¹ Azwie vozi uten Amfibolis re Aboloniya ma,ekabu eten tasa lunika Azwie ikpi mbe Ukechan mbe yahudawa. ² Bulusu eta ara voma aka so azwi nbe anehwe bu asabari ita etera fgi'ufka mbe ukechan. ³ Bulusu fkoto ufka ara sheyina, e hwe ino krisiti vo eka,a ya umue, Yesu na nra shene aken etkimoma a krisiti. ⁴ Yahudawa ba-ugyen kpe-dno bue Bulusu re Silas reeba Halenawa re bakagyi bure re enye baugye tkuhoine. ⁵ Yahudawa ba so uzwen mbe chuto amfo,ekpue eba voambi sugyo efwe,eta fukpue nyen uhwe tkuhoine eme ajito nke uten.mbe aji kaso idi mbe Yason era chonna eme Bulusu re Silas ke. ⁶ Azwi dzu Bulusu re Silas ma ebume Yason re beufgini baugyen bi so azwi'e bakagyi uten era kpi-dno,eba bingha mbe azwi nbe aten ma bo ate. ⁷ E bate ba yason kpe-ekema n'yon aken sugyo etkimbe Kaisar e'nyina uhwe na ugyen hwe mu ebe mbo Yesu ⁸ Azwi bakagyi uten re batema fka inoma azwi-ekube. ⁹ Ekpe mbe asho azwi Yason re ebaratemu nigyi ekito ere. ¹⁰ Uchu-chu mu eba ba ukechan ba tema sken kpu'e Bulusu re Silas buzi etku kpu'e kaso Biriya.Azwi'e ekabuma evozi ikpi mbe ukechan Biriya tere ikyo re ba Tasalunika ,ekpe'dno re akeme Bulusu re Silas,etere-ra fgi ufka re iteite-ine echonnaera de gyina aken mbe Bulusu re Silas ra n'yon Uzwi'ina. ¹² Avo ino ma baugyen tkuho ine so uzwen re blo bagyi ambi mbe Halenawa re ba-idun tkoho ine ¹³ Azwi'e Yahudaa Tasalunika fkana Bulusu re Silas re nyon ake mbe Ukechan Biriyama eka tkoma eka tashi ekube mbe ngyen baugye. ¹⁴ Azwi kan eba biriya mbe Bulusu etkuma ka so ugyi eto Silas re Timoti azwi kan. ¹⁵ Eba dgu Bulusu ma ehwere so ka bu uten era tan Atina, Bulusu she,ni she Silas re Timoti etka bi dzum ¹⁶ Azwi'e Bulusu hwera ba Silas re Timoti a Atina ma,ahwun-uhwun ekube mbo tkiiki hwe mbe uten mu. ¹⁷ Bulusu ko bun re Yahudawa nken ikpi mbe ukechan re bara vun ukechan re eba era dzu re ukin-ukine eswanmu ¹⁸ Ebagyi mbi ekumyawadzu ebwa redo.Eba ugyen raka ambi eyehwe ra nyonma eko? Baugye nyonna voaisi'aeyen na ra n'yon aken mbe ukechanna ugye ke ananyon aken mbe Yesu ne ena nyunyumu. ¹⁹ Ebume Bulusu so etke arasa ena sha,ura shei aken-efi muna ura nyoma? ²⁰ Ambi ba ura nyonma ambi-ififi azwi mbi,era chonna iki'a she ba-ugye. ²¹ Atiniyawa re bakye babi temuma mbe ufon ena fka akefifi na Bulusu ra nyon ma ²² Bulusu se hwe ukuko mbe eta mbe arasa e she echonmbe edini,namine. ²³ Mbe enigyi te nade ita nira kpa-ikimi nema,nde bagadi mbe ba hwemu, ukechana egyi mba,nira ke etkira ke ambina niyina ambi na ke nshenema. ²⁴ Ukechan namo azwi akpo mbe azwe: ikimi ambi ba nyenhwe ta'asi'a ke a hwe ukechan azwi'e eta re azwi iki. ²⁵ A na dzu na vogigi mbe nyengyea akpura choana uka ambi. Ibu ara ke asi ugyo tuto re ambi ina chnn ma kattah. ²⁶ Nken enye ugye amo'e re-ite itene a koteire akpue te reikyo-ikyo ine. ²⁷ Ke edo azwina ukechan hwe muma are hwe nya azwi. ²⁸ Nken mo ihwe re ugyo, ira kyuikyu iravo ambi na ira cho eta nkeme eba gyi ambi nyina ite e biskimo. ²⁹ Ke abiima te biski mbe Ukechan ita mbe Ukechan hwa iyare azinaria re azurfa re uchen re ute ambi na eyen hwe ekyo kpute ma. ³⁰ Ambi ke Ukechan deto etena ifuta giyama, ndine hwen akei utofi i chito ambi zwi zwire. ³¹ Ambe uki temu na ara kpe ehwan etki mbi nkeme nasisi. Azwie enyena asamima Ukechan chu enye hwe azwi ina e tashima umue. ³² Azwi ba Atina fka Bulusu nyon aken etkime na nyumue ma,eba ugyen ska Bulusu iska, ba]'ugyen nye abi ira kpe etkun azwi'e aken ehwen. ³³ Nyufu mbe na e bunre Bulusu nyuto ere. ³⁴ Bedun baugyen kpe idno re akemu eso uzwenmu a bere Diyonisiyu imba Tuduu Arasa re eblo na ugyen eben moDamaris re enyeba ugyen ba re tema.