Ikpak 1

1 paul, nne ngbagobor Jesu Christy, ne ngbayen Timothy, tuge philemon, ntem wure nne nlimifangha nnenire. 2 Fufor tuge Apphia ngbayenjire nyor nnenkal, fufor tuge Archippus nnogor abre, fufor tge ikobashi nji iyor bume ngho Itek ja. 3 Nogor inonop nne tere ijol nena ngor idi Ishor nshuwure ne Ada Jesu Christy. 4 Me njor koni kaga Ishor jama igafor ngor ngara nyi me nyor koga ngor aror yama. 5 Ngonan me buyok gara ne ada Jesu ne ikorr nti wor akpelor ka ane be mba ireror kporong. 6 Me mkpi jomu ndor ngor mbaga ntama ya jol kpekpe, nyor wor aba fonor ukune abaga nya ukpelor ne Christy. 7 Ngonan me mbufon uyebitem ne ikorr dol gara nena, ngonan ntem anep Ishor mba ireror kporong ibujol nfenfe teb ne wor ngbayen jama. 8 Tep ne nor, me nkpem ubol ngor idi Christy nogor nka ikor alime ijom nji ilagor nogor alime, 9 Tep ne ikorr, me mbagoror, me, Paul, nkokolo nnenum, ngha ntega ne ngbagobor Jesu Christy. 10 me nkpela bube gara ne monnama Onesimus, nyor me mbejol nshue ngor ngara ngbagobor yama. 11 Afonum ifan ka a, ngha ntiga akpe ifan ka wor ne me. 12 Me mbe tom fenghe ba gor idi ja, we nji reror item tama. 13 Me nkunum njolo mbome nenama nyor ajor bame rogor ka na me nyobor ngbagobor tep ne utoror alom. 14 Na me nkashebor nlime ijom njindege ndege tia togotak. Me nshebum inonop nlime ya ijol na ilagor, ijol ngor inonop ntobor. 15 Galim na yor iwedoka mbo yige shaga ngor mon ngara, nyor aba fenghe ba toba ngor ikpen igengen. 16 Nnumbeba jolor njoe, abanobor shenghe njoe, ngbayen jere ngor ikorr. Akorrim jama yor na abagor reror ka, ngor ngobji ne ngor idi ada. 17 Na wor akpelor me ngor ntontule, kor e na me. 18 Jolor abalim ishashab afi akpela ikon ijom nji ndegendege, ijol kame. 19 Me , Paul, nyonor ne abor yama. Me mba fenghe ne ya ka, kabong wombe wor fonor akpe me ikon! 20 A! ngbayen jama, kag me ubor ngor mbeng ada, lime item tama ijol nfenfe ngor idi Christy. 21 Ukono nterr ngor nkaga ya, me nkpi yonor tuga. Me nyiyi mbe wor abalime shenghe na mbe bub. 22 Fufor ngho igara ntor, lime itaba ajene kame, ibumetep mbe ngor aror ya mboba fenghe nnenama ka a. 23 Epaphras, ne nyor uyobor ngor ngbagobor nor tep ne Jesu Christy kpla kaga nyor. 24 Fufor ne Mark, Aristarchus, demas, ne Luke, ane mba ujomlime ifangha nor. 25 Nnobor ada jere Jesu Christy ijjol ne ufu ba. Nogor ijolnor.