1 Ba itsu, de ikefiyi afdimi keke mi nvon na ura finuften. 2 Ike na nyohwe na ama nyo aken aden, vo de nyohwe ami uketsa. 3 Ino, inye na fiaden nyo ke manyi, ke ara kebe ike, de akenudi de ido be. 4 Nyohwe na ama nyoken de aden, ha ta iyimu, ino nyohwe na ama tofiden taka idi funski mi uketsa. 5 Ndine ntsu nyo niku nyo aken aden. Ino fkiskan, ntsu nyi, nyoken aden ifi. Nyohqwe na aha tofingha aden, ska inye na ha nyoken aden. (ikena nyohwe unye ma fka bungha ke ba ma fun iski me uketsa ido ike). 6 Ino ndine, udimba ra, ke nma bo afdibene nyo aken deq aden, nyira do ago? Na voma, sai ko nyo de wahayi, ko de na iyi, kok de ambi hwuhwa. 7 Ufin unye, ke ima ha mbe ibu, iha ngha ido hwe zua, nshen ko tonton, ke kona in ma zuma de uvun mu, ine nyohwe ra yi uvun mi, nshen ko tonton? 8 Ke nshe ma la nyo aken uvun nanya, nyohwe rayi ine nyo iten mi ikah? 9 ahwe mu unye de aden. ke uma nyo aken na ama zuma, ine ami na nyo nyira koyi? Ura nyo aken uyo. 10 Aden bara hwe ufkine a afdikayi nani hwe de iyimu. 11 Ke nma fkayi ma aden, n hwe zua ba-iken afdi inye nyoken, inye nyo ken ra hwe iken afdin. 12 Ino, ahwe ambu. Afdi uhwe de ike ambi bare mbe nvo ny kefiyi ke nyi ta isun mu uketsa. 13 Ino, inye na aha nyo aken de aden, afoufo ke a tabungha. 14 Ke nma foufa de aden, nvom foufo, ino ncumbe vama van. 15 Ango ame nna vo? Na foufo de invom, ufi de kumbe. Na token de nvon, de ntoken de kumbe. 16 Ma vo ino, ke uma von uketsa de nvom, ine ba hwe akayi ranyo "Ahwe ino" ke uma hwu afgu, ke ama yi ambi uha nyo? 17 Abu, uhwure afgu afkine, ike nyohwe nan yi doma ikefiyi 18 N hwu afgu ke uketsa na ame nyo aken de aden skani. 19 Hwe none, aha sim nma hwe afdi funski mi Emo nyo aken iskem ina manyi ira ko yi, ska de nyo aken uhu dari de aden. 20 Udim, niko ma aken hwe zua miskin ahwe, ambi mi mugunta. 21 Ikpo, iba, nyo, na nyo aken de manyi afdi mi ba iha mnyo aken de aden, ike na ira fkanba, Emo nyo ibu. 22 Ino, aden hwe ike'n vo afdi la ise-ufden, hwe afdiba ise-mu ufden. Aden tofi hwe ike'n, vo mi ba isemu ufden ami ba ise-ufden. 23 Ino ne, ke afdi manyi funski mu uketsa nyo aken aden de ba akayi, de ba ise mu ufden kabo, ira nyo be ni kirami? 24 Ino, ke abeni nyi tofike de ba iyibe aken Emu, de ba akayi kabo, ara bungha afdi na afka. Ara tan ihwa de ambi ba nyo. 25 Na-nton mi kumbe mu ra fkoto. Afdi adure ike mu, ara kpu ikuwe de kuften mu ara von ibemi uketsa. Ara nyozu uketsa hwe afdi bene. 26 Ambi azen ango udi/ Ke nima bo dudi, byohwe unye ra hwe de uken, ambi hwuhwa, udah, aden, de na fkabingha. Vo ami bara keken nyira ke afdi be Emo. 27 Nyohwe na ama nyo akqen aden, ihwe nyohwe ifan ko ita, ke ima nyore, unye ra fka bungha ami inyo. 28 Kena nyohwe unye ifube ra fka bungha ma. Ino itsiken ahwe afdi funski mi Emo. ke nani anyo ke nyo skemu, de uketsa. 29 Ke uhwa ifan ko itta, "Nyo aken, ke nanye afka, ase kumbe ikuwe de ami na nyo. 30 Ino, nyohwe unye ma Ka-udah afdi a suhwe, ke na kaften a siken ahwe. 31 Ke abene, nyira fi-aken, unye de unye ke nani ra hwa ara du itzo. 32 Keken, nvon mi uhwa hwe ambi uhwa. 33 Ke uketsa hwe ma uketsa na bungha ahwe me kumbe do ikuwe. 34 Bando, itsiken ahwe afdi funski mi Emo, ika de aken na ira nyo, ihwe ba voyi, afdi ikpo ma nyo. 35 Ke ima hwe de ami itsu ira hwa, ika udumbe idi: A hwe ambi iyibi bando, inyo aken afdi funsla me Emo. 36 Aken mi uketsa zu afdi bo? uhwe hwa nyohwe na uyire? 37 Ke nyohwe unye ma ko, ahwe uhwa ko nvon, ayina, ambi ba iba ku hwe ike afdi Emo. 38 Ino, inye na ama deyima ambi anqe ibuma ira deyiba. 39 Ino, udim, ufden ntsu nna fkabungha aqken ke nsebon nyohwe unye na nyoken aden. 40 Ino, ambi bara ivo-isine de ufimu.