IBWOKO 1

1 Bulus, Silvanus, de Timothy so azwi church na hwe e Tassalonika ma nken mbe Attah Ukatsen re bami-idi Yesu kirisiti. Ambiisi re yenshun re ne hwe. 2 Kpu'kin kye azwi iten ikube ra ke Emoetki mene, iko ra bun re denne nken ufo mi. 3 Iko ra bun ikiswen mbe Ukachan mi re Attah mi abgu aten mene na mbe uzwen, re echon, re ikube zwenzwen na so ikiswen nken nmbe Barmiidi Yesu Krisiti. 4 Imbayo ke echon mbe Ukatsen iyiya A'vume mini. 5 Ke ikyi nyon ekpan aken imbii le bo abyi mini de aken bikya a hin, ede ekye, ke ivunvun na kyekye, de na mbe kiben te. Ameni mini eyiya itsu igye ni hwe ke efu mini kenisi mini. 6 Mini hwe te'eni'i de imbididi ke itan na mini e'pyembe ekpan ni ke ekan na jiji ke kiben na tenten ke byi ivunvun na kye-kye. 7 Ameni, mini hwe ikyi ido ke abyi ba Macedonia kyame de Acha'a be ekigankya. 8 E' ke abyi mini ke ekpan aken Ato Ukentsan butsu so'iyiu de ke Macedonia de Achaiah bikya wa, hin, gankya mini ke abyi Ukentsen so'iyiu de kyame. A neni ile chon na aken dunye ke hunmoa. 9 E' we hin nyon akei ke iyi na ivo ke abyi mini de tetei enyon mini e gare ke na ba'a bgen bo abyi Ukentsen na gankya de ne'ungun. 10 Aneni e'we nyon minni hwe ba bobo imbe mo ketsen, na abeshin me ke efuni. Yesu na avon mi ke ango embe ukentsen.