E anebi nani na eba atta mine ka mba ekan? ebwa anebi ba bo nigyi ena bibo mbe enyena keke mba.'abi ne se nibi ngah eba egah re eba bwan eyen, ⁵³ Abine eba ni kpe udon na malaika mbe bo mba ,ni vo na aten re doá.'' ⁵⁴ Azwie eba gyi ten fkan aken mu ma,ikyube zwie edi abon etki mbe istifanus. ⁵⁵ Nvun na keke ra hwe igyi gye ambe anigyi tko akpo ade ena sisi mbe uken chan; ade yesu sen hwe abgu uji mbe ukencha. ⁵⁶ Istifanus nyo,''nde azwi akpo fkoto imba mbe ukenchan sehwe abgu uji mbe ukenchan.'' ⁵⁷ Eba kagyi ten chikyen kpu enyen tku mbe,ebe evun kata mbe ebwu mba. ⁵⁸ Evemba ka zi enyufu uten era ta nchen,eba temuma ten ambi vo igyi mbe se afkan mbe ebefken na era tan nyo shawuru. ⁵⁹ A zwie era ta istifanus nchen mba,ara tan imbi idi indoh, ara nyo,imbi idi kpembe nvun mbi.'' ⁶⁰ A kpu ekedju se iki ara tan re uvun keke ine,imbi idi ti ngowa ungo re deá,''azwie anyo ino mba,a do edo.