1 A' re Bulusu re etkegyen na shei na re-etke du-do iki re egyi te-nbun nken Krisiti. Nzwenma ufun na nde hwe ma amma, nchunu'bo egyen ufun na yu re ma. 2 Nna fgu yon na, ken ma re ne hwe, nchon fgu yon na, ken ma re ne hwe, nchon ma na ndon ke nchu-egyen e'na. Amma, nna de na chun-egye ahwe mbe ba ra de yan era vo mbe egyi. 3 Ke ema ra vo'mbe egyi, e ra kpe ya ekah nke egyi. 4 Ambi na e ra kpe ekah re do vo'ebi egyi amma, kafgyi na nvun ke e'voji-to nvun ba sugyo. A mbe ambizi ra bo seh aken ve've. 5 Abi seh kata e''voji-to ambi ba te atan na kkpe gye ra hwa re hwa ukenchan. E'fe jii-to utsu ka hwe ambi eyen, e'mba bo nken etke-do egyi ahwe Krisiti. 6 E kpe re-ndo ekpi'ah a fgu atan ambi zwi-zwi, nke etke do-egyi hwe ma vore. 7 A'de ambi na hwe e tan-egha eki-swen bu hwen. Ke yen na na kpe-ndo re Krisiti, a ko-bun-agyore azwi a hwe nken Krisiti, abi seh re'eno. 8 Nke mma nde-nkon chika nken kafigyi na edzu hwe ma, na Attah mbe ke-asi ke etakpe nne vo'na ejii-to nne na bun ma etki-bi mu. 9 N na vo'ma na nkpu a fiken req seh ni egyi re aken ufka mi. 10 Eyen bo ugye yon, u fka mbo kpe-ndo atere Kafigye, amma, ibua re-etke gyo a yen-yen. Aken mbo vo-ambi fkan. 11 Ke a ban-ban agyi aken na hwe nken ufka hwen ko e ma re ne hwe ama ambi na era vo nke ema teh mu. 12 E so iwan ya ufu nken-nbi ko mbe egyi hwa re ba re vun egyi mbe. Amma nke ma ra hwa etke egyi re eyen ba ugyen ekkpe etke gyi re hwa, e ra teh eki-swen. 13 Abino, e ra nde-nkon na vonzi, sai era vo ambina ukenchan mbi ki ehweq, ahwe na uka bui kata re aken mbe Krisiti. 14 Abi i mbe etki igyi nyan ke n ne, iten na i bo azwi mine. I whe'a si eba mbe aken mbe Kiristi she n ne. 15 E ra nde ya nkon na vonzi aten mbe ba ugyen sai uhwi ekube mbi teh mui re uhwen mbu a ra so-so, a ten mbi re de ne ra tke-tke so-so. 16 E mbe ekube teh mu, ke e yon aken mbe Emo hwen ka so ahwe na jwanre. E rqa nde-nkon etke mbe a ten na vo azwe ugyen. 17 Amma yen na ra nde nkon, a nde nken Attah. 18 Nken mbe e'no vo egyen na kpen si mbe gyo a ra kpe ndo re do. sai, eyen na ukenchan ma yon asi.