¹³ Neingaba na ema aati, inde ainga neo saela, impa, indagati ne kondi saali. ¹⁴ Nena maha aona la dhooe, na anga beambola aanyo. ¹⁵ Djedje nda MOKONGA abe naoe. Oe sesea badhami, yeli yenganga. ¹ Nuno, anga Gayo, mankondanga, imbe ne nkondi. ² Dhami, ne kondi te ogee mosa aema li bhuu, na obe na ngebe aanja, sindelinde meemao agee mosa. ³ Netuma ne djangi, ndambi nde badhami atuma bakidi na tomia la mbino aanja angao, toa la domi nde aasubao, na sindelinde o tamba a domi. ⁴ Inda nena budjeme inda teisi okalaau sindelinde Baanami batamba a kenene. ⁵ Dhami, okola sindelinde atoleli ainde oe kolela badhaasu, na anga badhaasu batambi. ⁶ Bande atuba ngodi bonja la inde okola mosa la ba Klisito ondokola hele, tabela la bungu tamba ndabo, sindelinde atoleli mosa la MOKONGA. ⁷ Ngaa, ande ngaa ina Yesu yatuma angise baaga, na ndagai ba oni ema toa la njaga bato abudjede. ⁸ Atoleli impa be esesee ba boo sinda bande ngabibe ba bhedi mobili besu naibo. ⁹ atune saeli ba Klisito yonga moti moti, impa Diotelefe, imbe akondi abe mosa laabo akomi sesea laasu. ¹⁰ anda angisa, naye neono oni aba djudjusa yonga nda djede inde aya oso yongela, kangana djemela la indo, indaga esesea badhaasu, na bande bana ekondi akola, aekanisa na aebea asuba Boyoni. ¹¹ Dhami, okengela gai budjede, inka inda anja. Imbe akola inda anja, andembe ma MOKONGA, imbe akola budjede indaga ya nengi MOKONGA. ¹² Bobhu, na domi ye menemene, angoda bonja nda De;etilio, na besu bengodi bonja ndae, na oubha sindelinde ngoda ndaasu ande a domi. ¹³ Neingaba na ema aati, inde ainga neo saela, impa, indagati ne kondi saali. ¹⁴ Nena maha aona la dhoe, na anga beambola aavo. ¹⁵ Djedje nda MOKONGA abe naoe. Oe sesea badhami, yeli yenganga.