Ikpak 7

1 Ngha igaranti abaga nyaha emalor Jesu Christy bar jen shibe nor Galilee, tep ne ibe shep afenghe ji ngor ibege Judea tep ne aneb Jews ikpe-shepe nogor mbor yole 2 Ngha tege ikak ti aneb Jews ijol meh nti bu-kok ne ikak idi nenene ibu re ikpet-ikpet. 3 Aba bayen ibong nene, tum idingar shaga nogor asheng ngor Judea, nor ba tuntulor ba iba ba yene ifangha nti abelem. 4 Nene jom lem shele-le njolor amer shep nogor ijol gbol.Njolor abe lem ijom, tep nfam waa ugeba 5 Jol agbayen e jo lem tama tig geh. 6 Jesu bar bong nah bor "iket tama ika lumu, e teneh ijol jele iket. 7 Wim nim bar shaba nfam, meryor mbor tip neh njol torow a asha-ashap bor. 8 Shong wun ngor ikak fonor, meh nim ber baga ngor ikak tep neh iket tama ika lumu. 9 Iket nta a ba bong nah bor, a ba shaga ngor Galilee 10 Igara-nti agbayen ibe tum ngor ikak, aber gi fufune, abubu lile. 11 Aneb Jews ijolor janghe mber "wer nyon" 12 Ane ijolor bongho gum meh ngo igom. mbadege digi mber, "innonob nah nom yor" mbar gor mbeh eyea, akp chamer aneh tigha. 13 Nene bongnim gbol gum meh tep mbor jolor bele aneb Jews. 14 Iket nti ikak fonor ibe shaga tekeh eyagor mal, Jesun bar tum ngor idi ndor ji gbeb mkpele. 15 Ikor iba tan aneb Jews, mber "naning neh nom wer yelor nah e chikolajil lem." 16 Jesu ber fangha mbor mbeh "mkpele yama iyama shang ireka neh yor tumo meh. 17 Neh wor shebor ngor alam ntobour yeh aba yek ga mkpele, njolr iba lor ngor idi Ishor, afi e mkpi bongho ka uji ba mar. 18 Neh wor bongho ka ugi beh, shebe ngaga ka ugibe, fufor ne yor shebor ngaga ka ne yor tumo neh, ne fonor rugor itembaga, shap-shap irem nene. 19 Moses kalakal nwerr mbini? ngah nwun mam gba mbini nan nwun ber shap ngo wen yol meh?. 20 Igom anne ifangha, "wor akpi ulim yonor yaga yol" 21 Jesu bar fangha fenghe bong neh bor, ifangha ntirean, nti ber lam ikor e wun tan. 22 Ukam idogor mbe Moses kalor nwene balem ngor idi Moses ebala ngor idi anib jol beneh, ngor ufonfu regha achie wun jor kim neh urea. 23 Njolor mbor ukimi neh norm idorgor ijolor no ufubfub rengh achiea, ngo e bineh Moses e ti tan, nah itam e ber wen yam, nah meh talor norm uyam ngor ufonfu regar sher. 24 Kar lam nah ayenor, lam na igornor 25 Mba dighi ngor Jerusalem bong "neh wor mbor shega nogor mbor yuler shangha. 26 Bree, a kpi bongho gbol, mbor nim mor bong ijum-ijum neh nah a neh kol eyem mber Mon-Ishor yol, nor shaga ngha. 27 Uyiyi idi ar jok gor igara nti Jesus balor wer unem ba kine idi a jokgor. 28 Ngha Jesu rerr jok ngho ilaba-ikoabashi, kpele fenghe bah bong mber wen jiyi idi njok gor mber lim ka uji ber, neh wor tomor mer neh itembaga yor, wun yem mer. 29 Meh yea yeh,mbal gor idi jer wer yor tumor meh. 30 Mbor shebe nogor mbor bob ber, tep nah iket teh, ikalumu neh kilim mer ubor. Igom aneh feb ntama tugor yor bong, 31 Jesu yeah ber ar ba limi nfongho shan nah, neh norm nwer ber lammeh?. 32 Aneb Pharisees iyok nah igom iber bong jim Jesu Christy, aneb Ntol udem neh Pharisees itom mber mbor ji bob ber. 33 Jesu bong neh bor, mber jolor neh nin neh njor morn iket, mber tomor ngor idi neh wor tumor mme. 34 Wun ber mme jan ngha, wun nim ber mme yener idi nferow, wun nim malba bar gha. 35 Aneb Jews ibong neh ijibor, "ngan aferow nji unim mal yeah ba jangha" alam ba tumor gi kpele aneb Greek?. 36 Nan aba bong mbe, wun ber mme jangha wun nim ber mme yener, idi aferow wun nim mal bar ba gor 37 Ngor kukulor igboro ikak Jesu Christy ber rerr jok bong mber, "neh wor ebakor" aba tum mme nogor awor. 38 Neh wor tamor tugor meh, nah alom Ishor ibongho, alip ikpen igain-gain iba fabba sheng ngor alah yeh. 40 Iket nti igom aneh mber iyogor alom nyah mbor bong mber, "ngha ntorow alom Ishor yor ngha". 41 Mbor gor mber "Ngha mon-Ishor yor" mbagor ibong, Mon-Ishor ba jokor ngor, Galilee leah?. 42 Alom Ishor bongho mber Jesu Christy ber jok iteleh David ngor Bethlehem, ibiger ngi David jolor. 43 Myaba ba jol ngor igom aneh fonor, tep nene. 44 Mbadege shep nogor mbor bob ber, nene fenghenim ber tule abour. 45 achojer iba tak Atol Udem neh Pharisees, mbor beb bor "nan wun ka koler ber" 46 Acojer fonor fangha, "neh nah ka bong nah." 47 Pharisees ba fangha mbor, ar wun nimer fufuna?. 48 Ntol yon digi yon diji bu tamer tegeh, afi neh pharisees? 49 Utor iba jolor igom ane ba ika yelor mbene. 50 Neh Pharisees Nicodemus, nwor balor ber tob ber ngo ngim, bong nah bor. 51 Ibini yira ijor lam neh norm, mbor kem yok neh nah, ngor nbor yi ijom ninghe a lomer? 52 Mbor ber fangha bong nne neh, wor aru ngor Galilee? Jang nogor wun yen neh nyen na mer ka ber tea jojok ngor Galilee.