Uchun 2

1 Ufun na mbo azwe mene, be ufgini, nboma na nvo-gyi a ken ko utsuu egha azwe nfu shei ne uzwen na tun-ton hwe etki mbe Ukechan. 2 Nchon a'me ken ti egyi ma ambi ugyen ufun na ndene hwe, sai Yesu Krisiti mba mba re ekan hwan mbo. 3 Nde ne hwe nken na usku, re a fi ken, re-eken-ta ka'gyine. 4 E'no, e ten tkun mi re na nyonmie tere aken utsu egha na ve ekube. Nken e'no, a bore na a ra chun nuun re kaqfigyi mbo. 5 Ke e'no uzwen-bu ti hwe nken utsu egha mbe eyen-hwe, amma, nken ka figyi mbe Ukechan 6 Ndinine hwe era yon aken re-utsu egha nken mbe wensire, amma vo etke utsu egha mbe azwi-egyi. Ko mbe ba tebun-uten, na bo von-azi. 7 Etke mbe e'no, era yon utsu egha mbe Ukechan, uzwen na tun-ton, utsu egha na tun-ton na Ukechan kpe-ndo ufunna na vun-vun mbi. 8 Eyen ugyen hwa egyi na tebun-uten nna de'egyi, nke amma de'egyi, eku mbe na vun-vun mbe Ukechan ke mbe hwan ikan. Amma, azwi ha'te, negye ta de', ko yen-tkun fkanre, ekube ta hwe na hwa-yi ambi Ukechan kya mbe te aba ra a chon. 10 Amma, Ukechan mbe chun re nkennuun. Nvun rqa fki kata mbe ambi, ko ambi mba te eche-fu azwe mbe Ukechan. 11 Eyen na egyi ekube mbe eyen uhwe ma aban, nuun mba mbe yen mu na hwa egyi? E'no mbi, ba eyen na egyi ambi ba te nken mbe Ukechan ma vonzi nvun mbe Ukechan 12 Amma, e kpe ya nuun mbe azwi egyi amma nuun na zi azwi mbe Ukechan, ke egyi ambi ba Ukechan ke re-swen ma. 13 E'yon aken etke re ambi-ten anun vo'a re na nhwan mbe utsu egha mbe eyen-hwe, nuun ra shei ambi ba te mbe nuun ke ba te eye nvun. 14 A'ba tere nvun ma e ra kpe ambi te mbe nvun mbe Ukechn, ke a te ambi re-swen, Aq' te egyi mba ke nvun re chun asi. 15 Eyen na hwe yen keke ra kpen-ahwan mbe ambi kata, umma i'bua a ra kpen mba ahwan re ugyen. 16 Eyen na gyi-ka ekube mbe Ukechan, na u ra shei ambi ra yo? Amma, abi ehwere ekube mbe Krisiti