¹ Eyen ba'ugyen zi Yahudiya sibo Antakiya, era hwan ebe-uvgini ba tefun ma nyon'a "Se eyen na ma kere uzwi zi ena udon mbe musa nyonma, ama voa-ino ura dzuwa ena fka'izi." ² Aken hwen ke Bulus re Baranabas to usi re Yahudawa eshe egye aken. Ino eba ba Emo ba te Atankiya ewo-pkpu Bulusu re Baranaba re eba ba Emo baugyen ka so urushelima, etki'e aka kpen aken fun re ebauchen re banghagi ba dante. ³ E yenfunna Bulus, Baranaba, re ba dan eba ba Ukenchan nken Finikiyawa, tkun-tore aten hwen eka so ebwo-ebwo mbe Phoenicia re Samaria. Eten na eka ndle azwi re itete etki uffu, era she'a eba ba Ukenchan na e Yahudawa efkine ebare Ukenchan. Etki na ibure, kata mbe eba ba Ukenchan nken azwi ten eten-utsu kpo-ne. ⁴ Azwi Bulus, Baranabas, re eba dan e bore nken Urushelima, ebauchen, Banghagibra ekpe, re eba ba Ukenchan ba nken ebwo etanma. Aten Bulus re Baranabas e nyo ambi ba ukenchan kee vo nken mbe eba te Yahudawa. ⁵ Ama eba ugyen mbe Yahudawa ba kpere Emo eba te ucho mbe Falisiyawa yuntko zi etan uwu mbe eba ba Emo ba chito e nyo she, "Eba Yahudawa ba sore uzwen nken Yesu ahwere itsosiehwa eke-uzwi, ke e che udon na Ukenchan mbe ke Musa." ⁶ Ate ne eba'uchen re ebaghagi efunre-udidi etkina era nyo aken fun. ⁷ Azwi echan-nchan re gye ma, Bitrusu yun tko zi etan a nyon'a "Baidi'mi, ni ko'abun e ten na Ukenchan fun sa mbe ame ke nyo aken mbo ke eba gyi'a-mba ma, ke eso uzwen . ⁸ Emo na gyi ikube ma, vo'a ke ambisisi na ake nvun na kyikye, zi ena ake abi ma. ⁹ Ukenchan mbe uche te'a uwu mbi re abe'a , ino asa kye-mbe ikube re uzwen suso. ¹⁰ Edin ne hwen abina ke nira donma ni moade Ukenchan ma na ni mbe itken atken ebauchen mbo na ko attami re abikata ikpu itken ke ma ekon? ¹¹ Iso uzwen na idzu ena fka-zi nken enegyi-toshi mbe Yesu, re ino eba se edzu ben. ¹² Kata mbe eyen-uhwe hwe'ashi ne ufon na Bitrusu nyo aken. Abe kata era fkanre Baranabas re Bulus, itan na abe ifan era nyo aken etke ambi ifki-ne ba kya-enegyi na Ukenchan vokana ake evo nken mbe eba ta'e Yahudawa, ambi kya-enegyi na tsun na Ukenchan kpere eba ba ta'e Yahudawa. ¹³ Ufonnaenyon ze akenme ma, Yakubu n'yon atan a nyon'a ebe-fginimi ni fkan zwenzwen. ¹⁴ Simon nyonre ate ambina emo vora ke eba fun gyi mba ma azwime ke'akpu ete eyenmo. ¹⁵ Akenme ebakpeaten me Emo fun nyonma hwezi ena ira de hwen. ¹⁶ Ikiswen nfweto abo nbo kyaka idi me Dauda na efun vozwime ma. Ntame ayun kya atan,nkyasi akya azwiba fun vozwi te ma. ¹⁷ Nvo-ino ke eba fun bgonjiabin te ma edon imi-idi,eba fun gyi'a Emo ratan eben mbo. 8 ambina Ukechan nyon asi,eyenna vo ambina efu nyon me hwere ukpi. ¹⁹ A where ino ma iti ke mba ekan, ke na ema ghanto bore azwime Emo. ²⁰ Abi iba ambi ke nyon'a eko egyi re ambina tkere ikikpukpa, re eyen banshishen, re ibina fufu, re ibi umi. ²¹ Akenme Musa era yon azwi bate ma kattah ,fun ukpi bobu edinehwe azwi fun etki ukin asabari. ²² Aki si ena abachen, re ba-ikpo re eban kagyi ikpi emo eki sane yahuza na era tan nyon'a Barabas re Silas etke re eba ghagyi baugyen etsu to eso Antakiya re Bulusu re Barnaba. ²³ Eba mbe itsun so azwi mbe nyon'a "Aken hwen zi azwi bachen mbe Emo,re ebaghagyi ikpi Emo so azwi mine abineh aba fun gi'a Emo,udimi bate Antakiya,re Suriya re kilikiya,Ibe n ne ndo. ²⁴ Ifkan ena nyon eba ugyen zi'a azwi mi so azwi mineh igyi e'mba, eso ka nyon shenra kpuene. ²⁵ Asi ena abi eba unumi bo ugyen ma ino si iba me ufka ke ebedimi bau gyen se Bulusu re Barnabas eme bo ke'ene. ²⁶ Aba ten mbe ugyon mbe kpenji itki mbe ebenme Yesu. ²⁷ Itsuto yahuza re Silas na ebo eme unumi she nne. ²⁸ A hwe ambisi azwime nvun na kikye re abise,na iteme itken ghagyi zennere vonzi ambi na he dede. ²⁹ Abineh ni ko egyi re ambi-ji iki, re eken, re ambi ufu,re uni-asha. ke ni dgen ambite sisine, ambi re nne akyun; Ni tke sisi" ³⁰ Azwi etkunto ma,eso Antarkiya etan funkpue,eme ufka hen ke. ³¹ Azwi ekpen zwe ibamuma eten utsu, mbe akenfun ke eke-afu-egyi. ³² Yahuza re Silas fun te eba de azwi ikiswen, nyon aken ifkine na ke e dzu etke afu egyi fun. ³³ Abe evo ukin ba ugyen azwifun eki tsuto'e eso sisi azwi eba tkun eboma. ³⁵ Bulusu re Barnabas nge Antakiya, era hwan'e ambi, e'nyon aken mbe Ukechan re ba-idi mbe dan man. ³⁶ Enyi fun mbe ukin ba ugyen Bulusu re Barnabas nyon,"I ghanto aso uten ba i nyon aken mbe Emomuma ika de azwi na eteh ma" ³⁷ Barnabas chonna aki mbe yohanna na rera tan nyon'a Markus ma re'aso. ³⁸ Ibu Bulusu de zi ena asigyo na eme Markus re soa,ifime na a fun to ere Bamfiliya are vo aten fun soa ma. ³⁹ Abe echan-nchan re egye kabu ena ekokpure egye, Barnabas mezi Markus raso Kuburus. ⁴⁰ Ibu Bulusu amezi Silas tan kpu be-fgini bura fo ufo sisi ke nyon nigyi itoshi mbe Emo are kyun igye. ⁴¹ Bulusu ba ka uten suriya re kilikiya a'nyon ra ke ikpi-Emo ba tefun ma eke afu egyi.