¹ Eten bo na Hiridusmbe abgu cho ebagyen nken ikilsiya igyi ka avo shi'e. ² Abwan mbe Yakubu ufgini mbe Yohanna re ehwan. ³ Azwi ade yahudawa bra ten utsu re ambi na avo wen ma, ake aka bwunmbe Birus ben. Awuna hwe ukin mbe abmghan na ra ntken-ntkenma. ⁴ Azwi abwun mba ma ake emba ka chu ikpi ake eba te igyi biu ucho ita te dow ra dgen'a; ara don na a mba rabo azwi mbe yahudawa ke ema ji to-re ukin na kayenzi. ⁵ Bitrus chu hwe ikpi eba ba Ukachan ra foufo kagi-ine etki mbo rake Emo. ⁶ Uchu mbe kyezubo azwi ukin na Hiridus ra don na akimba zubo ehwan kpen-kpen ma, Bitrus ra dow edo nken mbe ebate igyi bra, te mba hwe re uji-asho, ekin dow ra dgen enikigi mbe ikpi mu. ⁷ Teite, nvun ichun mbe Emo kabo azwi mbo, uffi ke ugha nken ikpi mu. Ambe abgu besi Bitrus re a tan shi toa nyona, Yun attannmuin -ine," uuji asho ba etea re do ten chun kpu zi abgu mbo si se ikihwe. ⁸ nvun ichunhwensha nyona, "kpu ambi vo igyi ke utku ikpo kaafkan mu." bitrus vo itan asha ma.Nvun ichunwen sha nyona kpu ambi vo igyina igigi seke ubwe anne." ⁹ Bitrus bwe nvun ichun wen re biuzi. Agyia aken ambi ra vo wen uzwen ma. Ara tku ze'ana udda. ¹⁰ azwi evonzi bwan eba te igyi ba dow ra dgen ikpi muma, eso ka biu azwi enikingina ambi asho na ka bo hwe nken uten mu; afko to ere r e tkiegyo. Ebiuzi eka bwun ufuu ugyenma, nvun ichun mu bayun to are. ¹¹ azwi Bitrus gyi etki-egyo ma, anyona, " Ndine wen ngire nyon Bami-idi tkun nvun ichun mbo bo fkazin abgu mba Hiridus, re ambi na eba Yahudawa bra ra tku ma." ¹² azwi a de gyi inoma, aka soidi mbe Maryamu aya mbe Yohanna, na era tan nyona Markus, azwi enyen uhwe ifki-ine fun te mu ra foufo. ¹³ Itan aho abgu enikingi ma, imbaro uswi ugyen ebe mbo nyona rhoda bo na abi fko ato enikingi mu. ¹⁴ Azwi afkan uvun mu hwe ena mmbe Bitrus ma, etki utsu nten akyafko ka enikingi mu a che kasi kya nken ikpi; ashe nyona Bitrus re senhwe enikingi. ¹⁵ Esha nyona ura kye-ambi fen." anyon dnhe to nyon ibu. Eba nyon " De bwun e malaika mbo." ¹⁷ Bitrus tsun'e abgu nyon e take unu mbe, ashe azwi Bami-idi mba biuzi nken ikpimuma. Ashe nyona " eni she Yakubu re Befgini ba cuto akenwen." ayun to ere mu ka so azwi ufi. ¹⁸ Azwi kyezi aken muswenswen azwi mbe ebate igye ba dow ra dgen azwi mu ma etki mbe Bitrus. ¹⁹ Azwi Hiridus fgia a deamba ma, ambe edan deeba teigyi ba ekpue te mu nyon edowdgen azwi muma ake uvun nyoneri bwan kpue. Aba yun Yhudiya ka si Kaseriya aka hwe mu tiri. ²¹ Ukin ugyen Hiridus se mbe ambi vo igyi uhwe mbo ahwe etki uchen; are nyon aken. ²² Enyenuhwe ten be evun, "Ahwen uvun mbe ukachan voa ambe enyeuhwea!" ²³ re azwikan Ukachanbe ma bwe, etki ena a mbe efo kkea Ukachan ma; ishihs mba ji tkizi azwikan afu. ²⁴ Ino akenmbe Ukachan fkan tkun mbe ena tkitke. ²⁵ Azwi Barnabas re Shawulu vo zwe ambi na mbe so muma, enghanto zi urushelima bo, e mbe Yohanna, na era tan nyona Markus .