1 Bitrusuenye ivhun mbe Yesu Krisiti, so azwi eba-eken ba beshente, eba ehwo kpure, nken Pontusu, Galatiya, Kapadokiya, Asiya, re Bitiniya. 2 Etki mbe na Attah mi Ukachan kaiswengyi, Nvun nakikye hwo kpu ne eche re na vgun-vgun mbe eken mbe Yesu Krisiti. Ke ambi-isi re ene hwe igigye, egyenshun mene a tkitke. 3 Ke Emo Atta mbe Bami-idi mi Yesu Krisiti adzu ena isi. Nken mbe itoshi mbo, akee mba kya ifi, nken mbe utsu mi zenhwe zwi efen. 4 Efenwen hwe azwi ena shi yun-yun mbe Yesu Krisiti yun etki umuin ma. Na wenitken efenmi nara jiabin, ara jia-ajia, ara tenteten'a. Edgen mba hwe enere akpo. 5 Edgen mene hwe re ekie me Emo ufuu mbe uzwen, mbe etkifkazizi na ekya mbe hwe zubo ufon hwen-nwen 6 Eni ra ten ikube isi ine etki ino, ngyi nyon ndine hwen eni ra zwi ikube mbe ambi sigyo. 7 Ahweino ke a tsun uzwen iso mbu, na hwe re efo tkan uchen zunigyi na ra ji abin ma, na e mba mbu nken uffi, ahwen ke uzwen mene a hwe ambi vunvun re efo, edzoh so ukin ena bubo mbe Yesu Krisiti. 8 Eni ta de fkan'a ba, eni ra chon'a. Ndine wen eni ta defkan'amba eni so uzwen azwi mbo re utsun tenten na voa na eti muo dide'a. 9 Ndine wen eni ra dzu abgu ambi vo mbe uzwen mene, mbe ena fkazizi mbe etki mene. Etki mbe ena fkazizi wen 10 eba aten tkun mbe Emo fu vgi, eka aken etki mbe ena fkazizi wen, etki ena sisi na hwe ena mene. 11 Evgi ke egyietki aban re ufon na Nvun mbe Krisiti nkenmbe fu ra nyon aken rede. Ahwen fu ra vo ka a tsun ekan mbe Krisiti re ambi efo na ra bwe are ma. 12 A tsun aken era ba etki-egye'a, era ba abi ene, azwi eshe ene ambi ba enyo she eba nyon aken mbe Emo na etkun Nvun kikye zi akpo bo na Nvun ichun mbe Ukachan bra funde benben-ine ma. 13 Ahwe ino ukya si kya ikube mene. eni hwe uwun. Mbe ikubi te azwi ena isi na ra bo ene re azwi ena bubo mbe Yesu krisiti. 14 Atan imba ba ra fkan aken, ni ti mbe etki -egye ene kenna eska ambi sigyo zeana eni fu ta gyi aken'a ma. 15 Tan azwi ena tan ene hwe kikye ma, abi ene ben, eni hwe kikye nken abgu ikyun. 16 Efunba hwe nyona " hwe kikye etki ame Nhwe kikye." 17 Ke ura tan "attah" na ra kpen ehwan uzwen mbe abgu aten mbe enyehwe kata a chon ugyen ra tkan ugyen, eni kyun-ikyun mene nken efo keke. 18 Eni gyi aken voa re uchen zun eningyi a'u asho fo eningi na ra jiji ten , e fkazi ene azi abgu ikyun sigyo na enifun hwan azwi ebe attah mene'a. 19 Inowen efkazi ene re eken isi mbe Krisiti, na hwe ze'ana iton idzun na hware edan a'u aji'a. 20 Efu hwo mbe Krisiti fkanzi eto-usuto mbe igigyi, Ndinwen e mba tsun ene ufon wennhwen wen. 21 Nken mbo eni so uzwen azwi Ukachan,na tanshi mba yun azwi uhwefu re enye aka efo ke uzwen iso re utsu tite mene ahwe azwi Ukachan. 22 Eni mbe etkimene hwe kikye na ene ra teabun uzwen. Awen fu hwe etki mbe echon udi na uzwen; ahwe-ino eni chon idi mene uzwen nken ikube. 23 Emba kya ene ena ifi, voa azwi itsu fkunfkan'a, azwi itsu na ra fkan-fkun-fkan'a nkenmbeaken mbe Ukachan na hwe ra tsutsu. 24 Ken "igyi kata hwe zi abin, efombo hwe zi akpen abin ma. Abin ra bun, akpen mbokizi ra ta, 25 akenmbe Ukachan hwe ra tsutsu." Ahwen asheisi na efu yon ke ene ma.