¹ Ma 'yi, Paulo 'i, 'ba biza arujoa Yesu ma e'yosi ri, Timoteo adripi amani be, Filemoni 'ba azi ngapi amabe tualu amani leleri pivu. ² Apia anvipu amani pie, Arikipo asikariru ama be tualuri pie, kanisa 'yi okupi jo mini ma aliari pie: ³ 'yetaa anzutiri piyi ma ovu emivu asi anzu be engazu Mungu Ata amani vu azini Opi Yesu kristo vu. ⁴ ma awa'difo fe Mungu mani vu o'du dria, mani e'yo mini egaria Mungu ziza mani ma alia, ⁵ mani leta mini avasiri piyi, a'yitaa mini be Opi Yesu vu asini 'ba altararu 'diyi vu dria ma e'yo erilerisi; ⁶ mazi kkini, ti icita a'yitaa minirini ma fe 'ba ma ni e'yo onyiru dri alualu ovu pi ama alia Krsito siri. ⁷ Te ma adri ovu ayikosi tu azini asi omiza be tu letaa mini avasiri, ma adri la, a'disiku 'ba alatararu 'diyi ni okpo a'diru isule eyi ma asia mi dririsi. ⁸ E'yo 'diri si, maka tro ovu okpo be Kristo ma alia azitaa azizu midri e'yo drifupi ciri 'yezu ra ti, ⁹ Letaa ma e'yosi ma azini azitaru ku, te ma matu 'ba mivu ma'i mbazoo Paulo, curu'do 'ba aruru Kristo Yesu ma e'yosiri 'yi. ¹⁰ Ma matu 'ba mivu ma nvi Onesimu ma e'yosi, mani tile mani ovuria arujoari'i. ¹¹ ( Eri koni ndra mi aza onyiru ku, te curu'do eri ama aza ko mi be onyiru). ¹² Ma omvi eri ma ngulupi mivu dika, eri asi mani ma adari'i. ¹³ ma le te eri ma ta mba 'doa; eri ma ko ma aza mi paria, pari yi ma ombezu e'yo barisiri ma alia; ¹⁴ Te ma le ni e'yo aluni 'ye asisile mini nikokoru ku, 'dini e'yo onyiru mini ma vu mini ecole e'yo andini 'yezuru kursi'dini ku, te mi asini lele ceni risi. ¹⁵ Te kani eri ovu esele coza be ewu were e'yo 'disi yani, mini ani eri a'izu dika ovuzu mi be 'dani, ¹⁶ ati'bo ru dika ku te aga ati'bora, adripi ovupi lezaruri, tuni ma dri, ti agapiri mi dri, e'yo ruanisi azini e'yo Opi ni si indi. ¹⁷ Mi ka ega ma mi ageyi ni, mima a'i eri ekile mini ma a'ile ri le. ¹⁸ Te eri ka ndra onzi 'ye mivu, kani nya marini yani, mi si e'yo nderi ma dria. ¹⁹ Ma 'i paulo, ma ti dri ma'i, ma nga eri ofe ra tedi ma ri miri mini mvavu ri eri mi ngulupi'i, maka e'yo ni 'yo mi tia kuti. ²⁰ E, ma adri, ma le te ayiko isu mivu Opi ma alia. Mima fe okpo o'diru ma asia Kristo ma alia fo! ²¹ Te mani nile mi nga e'yo 'diri a'i rarisi, ma si mivu ani, te ma ni ra mi nga 'ye aga e'yo mani 'yolerira. ²² Te mi ede pari omuni lazuri ngonde ma dri indi, a'disi ku ma ovu asi teza si agazu ma nga ovu feza ru emi dri, emini Mungu zile risi. ²³ Epafra, 'ba aruru ma be tualu Kristo ma aliari pi zi mi ci ci, ²⁴ Marako piyi, Arisitariko pie, Dema pieLuka pie, 'ba azi nga pi mabe tualu 'diyi. ²⁵ 'Yetaa anzutiri Opi amani Yesu Kristoni ma vu ovu orindi mini be Amena.