1 Jude, ntamitom Jesu Christy ne agbayen James, ka mba abebo kok ne ikorr Ishor nde bama ngor idi Jesu Christy. 2 Nogor imok ne terem ne ikorr ijol ka wun. 3 Aneb ikorr bama, ngha meb, jang mbor waa nogor nyon tugu wun gum nnogor yere. Mme mba nyon tugu wun nogor wun nuror itimbaga-ngor ntama nji ijolor waa ka awewele aneb Ishor. 4 Ngor itimbaga, ashashab ane iba shumor wun, mbor nyim Ishor, mbor yagha igrasa Ishor jere ka ishashab ntobor bor. Nne yor tenor ada jire njring ntol Jesu Christy. 5 Ngha mme nkpishebe mboro wun, jol abu togor nyi na ntol kpebor ane ngor ndege Egypt, aba rongho ane mba ika fonor ntama. 6 Fufor, adengiri Ishor mba ikalimo inob, Ishor bebor gbe ngor agom akanya shek igboro ufunfub ulamilam. 7 Noyor Sodom ne Gomorrah ne abugor nya ijolor kulubor ikalor iji bor ikor ngor ibebe ibaga ndin. Mbor tap nfono ane mba iyenor akanyha ngor ngon ikpen igengen. 8 Ngho nkpa nyor, fufene, mba reme areme irnghor agobji bor. Mbor be ten mbene fenghe runghor abaga nya igumor anonob ane. 9 Jol Michael nrogitom Ishor, igara nti afabor ne nim gara ngobji Moses, atengim rughe ngor nlama gumme mbe ukukor bolo mbor, afenghe bong, "nogor ntol sheda!" 10 Ane fonor iyol rogho abaga nya mbor ka yelor gum naga-naga na uyam bi ikayor fon ntobor abaga nya ironghor bor yangha. 11 Ndon jol ka bor, na mbor shenghor ngor mboarr Cain, fenghe wam ijibor kag ngor Balaam's ika tebor ne nshele mbor kpotan ngor abarr Korah. 12 Ane mba ishap, mbor ye ba ikag ta, mbor yor ra li nenting. Mbor agbugbodor nya ika kpelor alip fenghe ba tab tonor ne nfirr. Ate nya ika kpelor amogor, iyokpor nkpel ibal fenghe yob rogor. 13 Mbor re na ibebe nfirr ngor igboro alip, arogonro nya ibe shibe ayele ayele, mbor ba shaga ngor ijinghe nji ika kpelor ikum kpuk. 14 Enoch, igborbolo irim-ini sheng ngor Adam, nyen amerr gum bor, aba bong, "Bre! ntol kpi baga ne anonob ane be ngor atitil-atitil nkpel ibal ne atil-igol kpebodo. 15 Akpi baga ba lam fel nne. Akpi baga ba kag abebe ane mba ibelem abebe abaga gume ngor ngbagobo. 16 Mbor ba iyor mumor, jom uror shengor ashashab ntobor nyi mbokpelor. Mbor ba iyor gaba fenghe yol ane mba ndege dege. 17 Fufene, wun, ba ngakorr bama, boro wun alom nya ba tontulor Jesu Christy ibongho ngor njim. 18 Ngho aba bong ka wun na, ngor ikukulor iba fonor ba yolor ane mba iba tonor abebe ntobor bor. 19 Nta nti iyor kor mbaga ba, mborreka nfam, mbor kpem ufu. 20 Fufene, wun, ba ngakorr bama, lok wun ijibine ngor inonob ntama, ne ajom ndor ngor inonob ufu. 21 Gbewun ijibine ngor ikorr Ishor, nogor wun shek imok ntol Jesu Christy we nyor ya ba kaga ikpen igengen. 22 Fon uyen imok ka ane mba ika yor tama. 23 Nog mbagor nogor ayige bor shaga ngon ka mbagor fon uyen imok ne ubol. Jol iwurror nji ngobji befele nyag, ishaba. 24 Ngha, ka ane mba ika gbolor kpede fenghe yeme fon nkaga ka Ishor ne igboro igere. 25 Norgor nkaga waa jol ka Ishor nji nogo wurr sheng ngor Jesu Christy ngor ikpen igengen. Nogor ijol nor.