इफिसियों 3
1
इसे कारन आऊ पोलुस जेहडा थआड़े बखरी जातियें अस अते मसीह यीशु दा बंदी ऐं-
2
जे तुसैं परमात्मा दे उस्स क्रपा दे प्रबंध दा सनेया सुनया ओए, जेहडा थआड़े अस अते मीकी दिता गया,
3
मतलब ऐ की ओह पेद मेरे उप्पर प्रकाशन दे रहें परकट ओया, जिय्यां आऊ पैलैं गै संखेप च आऊ लिखी चुके दा ऐं,
4
जेस कन्ने तुस पढ़ीयै जानी सकदे हो के आऊ मसीह दा पेद कुत्थें तकर समझना ऐ ।
5
जेहडा बाई बेले च मनुक्खें दी संतानें गी इय्याँ नेई सनाया गया हा, जिय्यां के आत्मा दे रहें हूंन ओहदे पवित्र प्रेरिअतें अते आने अलेवक्अतें उप्पर परकट कित्ता गया ऐ ।
6
मतलब ए के मसीह यीशु च सनेया दे रहें बखरी जाति दे लोग जैदाद च साझी, अते इक गै जीद दे अते हरज्ञा दे पागी न ।
7
आऊ परमात्मा दे उस्स क्रपा दे उस्स दान दे लेखा, जेहडा उस्स दी शक्ति दे प्रभाव दे लेखा मीकी दिता गया, उस्स सनेया दा सेवक बनया ।
8
मेरे उप्पर जेहडा सारें पवित्र लोकें बिचा नीके थमा भी निकां ऐं, ए क्रपा ओया के आऊ बखरी जातियें गी मसीह दे कठन तन दा सनेया सनां,
9
अते सारें उप्पर ए गल्ल प्रकाशित करां के उस्स पेद द दा प्रबंध के ए, जेहडा सबनी दे सृजनहार परमात्मा च पैलें थमा गुप्त हा ।
10
तां जे हूंन कलीसिया दे रहें, परमात्मा दे लाग चाल्ली दा अक्ल उन प्रधान अते आकियें उप्पर जेहडा सुर्ग दी जगहें उप्पर ऐ, परकट कित्ता जा ।
11
उस्स सनातन बचार दे लेखा जेहडा उस्स ने साहडे प्रभु मसीह यीशु च किती हे ।
12
जेस च असें गी उस्स उप्पर परोसा करने कन्ने हिम्मत अते परोसे दे कन्ने परमात्मा दे कोल आने दा आक ऐ ।
13
इसे अस अते आऊ बिनती करना ऐ के जेके क्लेश थआड़े अस अते मीकी ओया करदे न, उंदे कारन हिम्मत नेइ शोड़ो, कीहके उंदे बिच थुआढी महिमा ऐ ।
14
आऊ इसे कारन उस्स प्यो दे समुक घुटने टेकना ऐं,
15
केस कन्ने सुर्ग अते तरती उप्पर, अर इक कराने दा नां रखा जांदा ऐ,
16
के ओह अपनी महिमा दे तन दे ,लेखा तुसें ए दान दीयै के तुस ओहदे आत्मा कन्ने अपने कोल दी इंसानियत च शक्ति पाइयै जोरे आले ओंदे जाओ;
17
अते परोसा दे रहें मसीह थआड़े दिले च बसै के तुस लाड च जाड पकड़ीयै अते नीव पाइयै,
18
सारे पवित्र लोकें कन्ने पली भाँती समझने दी शक्ति पाओ के उस्स दी चड़ाई, अते लमाई, अते उंचाई, अते गेराई किन्नी ऐ,
19
अते मसीह दे उस्स लाड गी जानी सको जेहडा अक्ल थमा परे ऐ के तुस परमात्मा दी सारी परपूरी तकर परोई जाओ ।
20
हूंन जेहडा इसा शक्ति आला ऐ के साहडे बिनती अते समझ थमा कई मता कम्म करी सकदा ऐ, उस्स शक्ति दे लेखा जेहडा साहडे च कम्म करदा ऐ,
21
कलीसिया च अते मसीह यीशु च उस्स दी महिमा पीढ़ी थमा पीढ़ी तकर युग -युग ओंदी रवै । आमीन ।