¹ Ngoke Gayo dho bbo ma ji mathi ro na ke , bubu lo jotsina ma ji na ke. ² Madza jidha dhi ngba mari dzi nitho ni ronga leni kru bblo ku na ritsi chulu furigiti ni ndi di bblo, didi ni thi jo rithoni nari bai. Mananga jieni bbo nijolo na sie madhingana na lejoi ddrae nidza bubu lo matho, ni bi ni chou ku na chulu. ⁴ Avuri jolu ka ndi tho ma nyo ro na di ritsi ro ku nga, dichu ma dza nzo bi bubu lo na na ri ma rr na lotho. ⁵ Ma dza bbo jidha dhi ngba , ni bubu lo nji nijoi ndru ma tho dingana sisi na ndru tho ma di. ⁶ Didhi fundru ddra nidza zidha dza lo njutso Ginri nju njule dhi ndru kana . Ninji ri bblo niko kpa tsotso kpadhi bidha kana , furi ii ku didi Ginri dza ke bai, bubu the fukpa tuni ndimathi ba guro Yesu Kristu dza nji njitha tho nza ndi matho nga ku wakristo na kpa bu du ro ma ro. ⁸ Kotho ringani koko fudi na ndru tsotso, ndiro chu kothoni chuu lo dyu na kpa de. ⁹ Ma ilo ndi ni eklesia tho, Diotref , adz' ro ndi ji ndi di ndru njiro na ke koe ko nza. ¹⁰ Fulo tho, ma si ni ba ro ma si ke nji na chelo ddra kru, nga ku blo na lo ke ti kojo nza thonga na lokpari ma na. Ndz ndinga jinijiro ndi ri nji ro, ke ndindiro ko ko joi nza. Ke ngba ji ndima njiri bblo na fu kpa tso chocho, narigoti ke di njakpa gu dra dzanaro. ¹¹ Ma dza jidha thi ngba, nzi mbeni che lo ulu furi ara bblo lo ulu. Bblo ri nji na ke ku Ginri dza ke, chelo nji na ke nza chu Ginri ro ngbadyi ma di ri. ¹² Drimatio jo kru ku na ndru ti bblo lo , ko ma di ngu ri po fuchu, ndiri goti nichu ringba ke jo kopo na lo ku fu. ¹³ Mae bo lo na ma ddrae nithoro, nde ma dz jii ma ndiri ndiri. ¹⁴ Ma ri di ma si ni ba njanga ro , ko si loti kotsona. ¹⁵ Ngoi e nidjo . Lubai kpari zu nironga . Azu nja lubai kpari ronga ma di