1 Nenkol udom ba bong, " Abagaya itembaga, jier? 2 stephe bong, "Bagbayen jama, ne bansuwama, rangh wun me atong; Ishor rebe ijibeh tep nshuwere abraham igara nti ajolor ngor mesopotamia, nogor akum-nene ngoe Haran, 3 Abong nene, tun ndegeya nenebya nogor ashong ngor ndege nyimeyaba tebeh. 4 Mbor batum-shaga ndege chaldeans ji nene ngor Haran; gbeb nghor, sheng igara ikunde, Ishor bakoeba ngha ndege nya nyi anener ngha-ntega. 5 Akalem ijomjom kana-nlege ibon we, jol teke nogor neyede ijarkpada. Akono nyor jolna Abraham kafonor mon atigeba fenghe neh ndege nyorkae neh abonbewaa nba irerokai, 6 Ishor yolbongho nene nah, nbeh abonbeh, ibanene ngor ndege nyikareror nyibor,fefene anmba inenor ngor ibabotoba shere ajo fenghe shabor nfele ngor bda atetel nkpel-ibal. 7 'Me-nbalamah ibugor nji nbobabor rogor, Ishor babong,fefene, nboba-jogo bakumarong kameh ngha idinja. 8 Ngha Ishor baka Abraham ukono-nyor ujoro ngobjigbe, ngha, Abraham bajol nde Isaac nyor ajore ngobjigbe ngor atu arimini, Isaac bajol nde Jacob, Jacob nde agbayenIshiigel-ne-ibal. 9 Ugbayenba ibafon ulek-ala ka Joesph, nborgore tumgo Egypt; jolnor Ishor jolor neneh. fenghe yegeshaga ashashab waa,. 10 Aka joseph unobshi neh ukunabaga ngho idi Pharaoh ntol egypt, nyor yege nogo ajol igborone ka Egypt ne itekje waa. 11 Ngho ugba ibalebajol ngor !Egypt neh canaan, ne Igboro uyen-akanya, ba-nshuwere iyolumyen ijomlili. 12 Igara nti Jacob yogor nbe agomlili iregor Egypt, abatom ba-nshuwere ngor ngbonbarrijen. 13 Ngho igbobolo ibal nbor jolor, joseph barebe ujibe tap-agbayen, ngha Pharaoh ba nyi agbayen Joseph. 14 Joseph bayom-ba-nbayen fenghe nbeh nborjitag ndebor Joseph nogor abaga Egypt ne-nep yeh, ane atel arane-ikorr waa. 15 Ngha Jocob batumjigor Egypt, abakpor, weneba nshubere. 16 Nborba sholbor tumgor shechem jikagbor ngor alumya Abraham gonorne ayerr ngor ubob mon hamor nghor schechem. 17 Ngha igara nti ukonoyor ijenor kpet,ukononyor nbi ishor konor Abraham, anefoornor ibafu be rorr ngho Egypt. 18 Tetete nborba fun-ntol nyondege nghor Egypt, ntol nyikalor Joseph. 19 Animeh anebere fengho nurorbanshuwere nogor nbor teb-abonibele-beretap nogor nborti bor gbeh ikpen . 20 ngho igara ntor mbobabel Moses, anob ngor ushimerr Ishor, nborlele ngor amerr-ara nghor itek nde. 21 Igaranti nbortebor Moses jok ngor idigbol, mon Pharaoh, nyor nenkal batabe shereh mone. 22 Moses bakpele-nyi ukunabga Egypt,, fenghe fu bgor nbong yeh neh ifangha-teh. 23 Ngha igara nti nda atel-abal imeba nogor ibokonkai, abafun ntobor nogor ajiyen ba-ngbayen, nep-Isreal. 24 Na ayenor namomekag ne Isreal Akanya, Moses banorge fenghe yol neyormekag akanya ne-Egypt. 25 Weh yoltobor nbe agbayen ibarenghe na ubob Ishor iyagobor nok, nbor tehem marenghe. 26 Ntemfunfu ayen aneblom abal imenok na akanmor nogor aji yamabor, fenghe bong, anelom,wun ugbayenbi, nanorwun menok neh atem? 27 Nwereng nyor lemor isjhashab shemeh gbe npa, babong, :nyonor yega nbe ajol ntobishi nogor aba lam wurr? 28 Wor abashebe nogor ayolmeh na ayolor neh Egypt iyana? 29 ses batobor nah ayogor ibongta jijol njenneh ngor ndege Midian, nghor ajijol ndee abom abal. 30 Igara nti nda atel abal ibeshang,nrogor itom Ishor barebe ijibe tabe ngor ikankan ifu igol sinai,ngor nfogor ilolo ngon ngor ifu. 31 ara nti Mosos beyen ngon, ikor ibataneh nah ayenor, nah akpelor jenkpet nogor abere, ilom ada ibajok yorbong, 32 Meyor nreror Ishor ba nshuwa Ishior Abraham, neh Isaac, neh Jacob. Moses bakob shakshak akpem yogho nogor abere. 