1 Tep ne na ukono nyor urege ashi mene itegor yemor, ukono nterr nyor nji itiba shoror nne ngho igom jine. 2 Na mbor toro itengtenghe ikekala ka wurr noyor fufene na ibagor jol ne bor. Ken itom fonor itegem fon nshele ka anemba ika konor anyor ngor itembaga na anemba ifonor nkaga. 3 Na wurr mba ufonor ntama uyelor ngor urege ashe mbi nghor, na abonghor, "Na nteror ne uyam ntem, mbor nemtege fon uregashe nenama." Jol ijolor nor, nfangha ye imala nghor ibom tulor mfam. 4 Na atu irimini: "Ishor ba fon urege ashe nghor atu arimin ngor uborb ifangha be waa." 5 Kpe bodo ngha ikpak nwerr ntingha fufene mbe, "Mbor nemtege fon urege ashe bama." 6 Ngha ntega, ibe shaga ka mbandege nogor mbor fon urege ashe mbi ngor, ne mbor mmba itogor yok gum itengtenghe itom fonor nti mbor toror ka bor ika malor ji yel tep ne ti fon nkaga bor. 7 Yor Ishor fufene kpelor ba kono ufonfo mbe ndege, yor kok ne "Ilela." Nji abalor ba bong sheng ngor nyor David ne alom nya mbor be togor bong: "Ilela jolor wun yogor ilom te, ka wun fele ntem yine tunor." 8 Tep ne ken mbe Joshua kalebor ka uregashe, Ishor yolem kpe bong gum ufonfo mbi ndege ndege. 9 Itege kpe ufonfo regashe ka anep Ishor. 10 Tep ne nyor shumor ngor uregashe Ishor bebaga fon uregashe ngor nfangha yeh, na Ishor bagor lem ngor iyeh. 11 Noyor ilagor ufon ukobakub baga yel ngor uregashe mbi gor nyonji ne we nji ndege ndege tiba foror yel ngor mkped ndangha nyor nyi mbor lemor. 12 Tep ne ilom Ishor ire ikpen fenghe lem ifangha fenghe kor shengho ugeh mbi ikpelor anyor abal. Iyor jum item ne ntobor bak kredede, akonor ne ateng akup, fenghe fon ikor nti iyor fele abaga nya abeh tobor ne nya akpelor tobor rede ngor item. 13 Ijomjom nji mbor lemor ibobor ngor ushemerr Ishor, ikokobulob mbi nghor, ijom nji ndege ndege inong gbol fenghe rebeh ngor amerr nenyor utege ba toror ka-e. 14 Tep na ukpelor igbor nenkol ba torror alomnyor be sheng ngor ukun iborr, Jesu mon Ishor, bw wed ka ube fele ntama yere kpekpe. 15 Tep ukpem Ntol udim yor utimal ba fonor uyene imog ka mgbogor uere. Ukokobulor mbor, wurr ukpe ne we nji ndege nyor mbobe yongho ngor abarr waa na wurr ureror, shenghim na we ka kpelor abebak. 16 Nghantega uji ngor ite utol igrasa, nyor nji uba fonor uyen imok fenghe fon igrasa kor kakubor igara nshebeh.