1 Abonshe, fun wun nkaga ka ba-nshuwun gara nne Ntol, nna yor inobor. 2 "Fun nkaga ka nshuwa nne nnyauwa." (nti ireror ngbogo mbarr ibene nee ukononyor). 3 Inyor nji iba nobor nnena afenghe fun ikpen nti irabor ngha ndedege. 4 Ada abon, ka wun lem ijom ji iba yama abon benne itam. ikokobulop mbor, jol nebor ngor inonob ne mbong Ntol. 5 Ajol, fun wun nkaga ka ba ada jinne ngo ngobji nne igboro nkaga nne mbaga, ngor itembaga nti ngho itamta. Fun nkaga ka bor nna wor aba funor nkaga ka bor Christy. 6 Nkaga ya jol ngara inyi Ada mayen, inyor nji mbo ba funor uyebitam ikokobulopmbor, fun wun nkaga nna ajoh Christy, nyor jor lem nti ikoror Ishor ngor itamta. 7 Rogor nne itemta wah,nogor ijol mbe wun kpi rogor Ntol wun nomu rogor anne. 8 Ngonan wurr uyinyi mba ngor inonob ijom njindendege nji nne ya lem abakor mbaga ngor idi Ntol, jol njoh yi afi njoh shang. 9 Ba-Ada, jol wun nne ajoh yine nor fufor. Ka lem mbor fon ubol. Wor anyi mbe nne nyor reror Ada ja nne mbor regor ukun-iborr, ngho idi je anne wah ireh kredede. 10 Ikikleh, fun atlinne idi Ntol nne ikoh teh nti ifulor. 11 Kak abodo abirr Ishor wah, inyor nji wun malba yeme gara nne ishashap ntobor nnim. 12 Abirr yireh irem gara ngobji nne along, ireh gara babume ashi-kpokoro, gara ba leme mbenneh, gara nne ikor nti ifulor sheng ijinghe ngha attu ngha-gha, gara nne abaga ufu ya-ngho agboro adi. 13 Tep ne nor, kak abodo abirr Ishor wah inyor nji wun malba yeme ngor ufunfor ulama ashashab, nji abe lem nti degendege, nogor wun yeme tuneh. 14 Yeme tuneh, nne igbanu itembaga nji akagor shebe ibon kak, fenghe kak iwuror nji gbol. 15 Nne akpada ya gara kredede ngor nna ibalor ngor anonob alom nya tere. 16 Ngor abaga waa tab ikongho ntama, inyi wun kpelor nyi reror nna ikong abebe anne. 17 Tab ikpo nogor, nne ikong ufu, nti-yi ireror alom Ishor. 18 Ngor ndor nyindege ndege nne mbube, jum ndor ngor igara waa ngor ufu. 19 Jum-ndor tuge mme, nogor mbor tomme itom igara inyi mme nya ribe nyor mamah. Jum-ndor nogor mbor yime nne ukoitem itembaga njor sheleh gum igospel. 20 Tab ne anonob alom mme njolor nlama alam nyor yobor ngbagobor, inyor nji mme mba bongho nne ukoltem, nne ilagor nogor mbong. 21 Tychicus, akorim ngbayen jama, nne nrogitom itembaga ngor idi Ntol, yaba taga ijom njindegendege, inyor wun bakine nna melime. 22 Mme mbe tom tuga tep nne ibaga nja, inyor wun bakine nna ureror, inyor nji utem bor iba funor attune. 23 Tereh ijol nne agbayen, ikorr nne ntama nyi yerogor idi Ishor nshue nne Ntol Jesu Christy. 24 Igracia ijol ka anne mba ikpelor ikorr Ntol wureh Jesu Christy nji kpelor ikorr nti ikabotirenghe.