1 Yen ba de za na uswi ekpen ihu mbe ba te mbi-idi mbe ba ra kpe a fo kata. Ne vo e'no ke e ben mbe Ukechan re ambi nhwan kati hwa ebe vo-ezwi. 2 Uswi ba tere mbi-idi ba zo uzwen ne ti de-egha kpe mbe etke ate be-fgnine. E'no, ne voke kata. Mbi-idi na voregyi re aten a ba so uzwen re ba chon. Ni hwan ku shei ambi-ten kata. 3 Nke yen ugyen ra hwan ambi ugyen rekyo ka kpe-ndo re aken uzwen isi mbe Attah Yesu Kiristi re ambi nhwan mbe Ukenchan. 4 Yen hwen yen nde egygi a gyi ambi. Aken mbo te sisi-ene nandgnu re aken ve-ve na ra ka na ndgnu mbe ekube nban, uwhun, a tke-kyo, re aken zwi-zwi. 5 Kon re ufun ere kpe-ndo re gyi nken mbe ekube na vozwire. Uzwe mbe ta gire re tku Yenna Ukechan eba ufu dzu asho. Amma, ura dzu nken ambiten. 6 Ndinine hwen Ukechan eba nken mbe ekube-mu hwe gyi mbo a hwe ambi ka egyi e dzu. E bo ya egyi aten re amu ugyen, e'no mbi ya kon amu ugyen re so ya. 8 E'no, hwere ambisi re etukpo, a den mure. 9 Ndinine hwen, a ba chon na a re dzu ambi a re kpe nken ambizwi, re ake. 10 Achon mbe asho hwe akpo mbe ambizwi kata. Yen ba chon ma, a ba chon na ake dzu ma ekpu nken uzwen, ekube azwi kan ntken. 11 Amma, Abu yen mbe Ukechan, che azwe ambi ba ten. Udon atenisi, azweisi, uzwen, achon, ekube nzwen, ekube yen-yen. 12 Tkan egyi, ntkan naisi na uzwen kpe etkyen mbe uyun chu-chu na a tan mbo na ukpe-ndo yon sisi ekiswen mbe yen hwe fki-fkine. 13 Nke ne udon hwen ekiswen mbe Ukechan, yen na ke yun kata, uzwe mbe Kiristi Yesu, yenna yon aken isi ekiswen mbe Bilatu Babunti. 14 E dgen udon hwen ke ab'a ko eden fkanzi nna bo mbe Attah Yesu Kiristi. 15 Ukechan ra dtun Kiristi azwi ufun isi mbe Ukechan, na sisi re yen hwere kafigye, uhwe na do re Ukechan na hwe etki. 16 Ibua mba a ra fu-efu e hwe azwina usokawa mu-yen hwe ta de fkan mba ko ufken-fkan ibua a fo re ka figyi mbe azwi chu-chu. Ke hwe ino. 17 A' shei aba-sho na egyi aten ke ti nde-nkon ke ti mbe ekube te za ambi ndzu mbe, na ra te. Nken mbe e'no, mbe ekube te azwi Ukechan. Ibua eke uzwen ambi edzu re eska nfkan. 18 Shei ke vo naisisi, dzu ambi vo na sisi, ke ufko afgu re chon uke. 19 Nken e'no e ra edgen ambi etkegyi atan utito ikpi sisi na ra bo, ke re kpe uyun nasisi. 20 Timoti, edgen ambi na ama ku. Ti re yon aken yen-eswin re ambi ve a ken egin na a ra tan ambi-egyi. 21 Yen ba yen yon ambi ten e'no yen hwe bo yen kpu nken uzwen. Negyi to shi ru hwe.