Ikpak 2

1 Ngha ntikga gum baga Ntol Jesu Christy wure ne ukon ashine-afem nenene, wurr utekge ikpi wun gorogbayen jire. 2 Nogor iti wun nenge ikperin ngho ntobor afi alam afi ngho ufu afi nkpeler afi ayonot mwere iya wun meh yen imeh ba ngor igreidi nogor kalor ufufo Ntol mbi ibetogor ba. 3 Nen-ne ti wun nirien ngho nkpa inim tegeba baga tete igara ngbogor ibu sheng tum fufor ne-yer ka kpelor ibene bu jok, mon nrurongho. 4 Ngha ne yor ten-tagor fenghe tek uji-mbeh fer waa ne jomji iyo kok Ishor afi tekge. Teap nnor ayo bemeh ngor itaba Ishor fenghe yep uji-be na Ishor. 5 Wun yom boro nagh ntagor wun igara nti njolor nenene ntak wun abodo nya ngho 6 Ngha ntiga wun nyiyi ijom ji imeh me-fele fenghe nji meh, iyoji mbor yebe reber ngor iteten-igara. 7 Ngha nti ga igara ukpege alam neba bomor nbene tirigha ti imeh lim ifangha, sheng gim neyor yor fele fenghe ijem ngha yor be tab-shaga. 8 Ngho yor neyor kakpelor ibene mbor yebe reber gbol. Nyo Ntol Jessu yebe yolo ne ifife nyo je fenghe korba lim ijom jom ngor nfongho baga iyeh. 9 Baga neyor ka kpelor ibene iba jolor igara ifangha nim ne ikor te waa, ayonor ye ne nkike meh atanikor yeh. 10 Ne nkped shab-shab ye ngha ayo kor nimeh ba ikpogor tan, teap ne mbor kolim ikorr itembaga shenghe fon nogor. 11 Teap ne ngha Ishor tum mbor itunor nkikemeh tupor-bor iyor-ji mbor ba tama nkikemeh. 12 Iyorji mbor iba-fonor nlameh nka mbor ba tamor tugor iteambaya fenghe tap nterr ukmo ngor asha-shab. 13 Wurr uyor ka igafor ka ishor ka wun, agbayen ba Ntol ikpelor ikorr, teap Ishor yege wun na ba tongor amogor nogor sheng inonob ufu ne ufamu tukgor it embaga. 14 Akok wun sheng ngor anonob alom, iyoji wurr uba kogor iglory Ntol Jesu Christy. 15 Ngha fefene ba gbayen jama, yimeh wun kpekpe nogor wun fele afem gba na nbene nyi wun kpelor, sheng ngor alom agi ayono nwerr yere. 16 Ngha ntiga nogor Ntol Jusu Christy fono ne Ishor nshuwere nyo kpelor ikorr tere fenghe ka wurr nwulor igaain-gain ne inonob ukono nterr sheng igracia. 17 Fon wun ikor ne aonor ngho ntem yene ngho inonob fangha ne alom