¹ Paul, ntondulor Jesu Christy ngor ikor Ishor, neh Timothy mgbayen jireh ba yurr ji ngor ikobashi Ishor nji irero gor Corinth, neh ngor idi aneb Ishor mba inobor waa ngor mkpa ibugor Achaia waa. ² Nor ntege jol ka ne tereh ngor idi Ishor Ada jreh ne moneh Jesu Christy. ³ Nor Ishor Nde Ada jreh Jesu Christy fon ntege. Weyor reror ntol imok ne Ishor ne Ishor kaga nyamitem waa. ⁴ Ishor yor ka wurr nyamitem ngor igara alam yreh waa, inyorji umal ba kaga anemba ikpelor ilam nden-den-dege nyamitem uyor kak anembagor nyamitem mbi Ishor fonorka wurr. ⁵ Na akanya Christy ijolor tep ne wurr, nogor fufene ukaga nyamitem breh ireror jeng gor Christy. ⁶ Jolor ureror akanya afi uyam, uba kaga ijibreh uyamatiem ne nogor, jolor ufengho fon nyamitem ire ka ukaga nyamitem bineh ikpe leme ifangha kpeh-kpeh ngor unara nterr bineh ngho akped akanya ya ubangho yen. ⁷ Nterr yerh gara wun ka nenghe, tep ne uyi-yi mbeh na wun yenor akanya nya uyenor, fufene wun ba fonor unara-item breh. ⁸ Tep ne unimor cheb nor uti lem ka wun kun, agbayen breh mba aneb-lome gum akanya nya uyenor gor Asia. uyene akanya bebabeh jeng ikor treh, fenghe tern jol iken treh. ⁹ Fufene ufonor ijome iku ngho. Ntor ijolor inyor utiba taba nterr ka ijibreh, ukorkobulom-bor ngor idi Ishor weh yor nyimeh anamba ibeh kpor. ¹⁰ Ayige wurr shaga igbed isha-shap iku ntor, ate ba wurr yege. Ka-eh ubafon ukoninterr mbeh yege shaga akanya fonor. ¹¹ Aba leme nta na wor aba wurr kagubor fufene ne ndor war. Igara ntor feb iyaba kagah igafor ngor igara nti uka reror ngor iteng-tenghe nkaga akalor wurr jeng ngor aror dole. ¹² N umeh gaba ire na, ntobor yreh bu tep mbeh ubu loke iyibreh ngho mfam fenghe jol gbole fenghe jol de-de-de ngor ushimerr Ishor, ti-tep nterr kono ntobor ne-ngopji, ikokorbulor nbor nsharr Ishor. ¹³ Uyonor tugor wun ijome-jome nji wun timalba koko fenghe kono nter na wun ba yige mal. ¹⁴ Na wun beh wurr renghe ikikibe, wun yima wurr kor gaba ngha ufomfo ntol Jesuwreh na uba wunikogor gaba fufene. ¹⁵ Tep ne mfonor ukono nterr gum ntingha, nchebe nor mba toba ngor mgbombarr, inyor ji wun ba fonor inonob nkaga. ¹⁶ Nyol lama na mba baga ujen idi jineh ngor mbarr mfero Macedonia. Ngho igara ntor nchebe mkpeh ba ujen idi jine igara nti meh kror gor Macedonia, ka inyor ji wun ba meh tomoe tum ngor Judea, ¹⁷ Nyol gbi-gbide igara nti yolor tobor ntingha? Nyor lama abaga gara ngopji, inyor ntamor ay, ay-eh afi ay, ay ay igara ndrenghe? ¹⁸ Na Ishor reror gburr mbong yreh ka wun irem ay, afi ay ay. ¹⁹ Ka mon Ishor, Jesu Christy, weh Silvanus, Timothy neh meh ntoro ngho igom jineh rem "ay" afi "ay ay". ikorkobulor mbor ntoro gumeh er "ay" feligara. ²⁰ Tep neh ukono nyor Ishor waa ire ay ngho idi jeh. Fufene jenghor weh iyor bong "nor-yol nor" gara ntege Ishor. ²¹ Ngha tiga Ishor ji mehtoro anonob gara wurr na ureror ne Christy fenghe tama wurr akurr. ²² Alam idi shi-sheleka wurr fenghe ka wurr ufu ntem yrer na ijome ji iba weder ka aba. ²³ Fufene ibukok Ishor na ntensheh ka ufu bameh na mbalor gor Corinth inyor mba wun inogor. ²⁴ Ntinngha irem tep ne ukpi chebe ujol atol bolow ntamah yah ikukobulor mbor ufenghe re baleme nfangha nenieneh ngor uyebitem beneh na wun yemor ngor ntama yeneh.