¹ Beb ngor idi nekol regor idi njam-jama nyor mboyigeh ne abon-ber, mba mer ikpelor ikorr ngor tem-baga, fufor mer ne teng, bodo-ne mba ibe-bangha yilo itembaga. ² Tep neh itembaga nji ibeshaga nenereh fenghe ba jolor nenere teteh. ³ Igarcia, imog, ne itere iba-jolor nenereh abeb ngor idi Ishor ji reror Nde gbeb idi Jesu Christy Mon Ada, ngor itembaga ne ikorr. ⁴ Me mbu-gere na-kang na me-ber.Yen abonshe ba-ndege imeh jen ngor item-baga, ngha uber bangha kor mbene ngor idi Ada. ⁵ Ngha ntiga me bu-jom-uro nene-neh, njamgama, ngha me nyon mbene fefe shang, nah nti ube togor yok ngor iyobutulor mber ufon ikorr ne-atem. ⁶ Ikorr nti ngha mbe wurr uyo jen nah mbebe yeh. ngha ibene mber na ube yok ngho iyobutulor wor ajen tononor. ⁷ Ba nim-ane feb ibu tum yel ngho mfam, fofor mbom torow nah Jesu Christy bala ngor ngobji, ngha nim-ane fufor neyor ka-yo tama tugor Christy. ⁸ Bre uji-ba nyo wun yeti-ba tan-na abodo nya wurr ube lim ifangha waa. ⁹ Nendegedege nyo tumor ngho mbog, ka fengho shaga ngho nkpele Christy akpem Ishor, ne-nyo shaga ngho nkpele, euh jor kpe nde ne mon. ¹⁰ Nendegedege nyor balor iga-idi, ka-kolor kpele nyo ba kakorkag ngho irek-ja fufor kah-kag nyor. ¹¹ Neyor kag-geh nyor bu-shunor ngor mleme ashashap yeh. ¹² Mme kpeh abodo feb nogor nyon tugor wun kenmeh nshebem nogor nyon kag ngho ipak nwer ne aleb nwerr. Na ireror, me ikpe ukuno nterr nogor mba bong ne-wun ngho ushi-merr dedede, iyoji igereh jireh iba konor. ¹³ Abon ngbayi nekal ba ayekgobor iba kag nyor