¹ Ngho ntor, tep ne mon ishor yene akanya ngho ngopji, loke wun ijibene ne yo be yene-ngho ne yo be yene akanya ngor ngopji abebe ye iba kulor. ² Ngor ikukulor, nkuk ne yo ngor ikukulor igara nti ibe chga ngor ngopji, nem mkpe nene ikpen ka ntobor Ishor . ³ wor abu rongho igara dole yore lem ijome nji agentiles iyagor lem ngor ulege ikpen, uwogor amum yore gare,ufonor achab chab ajuju fenghe yor lem abebe ibaga aloko te. ⁴ Mbor tobo be ine femfe ne wo ati jumor nebor ngha nrorr ibene ayele ayele, ngho igara ntor mbor bong abebe gara. ⁵ Mbor ba toro alome fonor ka ne nyo be loke ngopji nor alam ba nene ne abogbor. ⁶ Tep ne ntingha, alome Ishor itoro ka ane mba ibe gbor fufene. Inyor jole na mbor bebor laam ngho ngopji nna anne, mbor yima nene ngho ufu ngo mbarr nyi Ishor iyor lem. ⁷ Ikukolor abodo wa ibuba ikpedi-kped. Tep ne nor jol item gbole, ne ajol tere nghontoor ya tep ne aror. ⁸ Ngor iborr abodo waa,fon ikorr ngor igara wah ka atem ba, tep ne ikorr ibolo ⁹ agboro abebe. Fon itengtenghe item ka ntema ka fon ntoro. ¹⁰ Na fele ne be kor mbagar, kor wun fon nkaga ga atem, yeme wun tete ka mkpele igracha Ishor ngor abarr feb. Ijolor nne wereng bongho ijol ngor alome Ishor. ¹¹ Ijolo nne wereng tamo ijole be irurr ngor ikorn nti Ishor kalor. lem abodu nya inyor nji ngor abarr waa Ishor ba yuro jeng ngor Jesu christy mon Ishor. Ijol gara imok Jesu christy mon Ishor ne ikor te ngor ikpen-igengeng ne ikpen-igengeng ijol nor. ¹² Ne ikorr wama ka berr nna ijome mfem fe nyongho ngone mmi- be jol ne nah naa ijom mfemfe iyol jolor nena. ¹³ Ikokorbulor bor, nn amalor fonor mkpele akanya christy mon ishor dole, gerre inyo nji woh fufene amal ba gerre fenghe jol goh uyebi item ngoh nrebe atonor ye. ¹⁴ Jolor mboh tola ngor mbang mon Isgor inyah iba-jolor kah,tape nne ikor ufu nne ufubi Ishor iba jolor nena. ¹⁵ Fefene, ijol mbe nene ngho ijom jene akanya nna nyolo anne, nju, nleme abebe, afi nne nyor yor kok nyo ngoh ibaga anne. ¹⁶ Fufene ifengho jol mbe nen dendenghe yene akanya nna mon Ishor, ndon tieh lem, ikokobulom boh atiek Ishor nne mbeng nyor. ¹⁷ Ngha igara nlama nti ti ngha mkpeb nne aneb itek Ishor . Jolor ikpebor nenere, baa ijom iba jolor nne ane ba ikar mkpelor ngaga ka alome Ishor.? ¹⁸ Ifengho jol mbe, ikpe ijejek ka anonob, nor mbor fon nnogor,nannor ba tin-yi Ishor nne abebe iba-jolor.? ¹⁹ Ngor ikuklor ijol mbe anne ba iba nyene akanya tape nne ifangha Ishor ifenghe nne afu bor kak iteng-tenghe lem-leme ngor leme kpekpe.