¹ तेणे तुंओ बै जिलाऐ राए जू आमोरयोंपणे ओपराधो ओरो पापो के काऱणो मोरयो दै थिए। ² जेणे तुंओ कै ओगोडियो कै इयों सोंसारो के रीतियो पांदी ओरो आसमाणो खै हाखिमो ओरो तेसी आत्मा के ओनुसार चालो जू ऐबे बै आत्मा ना माणणो वाले मुंजी काम कोरो। ³ इनुमुंझी हामु सोबे कै सोबे ओगोडियों आपणै शोरिरो की लालसाओं मे दुस बितोऊ थिऊ, ओरो शोरिरो ओरो मन की इच्‍छा पुरै कोरै थिऐ। ओरो ओकी लोगो खै जैशै ही स्‍वभाव ही सै गुस्‍सै कै सन्‍तान थै। ⁴ पोरो पोरमेश्‍वर जु दोया का धणी ओसो आपणै तैसी बोडै प्‍यार कै कोरणौ जैशै खै तैणे हामु खै प्‍यार किया। ⁵ जोबै हामु अपराधौ के कारण मोरयो दै थियै तौ हामु मसीह कै साथी जिलौऊ (अनुग्रह सै तुंआरा उद्आर होऐ रौवा। ⁶ ओरो मसीह यीशु खै तैसकै साथै उठौऊ ओरो स्‍वर्गीय ढांव पांदी तैसकै साथै बौडला। ⁷ की सै आपणै तियो करपा (दोया) सै जु मसीह यीशु खै हामु पांदी ओसो, आणैवालै समय दै आपणै अनुग्रह का असीम धण दिखाव। ⁸ जिथु विश्‍वास खै व्‍दारा अनुग्रह ही सै तोआरा उद्आर (मुकति) मिलै रौआ। ओरो ऐजो तुंआरै ओरो शौ नै, पोरो पोरमेश्‍वर का दाण ओसो। ⁹ ओरो न कामो खै कारण ऐशै नै हौ कि कुणियै घमण्‍ड (नोखरै ) कोरो। ¹⁰ जाऐ हामु तैसके बोणाणौ दै ओसो, ओरो मसीह यीशु में तिनु भोलै कामो कारिये बौणॅऐ राखै, जिनु जिनु पोरमेश्‍वर ओगोडियो सै हामु कारियै तैयार कियु। ¹¹ इथुकारिये याद कोरो की तुंऐ जु शोरिरो की बातों (रीति) सै अन्‍यजाति ओसो, (ओरो जु लोग शोरिर मै हाथो खै कोरियो दै खतनै सै खतणवालै कैलाव, सै तुंओ खै खतनारहित बोलो। ¹² तुंऐ लोग तैसी समय मसीह सै जोई, ओरो इस्‍त्राएल खै प्रजा कै पद सै जौई कौरियो दै, ओरो प्रतिज्ञा की वाचाओ (वादा) खै भागी न आथि, ओरो आशाहीन ओरो जोगत में ईश्‍वररहित थियै। ¹³ पोरो ऐबे मसीह यीशु मे तुंवे जु ओगोडियो दुऱ थिऐ, मसीह खै खुनौ के व्दारा नैडिक हौऐ गौवे। ¹⁴ जितु सै हमारा मैल ओसो, जैणे दुखै एक कोरै दियै, ओरो जोई कोरणैवालै भितै खै जु बीचो दै थी ढालै (गिराऐ )दी। ¹⁵ ओरो आपणै शोरिरो मे बौयेर ओरो सैजे व्‍यवस्‍था जिथकै आज्ञा विधियो कै रीति पांदी थिऐ,मिटायै दिऐ कि दुखै आपणै मे एक नौवा आदमी पौयैदा कोरैबा मेल कौराऐ दौ ¹⁶ ओरो क्रुसो पांदी बोयर खै खोत्म (नाश) कोरेबा तेसकै व्दारा दु खै एक शोरिरो बौणाबा पोरमेश्‍वर सै मिलाऐ। ¹⁷ तैणे आयोबा तुंऐ जु दुर थिऐ ओरो तिनु जु नैडिक थिऐ, दुऊखै मैल-मिलाप का सुसमाचार शुणाओ। ¹⁸ जिथु तेसकै व्‍दारा हामु दुकी एक आत्मा मै पिता कै धौरे पोऊचोऊऐ। ¹⁹ इथकारिऐ तुऐ एबै विदेशै ओरो मुसाफिर न रोऐ पोरो पवित्र लोगौ खै साथि स्‍वदेशी ओरो पोरमेश्‍वर कै घराणै खै हौऐ गौऐ। ²⁰ ओरो चेले ओरो भविष्‍यव्‍दक्‍ताओ की नीव पांदी, जिथकै कुणै का पाथोर मसीह यीशु आपि ओसो, बौणॅऐ गौऐ। ²¹ जिथमै सारै रोचणा एकी साथि मिलैबा प्रभु मै एक पवित्र मन्‍दिर बौणदै जाऔ। ²² जिथमै तुऐ बै आत्‍मा खै व्‍दारा पोरमेश्‍वर निवास स्‍थाण होणै कारियै एकी साथै बौणाऐ जाऔ।