¹ ಗದ್ರಿಕುಂದ ತಂಡ್ರಿಅನಿಕೊನಿ ಬುದ್ದಿ ಸೋಪು. ಯೌವನಸ್ಥಲ್ನಿ ತೊಮ್ದುಅನಿ ² ರುದ್ದಶ್ರೀಯಲ್ನಿ ತಲ್ಲಿಅನಿ ಯೌವನಸ್ಥಸಿರ್ಯಲ್ನಿ ಪೂರ್ಣಪವಿತ್ರತೆನಿಂಕ ಚೆಲ್ಲಿಅನ್ಕೊನಿ ವಲ್ಕಿ ಭುದ್ದಿ ಸೋಪು. ³ ನಿಜಂಗ ವಿದವೆಯಲ್ನಿ ಗೌರವಿಂಚು; ವಾಲು ವಿದವೆಐನಲುಕದ. ⁴ ಅಹಿನ ಕನಿ ವಿದವೆಯಲ್ಕನಿ ಬಿದ್ಲುಕನಿ ಮಮ್ಮುಲ್ಲುಕನಿ ;ಹುಟೆ ವಲ್ಲೆ ಮುಂದ್ರ ವಲ್ಲ ಇಂಟಲ ಭಕ್ತಿ ಸುಪಿನ್ಚದಂಕಿ ತಂದ್ರಿ ತಳ್ಳಿ ಉಪಕಾರ ಸೇಸದನ್ನಿ ನೆರ್ಸ್ಕೊನ್ನಿ; ಇದಿ ದೆಹುಡಲ ಮಂಚಿಅಹಿಂಡಿ ಅಹಿಂದಿ. ⁵ ನಿಜಮಾಹಿ ದಿಕ್ಲೆಗುನೋಳು ವಿದವೆಳು ದೆಹುಡ ಪೈನ ನಿರಿಕ್ಸೆಪೆಟ್ಟಿ ಪೋದ್ನರಾತ್ರಿ ವಿಗ್ನಪನೆಲ ಹುಂಟಲು. ⁶ ಅಹಿನ ಎಮಿಲೆಕುಂಡ ವಿದೆವೆಯಲು ಬದ್ಕುಂತ್ನಕೂಡ ಸಚಿನತ್ನೆ. ⁷ .ವಾಲು ನಿಂದೆಕಿ ಗುರಿ ಕಕುನ್ನತ್ಕ ಎವಲ್ನಿ ಅಗ್ನಪಿಂಚು. ⁸ ಯೋಡ್ಕಹಿನ ಸ್ವಂತವಲ್ನಿ ವಿಸೆಸಂಗ ವಾಡ ಇನ್ತೊಲ್ನಿ ರಕ್ಸಿಂಚ ಪೋತೆ ವಾಡು ನಮ್ಬಿಕನಿ ನಮ್ಬಿಕೊನೋದು ನಮ್ಬಿಕೊಂದದ್ಕಿಂಕ ಸೆಡೋದು ಅಹಿನಾಡು. ⁹ ವೈಸ್ಲ ಕೊಂಚಮ್ಮುಹುಂಡ ವಿದೇವೆಯ್ಲ್ನಿ ವಿದವೆಲಯ ಪಟ್ಟಿಲ ಸೇರಪ್ಕೊದ್ದು. ಅತಲೊಇನ್ನ ಒಕ್ಕ ಮೊಗಡ್ಕಿ ಪೆನ್ದ್ಳಮುಇಟಡಿ. ¹⁰ ಮಂಚಿ ಪನಿ ಸೇಸದಿಅನಿ ಹುನ್ಡಲ; ಆದಿ ಬಿಡಲ್ನಿ ಸಕದನ್ತ್ಲ ಸತ್ಕರಸೆಸದನ್ತ್ಲ ಪರಿಶುದ್ದ ಪದಲ್ನಿ ಕಾಡ್ಗೆದ್ಕನಿ ಸಕಂಟಲ ದೊಲ್ಕಿ ಸಹಯಮು ಸೇಸದಿಕಾನವಲ ಅನಿ ಮಂಚಿ ಪನಿಲ ಆಸಕ್ತಿ ಹುನ್ಡಲ. ¹¹ ಅಹಿನ ಯೌನಸ್ಥ ವಿದವೆಯಲ್ನಿ ಲೆಕಂಕಿ ಸೇರ್ಪದ್ದು; ಎಂದುಕಂಟೆ ವಾಲು ಕಿಸ್ಥದ್ಕಿ ಲೋಗಕಕುಂಡ ಪೆನ್ಡ್ಲಿ ಸೇಸ್ಕೊಲಾನಿ ಎಸ್ತಂ ಪೊಟ್ನರು. ¹² ಅಟೋಳು ವಾಲ ಮೊದಲ ಹುಂಡ ನಮ್ಬಿಕೆನಿ ಹುಡ್ಸಿ ದಂಡ್ನಿಕಿ ಗುರೀನ್ಲು. ¹³ ಕಕುಂಡ ವಾಡು ಇನ್ತ್ನಿಕ ಇನ್ತ್ಕಿ ತಿರುಕ್ತ ಪೈದೊಂಗ ನೆರ್ಚಿಕುಂಟದು ಪೈದೊಂಗಕಕುಂಡ ಪಾನಿ ಲೆಕುಂಡ ಮತಲ್ನಿ ಅಡ್ಥರು ಅಮಿಂಕ ಇನ್ಕ ಪನಿಕಿ ಸಾಯಿ ಎಸ್ಥರುಅಹಿ ಕಕುಂಡ ಮತಲ್ನಿ ಅದ್ತರು. ¹⁴ ದನ್ನಿಕ ಯೌವನಸ್ಥ ವಿದೆವೆಯಲು ಪೆಂಡ್ಲಿ ಸೇಸ್ಕನಿ ಬಿಡಲ್ನಿ ಕಣಿ ಇಂಟಪಾನಿ ಸೇಸದೆ ನಾ ಅಪೇಕ್ಸೆ ಅಟ್ಟ ಸೇಸದನ್ತ್ಲ ವಿರೋದಿ ನಿನ್ದಕಿ ಆಸ್ಪದಎಇಕುಂಡ ಹುಂಟಳು. ¹⁵ ಇನ್ತೊಲೋಗ ಕೆಲವಳು ದವ ಹುಡ್ಸಿ ಸೈತನಡನಿ ಹಿಮ್ಬಲಿಸ್ತರು. ¹⁶ ನಮ್ಕನೆಹುಂಡ ಮೋಗೋಲು ಲೆಕುಂದ ಲೆದು ಶ್ರೀಯ ಅದಿನಲ ವಿದೆವೆಯಲು ಹುಟೆ ವಲ್ನಿ ಸಂರಕ್ಸಿನ್ಚನಿ ಸಬೆಯು ದಿಕುಲೆಕುಂಡ ವಿದೆವೆಯಲ್ಕಿ ಸಹಾಯ ಸೇಸದಂಕಿ ವಿದೆವೆಯಳು ಆ ಬರನಿ ಸಭೆ ಪೈನ ಎ ¹⁷ ಬಾಗ ಅದಿಕರಾಮ್ ನಡಿಪಿಂಚ ಹಿರಿಕಲ್ನಿ ವಲ್ಲಾ ವಿಸೆಸಂಗ ವಕ್ಯಮ್ಲ ಬೋದನೆಲಯು ಕಷ್ಟಪಡೋಲ್ನಿ ಹಿಮ್ಮಡಿಅಹಿನ ಮನನ್ಕಿ ಯೋಗ್ಯಳು ಅನ್ಕೊಲ. ¹⁸ ಕಣ ತೊಕ್ಕ ಯದ್ದು ನೋರು ಕಟ್ಟಕುದ್ದು ಪನಿಯೋಳು ವಾಲ ಕುಲಿಕಿ ಯೋಗ್ಯಐನ್ಲುಅನಿ ರಸದಂತ್ಲ ಸೋಪ್ನಳುಕದ. ¹⁹ ಸಭೆಯ ಹಿರಿಕ್ಲ್ ಪೈನ ಯೋರನ ದೊರು ಚೋಪ್ಥೆ ಇದ್ದರೂ ಮುಗರೂ ಸಾಕ್ಸಿಹುಂಡ ದನ್ನಿ ಸಿಸ್ಕೊದಂಡಿ. ²⁰ ಪಾಪ ಸೇಸೋಲ್ಕಿ ಅಂದರ ಮುಂದ್ರ ಗದರಿಂಚು; ದಿನ್ನಿಕ ಮಿಕ ಹುನ್ದೋಲ್ಕಿ ಭಯಂ ವಸ್ಥದಿ. ²¹ ನುವ ವಿಚರಿನ್ಚದಂಕಿ ಮೊದ್ಲೇ ತಪ್ಪು ಮೊಪ್ಕುನ್ಮ್ದ ಪಾಕ್ಷಪತನಿಂಕ ಏಮಿ ಸೇಯ್ಕುಂಡ ಇವಟಲ್ನಿ ಸೇಸ್ಕೊಲಾನಿ ದೆಹುಡ ಮುದ್ರ ಕರ್ತ ದೈನ ಯೇಸು ಕಿಸ್ಥಡ ಮುಂದ್ರ ಅರ್ಪ್ಕೊನಿಹುಂಡ ದೂತಲ ಮುಂದ್ರ ಖಂಡಿತಂಗ ನೇನು ಚೋಪ್ಥನು. ²² ಅವಸರ್ನಿಂಕ ಯೋಲ್ ಪೈನ ಚೈಪೇಟದು; ಅಮಿಂಕ ಇನ್ಕಹುಂಡ ಪಾಪಮ್ಲ ಪಾಲುಗರ ಕಕುಂಡ ನುವ ಕಕುಂಡ ಆಟೇ ಚುಸ್ಕೋ ²³ ಇನ್ಕ ಪೈನ ಹುಂಡ ನುಲ್ನಿ ತಗಕುಂಡ ನಿ ಕೊಡಪು ನಿಮಿತಂಗ ನಿಕಿ ಅಪಪ್ಡು ಬಲಹಿನತೆಕಾಕಿ ದ್ರಾಕ್ಸರಸನಿ ಕೊಂಚಂಗ ತಿಸ್ಕೊ. ²⁴ ಕೆಲವಳು ಪಾಪಲು ತಿರ್ಪ್ಕಿ ಮೊದ್ಲೇ ಬಹಿರಂಗಅಹಿತದಿ; ಕೆಳವಲ ಪಾಪಲು ಅಮಿಂಕ ವಸ್ಥದಿ. ²⁵ ಆಟೇ ಕೆಲವಲು ಮಂಚಿ ಪನಿಳು ಮೊದ್ಲೇ ಕಂಪಿಸ್ತಾಹಿ. ಕನಿಪಿಂಚಲೆಕುಂಡವಿ ಕನಿಪಿನ್ಚತ್ಲ ಹುನ್ದಲೆದು.