IBWOKO 1

1 Ebatkoho so azwi Gayus, na nna chon'a nken mbe uzwen. 2 Bachon, Nna fo yonna eni so ikiswen nken mbe ambi ten kata ke eni hwe uke, tan mi ichu mene ra so ikiswen ma. 3 Nten utsu tkoho ine azwi e befgini bra bo era yon aken uzwen, tan mi eni ra kyun nken uzwen ma. 4 Nhwe ma re utsu nten na tkan na nfkan ibumba mi bra ra kyun nkenmbe uzwen. 5 Ebachon mi,ura vo ambi re ikube ufon na ura vo ambi ra ke befgini bra re ebaken, 6 ba fu yon aken mbe echon mbu ikiswen mbe ba ba Ukachan. U vo sike na u dgu'e isi nken ikube na mbe Ukachan, 7 ken etki mbe eben mu hwen e biuzi igigyi, e kpe mbe ambi-ugyen azwi eba vo ba ba eswi israila'a. 8 I kpe esi mbe uswi enye ten, ke abi ben re dgu abgu nken aten mbe uzwen. 9 Nba mbe ambi ke eba ba ukachan, e Diyotrefis, na chon na aki hwe ikiswen mbe kata ma sembo a kpei mba. 10 A hwe ino, nma bore, Nna ko-abun abgu aten mbo ba a vo te ma, azwi a yon aken sigyo etkimi, re abgu aken na zwi-zwi. Tan kpeino ma,ibu re tkiegyo sembo a kpea befgini bra ten'a. A hwaden to eba chon na iki a kpei akin dgan to nken mbe etki nfun mbe eba ba Ukachan. 11 Ebachon, ni ti binna ambi zwi-zwi eni vo ambi isi. Enye na ma ra vo ambi isi a hwe na mbe Ukachan; enye na ma ra vo ambi sigyo ta de'a Ukachan'a. 12 Demitirus hwe enye na de a gyi ambi ten kata. abi ben ira yon ambi ten enigyi yon aken mi hwe uzwen. 13 Nte re ambi ifkine na ki ba ra ke ene, Nna don ma nna ba re ambi ba ambi'a. 14 Nna tku na nna de ene ra mbe ufon'a, nkin rene yon eningyi re ningyi. 15 Ke gyenshun re ne hwe. E bi-idgo mi ra be ene. Eni be idgho mi bra re eben mbe.