¹ Paulo, omuhereza wa Ruhanga n'omukwenda wa Yesu Kristo, habw'okwikiriza kwabo abakomerwe Ruhanga n'okumanya amazima agali kwera, ² ebirikwemereraho okunihera obwomezi obutahwaho, obwanihizibwe kurugiira ebiro byaira na Ruhanga owatabihya, ³ kandi oyasukulire ekigambo ekye hakaire ake okuraba omukutebeza okunyaherizibwe hakiragiro kya Ruhanga omujuni waitu. ⁴ Hali Tito, omwana wange owaikirizibwe omukwikiriza kwaitu: embabazi n'obusinge bikuhaibwe kuruga mwa Ruhanga Is'itwe na Yesu Kristo Omujuni waitu! ⁵ Nkakusiga Crete otekanize ebyasigaire okwinganiza, ogaake, okuhonderengana n'amateka gange, otekeho abagurusi omu buli kibuga. ⁶ Kuba hakuzokere omusaija rutaina omusango gwona, anyakwina omukazi omu, abana abarukwikiriza, atakujunanwa by'ebyobusihani rundi obwemi. ⁷ Nikisaba omurolerezi atajunanwa omusango gwona nkomwahuzi wa Ruhanga ataba mwelemi, wekiniga, arukweyeha amarwa, atakutera, atarukwegomba amagoba g'obugobya; ⁸ baitu abe arukukunira munywani wabantu abarungi, mwelinzi, ahikilire, arukwera, omwekengi, ⁹ akugumera hakigambo kirungi nkoku yayegesibwe nukwo asobore kuragera kuhonderangana n'enyegesa eyomire kandi arukwetanga abarukuhaniza. ¹⁰ Harumu kukira muno hagati y'abasemezibwe abemi baingi, abagamba ebitarumu nabagamba ebisuba ¹¹ hali ebyo kisemera okubuha akanwa. Abajumukira oruganda rwona begesa habwa magoba g'ebyensoni ebitakusemera kwegesibwa. ¹² Omuwabo, nabi yagamba ati abakrweti bulikiro bachu b'ebisuba, kisoro kibi, enda zobugara. ¹³ Obakaiso bunu bwa mazima habweki obachomere n'amani muno nukwe babe n'okwikiriza kurungi. ¹⁴ N'abo baleke kuhura enganikyo zabayudaya n'ebiragiro bya bantu abakuleka amazima. ¹⁵ Kyona kirungi hali abo abasemire; baitu hali abasisikaire, n'abatali kwikiriza, busaho ekisemire, amagezi gabo n'omutima gwabo gusisikaire. ¹⁶ Mbagamba bamanyere Ruhanga, baitu mbamwanga omubikorwa byabo, ebyonugisa abajemi, kandi abatakusobora kukora ebirungi.