¹ Yakobo, ati'bo Munguni azini opi Yesu Kristo niri ,suru mudri drini iri yi eripi ndundu 'diyi vu; ma zi emi cici. ² Emi ka ovu obeta ndu ndu ma alia ma adripi, e'yo 'diri ma ovu emi dri ayikoru, ³ emi ni ra o'biza a 'ita emini o'bizuri eri asi teza eji . ⁴ E mi ku asi teza ma de azi ini dri ini dri fuzu 'yeke, emi ma ovu,ani fudri ci afa dria be 'yeke, emini ani ecezu e'yo alunisi ku. ⁵ Te 'ba azini emi eselia ka ondua ecera ,eri ma zi Mungu afa fepi 'ba dria dri avasi ,egapi 'ba dria kuri ma tia, eri nga ovu fezaru eri dri. ⁶ te eri ma zi a'itasi abaza kokoru te 'ba asisile abaza beri si ekile yi mbuza miri ni olini drole azini adile 'dale 'dolerile. ⁷ Agu nderi ma ega i asia kini i nga afa azini esu opi dri 'dini ku; ⁸ eri 'ba asi asi iri be, oyapi oya geri ini ma aliasi driari 'i. ⁹ Te adripi vale ruri ma ovu ayiko be yini eri 'bale ururisi, ¹⁰ Azini afa be 'iruri ma ovu vini ayiko be yini eri 'bale valerisi, eri ni ngale lule va ekile ase fulerisi. ¹¹ Te etuni adri efu oli aciru be, eri fi aseni onyu onyu; funi nga lu va ,wura ndriza erini nga dri ja acita erini ma alia ra. ¹² 'B a pa sopi obeta ma alia ci asi tezasiri eri drilebaru, a'disiku er ka nga ekilaza idrini opini ndra azile 'ba eri lepi 'diyi driri isu ra. ¹³ 'Ba ovupi obezaruri ma 'yo kini Mungu obe mani 'dini aluni ku, te 'ba econi Mungu obezaru e'yo onzi siku, mungu obeni vini 'ba ku indi. ¹⁴ Te 'ba alu alu ovu obezaru li erini eri sele jile bileni ewile risi. ¹⁵ 'Di ma vutia, li ka mva isu i alia 'bo eri ti ezatani, te ezata nde ka mba ra eri osi dratani. ¹⁶ Adripi mani lele 'diyi la ,'ba ma ici emi ku. ¹⁷ Afa feza onyiru dria azini feta kililiru 'diyi dria ibi enga uru,esizu va engazu ata diza beri vu,Ata nde i ojapi ku ovupi ewule ewulwule ojata niri be ku ri 'i. ¹⁸ Eri asini lelerisi, eri ti ama e'yo adarurisi, ama ma ovu ani afa erini bale 'diyi ma esele afa kapi okoriru. ¹⁹ Adripi ani lele 'diyi, emi ma ni 'diri, 'ba dria ma ovu e'yo erizu mbele ku. ²⁰ A 'disiku andra 'bani e'yo kililiru Munguniri ku. ²¹ E'yo 'disi emi ma nze e'yo ondiru dria azini asi onzi karakarau agapi rari pie,yi 'bezu amve, emi ma a'i e'yo ovupi sazaru emi asia ecopi orindi emini papiri asi e'yeresi. ²² Te emi ma ovu 'ba e'yo 'yepi 'diyi ru, te 'ba e'yo eripi bilesi toko 'yepi ku yi ngulupi icipi enzosi 'diyiru ku. ²³ Te 'ba ka ovu 'ba e'yo eripi ekile 'ba i ma ngulupi ma mileti ndrepi mandara ma aliarile. ²⁴ Te eri ka i mileti ama 'bo, eri mura, coti mileti erini te e'dapi ngoni yari avi er drira. ²⁵ Te 'ba lupi azita kililiruri, trutaniri ma aliari, ka adri alenia 'dani ka ovu 'ba e'yo eripi avipimbeleri 'i ku,te 'ba 'yeta 'yepi rari 'i, 'ba 'diri eri nga ovu drilebaru erini 'yeta 'yeria. ²⁶ 'Ba azini ka egara i ma asia i bi dini Mungu inzizuri 'bo, de nga eri ombeni i andra ku, te eri ici ima asi, dini agu 'dirini Mungu inzizuri eri toko. ²⁷ Dini Mungu inzizu alaru ezata kokoru Mungu ata ma miliari eri 'di 'i: imvoanzi pi andrizu awuzi piw ocoko yini ma , azini 'bani ima agei tezu e'yo nyakuni kazu eri ezazu ku.