¹ Musaija mukuru aho Gayusi, omugonzebwa wange omumananu. ² Mugonzebwa wange, ningonza ogende omumeiso n'ebirungi omubyona, Kandi obe mwomezi hamubiri nkokukiri omumoyo gwawe. ³ Ntungire kusemererwa kwamani muno, obwabegenzi baizire n'okuha obwakeiso bwamazima hali iwe; nkokwoli kugendera hamazima. ⁴ Tinyina okusemererwa okukera oku kuhura abana bange mbagendera amazima. ⁵ Omugonzebwa wange n'okora emirimo n'obwesigwa hali byona okolire abagenzi beitu, ogonza omubene beitu abagenyi; ⁶ abaherize obwakeiso ha ngonzi zawe omumaiso gekanisa. Wokuhikirize ebyokwetaga kworugendo rwabo nkoku kirasemeza Ruhanga. ⁷ Habwokuba, habwibara lya Yesu bagenzere bataina kona akabatungere kuruga mubataikirize. Ntusemera kutangira abantu nkabo nukwe tusobole kuba bapagasi hamu nabo omumazima. ⁹ Mpandikire ekanisa ebigambo bike,baitu Diyoterefe, alikwenda kuba wokubanza mulibo, talikugonza kutwakiira; ¹⁰ nikyo obundija ndijukya engeso ezakora, atujuma nebigambo ebibi, ekitali kunsemeza, talikwakira abagenyi baitu, kandi owalikugonza kukikora n'amutanga n'okumubinga omukanisa. ¹¹ Omugonzebwa wange otakopoora ekibihire, beitu ekirungi. Onyakukora ebirungi wa Ruhanga, owakora ekibi atarole Ruhanga. ¹² Bona, n'anamazima nago nibaha obwakeiso oburungi hali Demeterio ogonza itwe ntumuha obwakeiso oburungi kandi nimukimanya obwakeiso bweitu bwa mazima. ¹³ Nyokubaire n'ebingi byo kukuhandikera baitu tinyakwetagere kukikora n'ebwino n'ekaramu. ¹⁴ Ninihera kukurora omukasumi kake, tulirorangana ha maiso. ¹⁵ Obusinge bube hamu naiwe. Abanywani mbakuramukya, kandi oturamukize abooku buli omu.