Ikpak 28

1 Ngho nji Sabbath ibe-yel feh, na ibe- rengh fellor ngor ngbogor mbarr ufonfo ngor iride, Mary Magdalene nne Mary njugor iba nogor mbor ba-yen ulem. 2 Ngho ifonor igborror (earthquake) ukpede ndige, nrogitom Ada nyo rere-ngor iborr ba ndege, ba bunghe attal bum-me. 3 Ajolor nna irrang, awurre-ye ijolor kporong na iburr. 4 Ubol ifele ba kpo-kporo fenghe jol na anne mba ibe-kpor. 5 Nrogitom ishor bong nne annep-karl fonor, "kar-won beh, mme nyiyi na wo amme-shep Jessu, nyor. Mbor be crucify. 6 Arem ngha,abu-nyime, na abongho. Ba yen idi Ntol nongho (lay). 7 Shung ba-ba aji tak ba tuntule beh, Abu yim-me ngor iku-yen, agbo-mbarr ka feh gor Galilee. Ngho wo aye-be yenne; Mme mba-tak. 8 Anep-kal fonor itum ba-ba-ba sha-ga ullum nna ubol nne igborro uye bitem, fenghe to-bo gi tak ba tuntule beh. 9 Jussu kperre bor bong, "Ukaga-nyor;" Anep-kal fonor iba, felleh ngho akpada fenghe kae ntuge. 10 Jessu bong nne bor, "ka beh shung tak agba-yen-bama nogor mbo shung ngor Galilee. Mbo ba mme yenne". 11 Nna anep-kal fonor ijolor jen, ba kpo-kpro mban-dege icity ji tak Chief Priest abaga nya ine-jol wa. 12 igara nti ipriest kpero anepkol fenghe kem ikikala fonr nne bor, mbo ka asoldiers agborro akobo. 13 atak bor, "Bong ne anne mbagor, ba tuntule 'Jessu' iballa nne-tu ba yuu ngobji ye ngara nyi ume-lah. 14 Ibaganja iye-ri nnekul mfam, uye beh wereh tap abaga nya ime-wurre ka-ilam shagah." 15 Asoldiers itap akobo fonorlemee nna mbo tagobor. Obaga-nja iba nyagha ayele-ayele ngho ibuge Jews Te-te-te ntuga. 16 Ba tuntule beh igol nne nwurreng item ngor Galilee, ngor igol nti Jessu tagor bor. 17 Igara nti mbo-yenne, mbo kae nigeh, mban-dege ifabah. 18 Jessu ba-bang ne-bor, ikor wa ijol kamme ngor iborr nne ngha ndege. 19 Shung nnogor aji torrow allom ka nfam wa. wurre bor alib ngor mbeng Nde, nne mon nne ngor inop-nop uffu.