¹ Itan mbe pentecost na ba ba'emo Fun-ude kyame. ² U'yo bo de ido ne ihwu ke e'tsen a tsukume abyi ishindo de abyina e'kuse kyame. ³ En'den bo ke ikyi mingye kyame te'enyon ufe ane. ⁴ E'Wey kyame mgen de ivunvun na kye-kye, ehwe nyon e'nden hwu-hwun te'enyon ivunvun ahwe de we ane. ⁵ Ba Yahudawa be ehwe Urishelima ingye ba vo sisi ke efu-uten kyame. ⁶ Ena efken i'de ni, bingye bo a we za ikpe yi, ikyi inyon e'we kyame we fken, ehwe nyo'aken ke e'enden imbe we. ⁷ E'we kyame kyen afinkyewn a'we za'ekpe yi nyon, Be'etuni de e'nden be Galilee wa na? ⁸ Va'ane ke ihwe fken e'we nyon aken ke'e nden imbe'i na e'mbai? ⁹ Parthians de medes, de Elamites de be' ehwe mesopotamia, ke Judea de cappadocia, ke pontus de Asia. ¹⁰ Phrygia de pamphylia, ke Egypt dew utan be Libya ke isko Cyren, de e'kyen ke Roma. ¹¹ Yahudawa de proselytes, Cretans de Arabians, ihwe fken e'we nyon aken ke e'nden imbi ke atsu-hwo na za'ayi na ukentsen a vo. ¹² E' we kyaame za'we'ii e kyen afin-kyen we che isku-we nyon, iyi ni hwe tsun inyon? ¹³ Hin, ba'apye skenwe isken a'nyon E'vo e'pyen a we' swen. ¹⁴ Peter ma nyitsen de ubo-a sunyen etu'a, etken de uvun ache we nyob, bingye ba Judea de e mini ba Urishelima, mini fken aken-ni ke mini embe kiben te ke ekpan aken na embe nyonni. ¹⁵ Bingyen atu le swen-epyen tete' enyon mini etkun na wa, dadini asho ita na de isken bi'ikya. ¹⁶ Nanini aken na enyon ke abyi Joel, ingye na de' ke'eswen. ¹⁷ Ukentsen nyon, uken na hwwen-ehwen n'la ki ivuvun bo abyi mingye kyame imba mini bo-uzun de bo-undo la hwe nyon iyina ala vo ke'eswen Imbiskun bo-uzun la de iyi na a la vo ke'eswen, bi'ihwe la ka-uda. ¹⁸ Aneni, e'we upyin bo-uzun de bo-undo ke itan'na m'la se we ivunvun, e'la de iyi na ala vo ke'eswen. ¹⁹ m'la tsun iyi na za'ayi ke akpo ne e'tsen, de ikyi-indo ke iseyi eken, ufe de ufu-fey ²⁰ Uken la nu-ukpo, uswan la te'enyo ken, iyi ni ihwu de iyi na za'ayi ke itan na bobo imbe Ato-ukentse. ²¹ Aneni, ingye na anyo-ido ke emben imbe Ato-ukentsen la vontsu. ²² E' mini ba Isra, efken ekpan aken ni: Yesu na Nazareth, ahwe ingye na ukentsen ambe ki mini de iyi ni ihwe na a vo de iyi na za'ayi de ikyi-idon na ukentsen atsu ke abyi-mo ke'eswen imbii, tete' enyon mini eyi'a a'ne. ²³ Ingye ni, ukentsen mbe ki ke abgu bale yi'a undo wa, tete' enyon embe te na ane. ebgan me'a, embele be-kan aswi-utin. ²⁴ Hin, ukentsen mbe'a nyitsen ke etko efu, iki-inyon efu le we de ekye ke ikyimo wa. ²⁵ Dauda nyo-aka, ke ikyi-mo nyon "m'dey Ato-ukentsen ke abyi'm ke itan kyame Ahwe abgu ijim ke nkale kpu-ikpu wa. ²⁶ Aneni, n'hwe de a cha, de kiben na ten-ten, ikpe i'mam la fen'a. ²⁷ Ule la tose ungunm ke idi-ufe wa, ule la tose iyi na sisi ibmo aji'ise wa. ²⁸ Utsunmen ufen imbe ungun ula kim kiben na ten-ten, itan n ndoo. ²⁹ Imba ye, te kyese na n'la nyon a ken ke ikyi Patriach Dauda, na a fure hin, umgenmo te di bo nu-unun. ³⁰ Aneni, Ahwe ba de ke-eswen, ayia nyon, ukentsen dhan-efuu ke ikyi mo anyon, n'la mbe dunyen ke eswi mo hwe uhwe. ³¹ Ke a'de iyi na ala bo ke'eswen ke anyon aken ke ikyi na nyitsen imbe Kirisiti nyon ehwonmo la ji'ise wa, ikpe-mo hin la fkande wa. ³² Yesu na ukentsen ambe nyitsen na, ihwe ba'a, ahwe tko ehwenmo kyame. ³³ Ameni, ahwe abgu iji imbe ukentsen apye me ivunvun na kye-kye na ukentsen aye-niswen, ambe ki'i udee, afken. ³⁴ Dauda le so etsen wa, anyon Ato-ukentsen che ukentsen imam, kusey ke abgu ijim. ³⁵ So itan na m'la ki be ize'o hwe tata afken'u. ³⁶ Aneni ki be uten isra kyame eyi'a nyon ukentsen mbe'a hwe imbididi de Kirisiti, Yesu na imbe be kan ni. ³⁷ Ena efken aneni, ki we kayi ke kiben, ema kha pita de ba'atkun be egapye atu'a, imbayo, inyon ke ila vou? ³⁸ Pita che we nyon, mini e'binya kiben ke evo batisima ke emben Y'esu Kirisiti ke ala tose iyi na byita mini. Ke mini edu udi imbe ivunvun na kye-kye. ³⁹ Yeye niswen te ke abyi mini de e we imba mini de bingye be ehwe zan-agbun de bingye hwose be ato-ukentsen ala nyon we i'ndo. ⁴⁰ De ekpan akeen hwose, Ache we, a nyon aken ke ikyi we nyon, mini evontsu ke itan na pyi-ta. ⁴¹ Aneni, epyeme ekpan aken mo, e vo batisima, ingye dubu ita zen ke ikyi, we ke uken ise na. ⁴² Embe kiben we te abyi iyi na hwen-hwen, de fun-fun ikyi embe ba'atkun de iji imbe ivunvun de ibgu na bgu-bgu. ⁴³ Afinkye mgen we ikpe, ba'atkun vo iyi ba za'ayi, atsun ikyi-ido hwose. ⁴⁴ Ba e'kigankya fun-udi ke abyi dunyen, iyi we kyame e dunyen. ⁴⁵ E'mbe itken de iyi be ehwe de'a kpen, a koto asho ki mingye ke kpu-kpu we ⁴⁶ Ke itan kyame, e'mbe kibenwe bo iyi dunye ke abyi na ba-emo. E'li ji-iyiji de udi ke idi-we eli kya'a ko iyi-ji de na nyon aken a'mbe iskun'we ngha' nufun ekya'a byen kiben, ⁴⁷ Ahwe cho ukenchen, ahwe duni-isi ke abyi mingye ukenchen ma hwe zhen mingye hwense be e binyan kiben.