1 Aneb-kol togor inonob Gaius, nyor yor korr meh ngor itemgaga. 2 Ne-korr, meh bu-jom-ndor waa nogor inob nen-nah, fefene nogor ajol ifel, nah ireror ifel ne ntobor-ya. 3 Me yor gere-na-dol igara nti agbayen iyeba yime ngtenshe item-baga ya, na-ayojen ngor itembaga. 4 Mme mkpem igboro uye-bitem na nta.Nogor nyok nah abon-bama ime-jen ngor itembaga. 5 Ne-korr, wor lim-ne ntama-ya Igaranti alimor ifangha ka gbaye ne ajen-ne. 6 Mbor bah ibe yemerr ntenshe ikorr tar ngor ushibre ikobashi, Wor alim inob na aji-lor tugor mbor ngor inonob mbrr Ishor. 7 Tep ne mbeng yeyi mbor jok-gor-tum,mbor tabun ijom-jom ngor Gentiles. 8 Wurr ukaira nogor ukor nkug ijom nyisha nyorji wurr uba jolor mboro aneb-ifangha ngho itembaga. 9 Mme-mbu nyon-ijom tugor igom-ane, ken diotrephes ngor-yoshem ajol mgborgor mbrr igom-bor, yom-kor wurr. 10 Jolor me nye-ba kogo tep ijom nji ameh-lim, mbong ashashap nya ika-kpelor ifang gum wrr ntor ifulom-mme, weh fonor yom kor agbayen. weh fufor yo-lem tugor mbor-ba ime-shep ikor-bor fenhgenyekge mbor shaga ikobashi. 11 Neh ikorr wama ka wun lemer ishashap shegem innonob. Ne-yor lemor innonob reka Ishor, ba limer ashapshap ika yen Ishor. 12 Demetrius kolor innonob atutoro ngor idi nendegedege fufor ne-itembaga ngho ating. Wurr fefene nba tutoro gum-meh. wun nyiyi ngha atutoro yere ireror itembaga. 13 Mme nkpeh abodo feb nyame shep nyon ka wun, ken me nyim jor shep nogor nyon tugor wun ngho itite nweren ne alap nweren. 14 kan mme mkpe ukono-nterr nogor nyen wun baba-bar, fufor wurr ba 15 bongho ne-atem dededeh. Nogor itere ijol nen-neh. Atem-ber fonor ibeh kak nyor, kak atem mbre nyon ngor mbene.