1 Ndinine hwen nvun yon-to itan-eghan ukin nwhen yen hwe ba ugyen ra se uzwe, mbe ekube ake egha nvun sugyo re ambi hwan mbe shatna. 2 Nken e den re ambi zwi-zwi, ekube mbe dju-djo hwe. 3 A re kpe-ndo re elo-ifi, a re swen ambi ejii na Ukechan mo ke kpe re afgu nwhun azwe mbe ba zo uzwen ekpe-ndo re uzwen mu. 4 Ambi na Ukechan ma mo kata naisi. Ambi na era kpe nken afgu nwhun eti se yah. 5 Ken a sake mura nken aken mbe Ukechan ra ubgu. 6 Nke ufginine ma de ambi-ten, ura hwe yen isi swi mbe Yesu Kiristi ken a ken uzwen re ambi hwan isi na ufkan ma swu-mberu. 7 Amma, se nukpi ba egyi na edoo ahwo chon. E'no, hwan etke gyo nken naisi. 8 Ke umma hwan eggyi ambi, a vogyi ru chika ene. Amma, ehwan nken na ba Yesu, ahwere naisi nken ambi kata. 9 A hwen, aken uzwen, uzwen na era kpe. 10 Ambinwo ke e ra voten kpokiri-ene. Ke mbe ekube te Ukechan na hwere uyun, yen fkazi kata, mbe yen-hwe. 11 Yon ku hwan ambi ten. 12 Ti kpe-ndo ke yen ugyen a de nya-mbe isop-mbu. Ke e'no, hwe ambni nhwan azwe mbe ba, ba Ukechan, aken-mu, abgu qten mu, chon-mu, uzwen-mu re na ke-ke mu. 13 Fkanzi nna bo, hwe kpen eba, yon aken mbe Ukechan, re ambi nhwan. 14 Ti vo yan-mbu ambi na Ukechan mbe hwo egyi ma, na udzu nken ambi na efi yon mbe hwe, re afggu nzen mbe baka egyi. 15 Dgen ambi qten isi. Re hwe, ke na suso eki-swen mu a ra chun ambi ki swen mbe. 16 Ka ekube sisi-ene re etke gyo ke uhwan. Hwe vo-so nke ambi ten. Nken na vo-so, ura fkazi nyen hwen re ba ra fkan'u.