¹ Aken ne ahuna m'ba, Tiyafilas che mingye aken ne Yesu a Yesu na vo akya'a hwe-hwen. ² So itan na e'mbere'a sso etsen no ke itan na a'ke we udo ke ivu-vun na sisi ke be atkun be a sawe ne. ³ Ena aji'ekan ini atsun iskunmo de ungun ke abyi we de ikyido. Ke uken ingyi ifan atsun skunmo ke abyi'we, ache we aken ikyi uten uhwe. ^{5 4} Ene ahwe dewe ni, achewe nyon eka tose Urishelima, hin eba yeye nu'swen imbe Ato, ke aken na a'nyon na, "ufken ke abyi'm." Yoh anna vo mini e'batisima de riben, hin ela vo mini e' batisma de ivuvun na'isi ke uken chika'a ke etyen. ⁶ Ene eba-fun'udi ni, eka'a nyon, "Ato, itan ne ulo mbe idi. Uhwe nga're ki be Isra'ila ni? ⁷ Achewe nyon, i'de ene mini ela yi'a itan de uken ne Ato a'mbe te ke egye'mo. ⁸ Hin ula pyeme ekye itane ivuvun na-sisi ala bo abyi'u na, ula hwe ingye na mbe aken I'mam so Urishelima, de Judea de Samaria, de aby uten atsun na" ⁹ Ene Alo Yesu anyon aken etuwa ni anyitsen hwe so etsen ba atkun mo hwe de'azu akpo ma bweme'a, e'la de'a uffi wa. ¹⁰ Ene ehwe de azi ke etsen ni, mini ifa bute Iskowe de sika ni iten. ¹¹ Enyon, minsye be Galili, inyon ke mini buhwe ahwe de azi ke etsen? Yesu ne e'mbere'a hwe so etsen ni, ala ngare botete e'nyon a'so etsen na ane. ^{13 12} E'ma ngare so Urishelima ke ihwen ne enyo'a nyon Olivet na ate nyan de Urishelima ne e'li kyun uken e'tofanna. e'ngare so ni, e'ma so ka so kiken abyi ne e'li hove'emo na. E' Pita Yohana, Yam'es, Andrew, Filip, Thoma, Bartholomew, Matiyu, James, Imbe Afiwa'uu, Simon Imbe Zilot de Juda imba Imbe James. ¹⁴ E'we kataa te kiben ke iyi dunye, ibguna bgu-bgu, e'we to bo'ondo, de Maria ayo Yesu de ewe Imboyomo. ¹⁵ Ke itan na, pita bun'hwe efu ewe Imbayo, ehwe 120 ke e'ben el'nyon, ¹⁶ imbayo, si ne afka Emo a'zu da'a ba, new ivuvun na sisi anyon ke nuswen Imbew Dauda ke ikyi imbe Juda na a'vo ufen ke e'bume Yesu na. ^{19 17} A'hwe du'unye ke efu'imbi ne a'pyeme a'gbu-etumo ni. ¹⁸ (Dadini, in gye ni kpen abyi ke iyi-vo ne apyeme ko vovo ivine ibyi, mo ne avo ke'a kpu-ikpu ke yi-ifu mo se isena. Mingye be ehwe Urishelima kyame fken aken ni, ni e'ma nyon abu, na nyon Akel daama ke edenwe. Ni enyon abu, nyon Abui Eken.) ²⁰ E'ba iyi na ke efu a fka imbu psalm Eki abyimo na a'be te itamba, ke in gye aka hwe emon wa Eki ingye ni'yen ambe re utsen mo na. ²¹ Te kyese ne ingyew ne ahwe kyun di, itan ne Ato Yesu ahwe ka, ahwe buzu etu i'na, ²² yuse ke itan Imbe Yohanna na vo batisima so itan ne e'bo mbere'a so na ahwe ingye na ade di itan na anyitsen na. ²³ E'mbe mingye ifan zu bo Yusufu ne e'li nyo'a nyon Barsaba, ne ebemo anyon Justus de matiyas na. ^{25 24} E'bgu ibgu a nyon, "Ato uyi a kiben imbe mingye kyame ane ni chei etu ingye ifan ni u'ten-me nyon 5 ambere atsu we Imbe ne utkun'ni ne Juda a tose a so ufan mona" ²⁶ Echa'n Ekpu a'ma ten'me Mathias, e'ma kpeme'a to etu be ubo'azi unye na.