¹ Annabawan ba yon aken ubmi ebo azwi-mbe eyen-hwere, ino-mbi yen ba hwan ambi ubmi abe kattah a bo. Ichefu'u era bo-ere ambi-nhwan ba voswi eyen hwe, ebeseh ra seh aken mbe Ukechan na fka-azi-ma. A'be ra fve ambi-zwi-zwi nmunne ra seh tkegyire. ² Yen-hwe kagyi ra ba ufu-mbe,nken eno azwi-mbe uzwen era seh. ³ Nken ambi-nchon mbe e'gha-aji nne re aken. Na yonzwi-mbe ra bo ekeswen, re na vo'aji-mbe hwe. ⁴ Ukechan to'o bachen mbo ba vo-edan. Ambi avo akpu-ake te jahannama dekpu'a tere ujii-ambi-asho, hwera ba ukin kpen-ehwan. ⁵ Re eno, ekpu to'o azwi-gyire ufun na ukpia Ambi-avo, edgan Nuhu, Yenna ra yon aken-uzwen, re eyen-hwe etivan ufu na echu-mbe enuben tsufana etke-mbe e ba ba'nmama egyi eten. ⁶ Ukechan tkento uten Sodom re Gomorrah ghan ukhen, e yon zwi-ekpe ke voji-ekpe e-hwen eken etke mbe ambi na ra vore ba ba'amama. ⁷ Amma, butu nara vo'ambi-si, e-seh nito afgu aten mbe eyen-hwe ba gyi udon, Ukechan fkato'o. ⁸ De yenna ra vo'ambisi hwen, era-hwe ekube mbo vorazwe re ukin-ukin ne, etke ambi na era de era fkan. ⁹ Etke eno, Attah gyi azwi efka'azi ba ra vo ambisisi nken mbe ufun-sugyo,egyi azwi ete-abun eyen ba ra vo'ambnizwe zwe re edan mbe ukin hwan nkpen. ¹⁰ A'hwen aken uzwen-mu etke mbe ba ra vo'ambi-egyi ra chon e-seh ba dgan uten e-hwere etki=ke edzu-ufu. Era ken-afiken etki-mbe ba era vum'a. ¹¹ E'bachen mbo tere e'te re kafigyinkagyi, amma, e-kpu hwan zwi zwi bo etki-mbe azwi mbe Ukechan. ¹² Amma, eyenten ndozi-ana ibi-abin ba ra tku-utsu Emo-kpu'a ke bumke gye-bwan. Era dan-dan etkiambi na gyi. E ra jii-mu. ¹³ Era dzu afgu hwan mbe ambi-zwi zwi mbe. Era tku eska-nfkan egyi gha kpere ambisisi. E' ba re tke gyi e'ndo re-dan.E ra fkan-eskah afgu aten egha-yenre ufun na ra jii e re eskan ree nne. ¹⁴ E'ndore negyi chon eyen mban, era ni'a ra ambi zwi zwi. E ra gha yen ba ekube mbe ta zwen ra vo afgu-uten sugyo, ekube mbe tezi etkgan-efkam. Imba ba unuto sugyo hwe egyi. ¹⁵ E'to ufu isire e ra shen rakyun ufu mbe Bal'adzu na hwen etki-ufu'u. ¹⁶ Amma e'nde-aken etkiambizwi mbo. Uyon to-mbighan e'nde annabin e'kakeakenre uvum imba eyen. ¹⁷ Eyen-ten ndozi-ana uken na nuben hwa mma. E'ndozi-ana ekyu-hwena ugyo ra tke'a. Ichefu'u zwi zwinera ba era. ¹⁸ E'te ba yon aken re nkon. E'ra gha eyene ra ambi-gyi ra chon. E'ra gha eyen ba ra tkan ke fkazi azwi mbe ba ra kyun-kyun ufu e'dan. ¹⁹ Re gye aken azwi hwe tke-egyi, amma a'be re tke-egye ate uswi mbe ambi zwi zwi eyen-hwe hwe uswi mbe ambi na tkan ke mbo. ²⁰ Ke eyen ma fkazire nken ambi-chon egyi-aten azwi mbe na-egyi aken mbe Ukechan re eyen-fkazi-eyen Yesu Kiristi, ufii nka ka so-kya ambi zwi zwi, nhwen mbo azwi-hwe mbo zwi tkan na aka eswen mbo na vozwizwi. ²¹ Asi tkan e'rasi ke fukugyi ufu na uzwen etke na egyi ke uka to'mbinghan nken ufu udon keke na mbe ke hwe. ²² Ekpan nfin hwen uzwen azwi, mbe: E'fgu ka so-kya azwi mbe ambi ekpo, e'fkika idi na sanre-egyi ka si-kya nke ufgah.