IBWOKO

1 Nna vwe ebakagi ba te nken mene ma eyentkun, Ame, na nhwe ebakagi ji rede. Nhwe enye na de re eningyi mbo ekan mbe Krisiti, Nhwe nkenmbe eba ra ka nken efo na ra bo ma. 2 Ahwe inowen, Nkobun ene re, bakagi bra, eni dgen ambi usuu mbe Ukachan na hwe nken mene ma, ati voa ambi na hwe uru kin, ahwe ambi na u ra vo re echon mbu. eni de isi-ine, voa etki ena ura dzu asho ufuu sigyo mua, vo re ikube mbu ugyen. Ti dow uhwe etki mbe eba te abgu mbu na ura dgen ma. Ahwe-ino, umbe egyu hwe enye na era bin abgu aten mbu, 4 Ke uhwe su usuu ma bo re, ura dzu ambi bwe etki uhwe na ra jia abin. 5 Nino, abene befken, eni fkan ebakagi ba te nken mene ma. kata mene, eni mbe etki dow iki ke eni vo gi udi re. Ukachan ra se enye na ra mbe etki attan, ara ke enye na dow etki iki enasisi. 6 Ahwe ino, mbe etkiegyo dow iki Nken abgu kagi mbe Ukachan ke a tken mbu yun attan ke ufon ma kpu mbo re mu. 7 Mbe ehwa-ihwa mbu kata ka afgu mba, kyen ara dgen ibu. 8 Eni kpe ugyo, eni bwe ufken. Enye ize mene, e shetan, ra ban ra kyun ze konkon, ara don enyena ara ten'a ufo. 9 Sen kpu te redo. Hwe re kefugi nken mbeuzwen mene. eni gyi nyon eba idi mene ba so uzwen te nken igigyi ma ben ra zwen ikube uswi ekan mu hwen. 10 Ke eni vo sire ekan cika ine, Ukachan na ra ke enasisi, na tan'u bo azwi efo mbo na tsutsu nkenmbe Krisiti, ku sen-ahwe, aku ura fko, akin ku ura kie afugi. 11 Azwi ke abgu-uhwe ahwe tsutsu. Ahwe -ino. 12 Nmbe Silvanus hwe enye uzwen, Nba mbe ku hwe cika abgumbo. Nna vwe eyentkun nghanuchi ra shu nyo ambi ba nba tena uzwen mb enasisi mbe Ukachan. Senhwe nken mbe. 13 Imbaro na era tan nyona Babila, na ehwomba re du udidi, ra be ene. Imba mi Markus, ra be ene ino. 14 Ene fi egye ene nkenmbe echon. Kata mene ba tenken mbe Krisiti ma gyenshun are ne hwe.