1 Mme mbongho abaga yangha ka iyor wo atiba fenghe njim. 2 Mbo yaba kamma shaga synagogues. igara ikpe bagah nji nendege ndege nyor yolah ba-tubor mbe weh kpe leme inop-nop ka Ishor. 3 Mbo ba leme abaga-ngha ngho-nan mbo ka-nyi nshuwama ifi mm. 4 Mme mbong abaga nyangha kah inyo ngara bor ye bah, wo aba borrow na ntaga gome bor-ngo iyegitule ntagomma abaga-nya ngo-nan njolor nena. 5 Ntega nfeh gor idi nne-yor tummor meh nne-ne ngho igbule jine bubem-mme,nanor wo affelor? 6 Ngo-nan mme mbong abaga ngha ka, uyebitem akpem ngho item. 7 Itembaga, mme mba tak, inobor kah nogor mme itikpe jol ngha-mme nkpelor jol ngha won numba fonor inop-nop uffu, mme nye tum, mme 8 Igara nti aye bah, the conforter iba tebeh nfom nna ika rerow iftemba ga gum ibebe, gara nne inop-nop uleme nne nlamah. 9 Gara nne ibebe, ngho-nan mbom tama tuge mme. 10 Gara nne inop-nop nleme, ngo-nan mme nfeh ngor idi nshuwama, wor anom kpeba mme yenneh. 11 Gara nne nlamah, ngo-nan nburre nfam yingha mbo-be lam. 12 Mme kpeh abaga feb nya mba-bongho nne-na ngor-nan wo anum balba kpebe ngah ntuga. 13 Igara nti ufu itembaga, iba baga, ayaba tebe abada itembaga wah, wer funor shang ba-bongho. Aba bongho ijome-ji ayogor, afenghe yaba tagga abaga nya iba-baga. 14 Abame kagg ntegeh, ngonan aba-yige ngor nji irerow ijama tegga. 15 Ijom jendegedege nji nshuwama kpelor ijama-ji. Tep-ne-nor, mme mboongho mme-ne ufu iba-kogor ijama fenghe. 16 Ngor mon gara tekeh wor anum kpelame yenne, ngor mon gara iyogor tekeh abamme yenne. 17 Ba tuntulor beh mba-dege ibong nne atem, "ba jom amme bong nne-nerre, mon gara tekeh won num kpeba mme yen, mon gara wegor tekeh won ba mme yenne, ngor nnan mme aba tummme idi nshuwama?" 18 Tep-ne-nor mbo bong, "Ba-jom abongho, mon gara tekeh? wurr umyim ijom-ji amme bong gome" 19 Jesu yen nbeh mbo shebe nogor mbo bube, abong nebor, "Nta-ti won mme bub atemme, ijomji mme-bong, ngor mon gara tekeh, won num kpe-bame-yene, fufor ngo mmon gara tekeh, won bah mme yenne? 20 Itembaga, itembaga, mmbong nne na, won bah rerre fenghe jobalom, nfam item iba bo yebe. won num kpeba funor uyebitem, item nti iyiti-kpe ba won yebe iba fenghe shere uyebitem. 21 Igara nti nenkal mme-bel ojom fun uyebitem ngho-nan gara ye bubah, igara nti abe-bel mon ajum kpeh borro iyamah tep-nne uyebitem mbi abe-bel mon bah nfam. 22 Ngha ntigga item innumo yeba, mmenkpe yaba yenne, item iyaba yebeh, nnene nummal bah tabah uyebitem bah shagah. 23 Ngho uffonfor bor wor anum bamme bubeh ijom njindege-ndege. itembaga, itembaga, mme mbong nne-na, wor aye bube nshuwama ijom njendege ngor mbeg yama, ayaba kagga. 24 Ikede nja-wah wor aka bub-mme ijom-jom ngor mbeng yama-bub aba kogor iyor wor aba-fonor uyebitem dol. 25 Mme mbong abagah nyangha kah ngor nggan, ngara ikpe bagah nyi mme nti kpe bah bongho ngor nggan, mme bongho nnena gbol gun nshuwama. 26 Ngho uffonfor mbo wo abah bubeh ngor mbeng yama, mme nkataga mmeene mme mba jomondor tugeh nshuwama kah. 27 Nshuwawa fonor kpeh ikorr kah nna wo akpelor ikorr kah mme ngo-nghan wo abu-tamma nna mme nyerro ngor idi ishor. 28 Mma nyer nfan. Fufor, mme mba-tume nfam shaga tum-ngor idi nshuwama 29 Bah tuntule beh ibong Nyen, ntega wo akpe bongho gbol, anumor kpeh bong ngor ngan. 30 Ngha ntiga wurr ubuken mbeh wo ayi abaga wah, wo anumor sheb nne ndege-ndege bubah mbubeh. Ngha ntah, wurr ubutama nna wo awurro-gor di ishor. 31 Jessu fangha bor, "won butama ntuga? 32 Yen, ngara kpe bagah, ay, ibu bah, ngara nyi mbo bah won radah, nne ndege-ndege ngo itek-je, wo abame tume shaga nentung-Mme nrem nentung ngo-nan Nshuwama reeh nenama. 33 Mme mbong abaga nya-gha kap iyo wo aba funon terre nenama. Ngha nfam wo ape nyungho, won atunor, mme mbu wean nfom.