33 Ntol ada babong nene, yege abodo akpada ngor akpadaya, tabne wor ayem ngor inonob ndege. 34 Timbaga meh nbuyen akanya anebama nba ireror ngor Egypt; nbuyok nmomor bor, fenghe ba nogor nbanok bor, ba meyaba tomo tugor Egypt 35 Moses nja nji nbortene, igara nti nbor bongho, nyonor lema ntobshi neh ntamlama? weyo reror neyor Ishor betom na ntobshi ne nogane. ishor tome ngor ubob nrogor itom nyor rebor ijibe tabe Moses ngor ifu. 36 Moses yegebor shaga Egypt, na alemor atanikor neh ayonor ngho Egypt neh ngor agboro alep reeds, neh ngor ikankan ifu igara nda atel abl. 37 Moses njokpee yor bongho ne aneb Isreal, Shor ba yege nyenamerr nyor reror na-nme. 38 Nenomwayor nyojolo ngho ukonashi ngor ikankan ifu neh nrog itom nyor bongho nenengor igol Sinai, nyor jolor ne ba nshuwere, nyor kolor nbong ikpen kawurr. 39 Ba nshuwere iten nborkageme; nbor sheme gbe nkpa shagabor, neh ngor ntembor nborfenghe tum Egypt. 40 Ngho igara ntor nborbong neh Aaron, 'lem ilokte kawurr nogor itogowurr. ka Moses nyor yegor wurr shaga ndege egypt, wurr uyim nti ibegbor neneh, 41 Ngho nboba re-ite ngor atunya yokor nkaga jika ilog-ite, fenghe fongere tapneh ifangha abobor. 42 Ishor shebe fenghe tapbor ka nogo nboyor kag arundo ngor iborr, na iyonor ngor awerr bayene amerr, 'wowun kalemeka uyambi wun beyel neh nkaga ngor nda atel abal ngor ikankan ifu, itek Isreal? 43 Wun kor itaba molech ne augundo alogote rephan, ne alogote nyawunlemor yor kumor arunka, fefene meh mbawun tabatum shaga Babylon 44 Ba nshuwere ifonor itaba utoror atimbaga ngor ikankan ifu, na Ishor kalor ikor na abongho neh Moses, mbe alem nyor nfongho nyi ayenor. 45 Monigara tekeh ba nshuwere nba ijolor neh Joshua, kolitaba fenghe tab tumgor idi mbokolor ndige Ishor tara ndege shaga ibugor onor fenghe cambor yege ngho amerr ba nshuwrer.itaba fonor ishaga ngor ndege nyor tetete igara David, 46 nyor fonor unobshi. ngor nkpa Ishor , feyor beb jolor wer ba yeneh idinenene ka itek Jacob. 47 Tap neh Solomon yor jolor itaba Ishor. 48 Jolijolor nan, nyor galofu yomnene ngor itaba nji nbor yolor ngor abor, na bayenamerr ibongho. Ikun iborr jireror itek Ntol bama, ndege idikono akpada yama. 49 Ba nboro itek amalba yogor kame? Ada babong, afi ba idi ireror ka idi rege-ashier gama? 50 Aboyamashang ilimor abodo nya waa? 51 Wun atom-amel ane, nba ikabelijoro ntembor gbe ne atonbor, wun yorkoniteneh inonob ufu, wun yolem na ba-nshuwene ilimor. 52 Ba-nboro nyene-amerr nyor ba nshuwere ikayole? Mboryol bayenamerr nba igbolor nbarr rebegara nbaga neyor reror gbole, fefene wun bangha jol bagogoro ne bayoyolobe. 53 Wun kor nbene nyi barogor itom ilemor, wowun mamgbe. 54 Nghantiga,igara nti igom ane iyogor abaga nya, nteam ibakembor, nbor-lec-alol tab neh Stephen. 55 Ngha were nyor roror neh inonob ufu, bre ngor iborr fengheyen ikaga Ishor fegheyen Jesu yemogor uboblom Ishor. 56 Stephen babong, "bre, meh-nyen iborr irebe, neh monnom yemor ngoir uboblom Ishor" 57 Ngha nta, igom anemba ikonashi nghoibolo atongbor, fenghe-yoran neh aranran alom, nbor-wamtobe ne item nteren. 58 Mborba nureyege shaga ibugor njor fenghe bagbebe atal tutob. aaaaaaaaaaaaaatenshe iyala abomobor nghor akpada njankon nenom nyor nborkogeneh Saul. 59 Na mboyolor tob Stepen atal, ayol kogo ada yorbong, "Ada jesu, kor-ufu bama," 60 Abakumor arong ngho ndege yokog jok ne iranran ilom, "ada, kafele abebaga gumbor." igara nti abebong nta, abagbor igoro ilor.